أحدث أفلام الموسم
ــ شنبوه فى المصيدة ...
و كلكم فاكرين شويكار و هى بتقول شنوبى ، طبعا يا حبى ، شنوبك فى المصيدة ، و تحديدا فى برتو طرة . . اهوه شنبوا المصبوغ دخل المصيدة و ياعينى مش ح يلاقى صبغة هناك لا للشعر و لا للشنب .. و احتمال يتحلق و يبقى ضاع الشنب يا ولدى
و فى النهاية أحب أهدى السيد " شنبوه " أغنية ذكرى ، يوم ليك و يوم عليك .. و بما أن يومك كان طوله 30 سنة فى ان شاء الله اللى عليك يكون طوله 300 سنة ... يعنى ح تسيب للورثة احكام تكفيهم لحد الجد الخمستاشر
سألوه عن موقعة الجمل قال شفتها فى التلفزيون و سألت علي عنها الرئيس السابق قال ما يعرفش عنها حاجة هو كمان .. يا حينىىىى ، ده شنوبى يستاهل النتف ، مش الحبس
و بعد فساد 30 سنة فى الحياة المدنية العامة و بعد عدد غير محدد من الفساد فى الحياة الاستخبارتية و استخدام بعض الفنانات و فتايات الليل فى ممارسات غير أخلاقية .. تم ترحيل " شنبوه " الشريف شنبوه لطرة لاند بعد تحقيقات كانت مدتها 12 ساعة متواصلة لم يقطعها إلا طلبه قال ايه عشان يصلى الظهر و مرة عشان يصلى المغرب ، و لم ترد أى أنباء عن صلاة العصر و العشاء
المشاركات
ليست هناك تعليقات:
إرسال تعليق