google.com, pub-5789936701390099, DIRECT, f08c47fec0942fa0

داخل المقال

google.com, pub-5789936701390099, DIRECT, f08c47fec0942fa0

click

google.com, pub-5789936701390099, DIRECT, f08c47fec0942fa0 google.com, pub-5789936701390099, DIRECT, f08c47fec0942fa0

المتابعون

إجمالي مرات مشاهدة الصفحة

Subscribe Now: standard

Translate

الأحد، 29 يناير 2012

طرد منصة الإخوان من الميدان

الشيخ الازهرى يرفع حذائه لمنصة الاخوان
شهد يوم 27 يناير بميدان التحرير احد شيوخ الأزهر و هو يرفع حذائه في وجه منصه الأخوان المسلمين بسبب نزولهم للأحتفال .. و مش بسبب بيحتفلوا بشكل يخصهم لكن قرروا يوزعوا سمعات منصتهم في جميع ارجاء الميدان للتغطية علي صوت الثوار المطالبين برحيل العسكري و الحفاظ على حقوق الشهداء ... إلا ان إيمان الثوار بحق الشهيد و حق الوطن خلا صوتهم يعلى فوق مكبرات الاخوان ... و الصوت الوحيد إللى عبر عن الميدان كان بيقول " يسقط يسقط حكم العسكر .... هنا قرر الاخوان  بتشغيل قرأن في مشهد لا ترضاه الآيات الكريمة التى كانت تتلى ، و كان الهدف من القرآن ؛ كلام الله المقدس هو أسكات صوت الثوار في مطالبتهم بالحق .


و دى كانت الشرارة إللى استفزت الثوار و بدأ الهتاف يقول :
"  بيع الثورة بيع ... يا محمد يابديع "
"صور .... ذيع  ... باع الثورة بديع "
" لا سلفية و لا اخوان ، ده كله شغل بدنجان .. الإخوان يطلعوا برة"
الشرعية م الميدان .. الشرعية م الميدان .... و اللى فاكر نفسه كبير ، الشرعية م التحرير .. دم الشهدا مش ح يضيع


" قولوا لمكتب الارشاد .. دم ولادنا مش مزاد .. يا بديع قول للعريان .. احنا الثورة فى الميدان " 
"  دى ثورة ، مش حفلة "

مسيرة قصر النيل داخلة الميدان و هى بتقول :
" بيع الثورة بيع ، يا محمد يا بديع "

الميدان يرفع الاحذية فى وش منصة الاخوان


قول الخاين و الجبان .....يطلع برة م الميدان
و إللى يبيع دم الشهيد ..... يبقى حزب وطنى جديد
قولوا لمكتب الإرشاد ......مصر بلدنا مش مزاد


و لما الميدان قرر يبعت مسيرة عشان تتظاهر عند ماسبيرو
كان الهتاف بيقول :
" بيع بيع ...  الثورة يا بديع "

و أخيرا يوم 28 يناير كان الدعاء على الاخوان فى صلاة الغائب على كوبرى قصر النيل

السبت، 28 يناير 2012

شريهان تقرأ الفاتحة للشهداء و الإخوان لا يقرؤن ، بل يغنون و يرقصون

فى الوقت إللى كانت فيه شريهان واقفة بتهتف فى الميدان و تواسى أهالى الشهدا و تقرالهم الفتحة كانت منصة الأخوان مشغلة الآغانى فرحانيين بالبرلمان إللى وصلوله على جثث الشهدا .

يشهد ميدان التحرير و يشهد يوم 27 ، ان شريهان كانت واقفة تواسى أهل الشهيد ؛ الدكتور علاء عبد الهادى .. و الاخوان مشغلين المكبرات و معليين الأغنيات ، و كأن مافيش حد استشهد او رحل و مات

دول ممكن يكونوا  بنى آدمين ؟؟؟  ولا  مجرد جثث متحركة على الأرض .. تفتقر لمعانى الإنسانية و قواعد الآداب المصرية .

و لأن مافيش كلام اقدر أعبر بيه عن ضيقى من إللى خانوا الشعب ، و بيخونوا حق الشهيد فأحب أقول لهؤلاء  الأموات ، و طبعا ما أقصدش الشهداء ، انا أأقصد الأموات فى عالم الشرف ، الأموات فى عالم الوطنية ، الأموات فى دنيا الإنسانية ... البرلمان مش آخر الطرقات .. يا من سجلتوا فى الخسة مستويات .... و انهى البوست مع حاجة تفتح النفس و فيديو للجميلة شريهان


ربنا يكرمك يا فنانة و يخسف الأرض باللى خانوا العهد و بيخونوا الشعب  و اهدورا حق الشهيد ... لكن برضه الثورة مستمرة و المجد و الخلود للشهداء

الجمعة، 27 يناير 2012

مسيرة 26 يناير من التحرير لماسبيرو تطالب بتحرير الاعلام و سقوط النظام

تحركت المسيرة  من التحرير لماسبيرو فى حوالى الساعة تمانية و هى تطالب بسقوط العسكر و تحرير الاعلام ...
و تنوعت الهتافات بها على النحو التالى :
- ماسبيرو عدو الميدان ..... والشهيد على شاشته إتهان
- الشريف هو أنيس ..... نفس الكدب والتهليس
- الإعلام كداب بزياده ....... خلّى لوجو الشاشه بياده
- بقت الشاشه صوت للعسكر ..... هيه دى شاشه والا معسكر
- الإعلام كداب بزياده ..... فى التضليل حقق رياده
- هم حاجه وإحنا حاجه .... إحنا نموت علشان قضيه ....... وهم يبوسوا فى البياده ...... إحنا ثورة نور وخير ..... وهم عبيد للمشير

   بعد وصول المسيرة عند مبنى  اتحاد الإذاعة و التلفزيون كان الهتاف بيقول  " اعلام كذاب ، اعلام كذاب" ...... و رفع الشباب  الجزم في وش ماسبيرو ...  و بدؤا يعرضوا فيديوهات " عسكر كاذبون "  على جدران ماسبيرو ... و كانت اعداد المتظاهرون بتزيد بشكل مستمر و تتزايد بسرعة رهيبة و كأن كل معتصم يتصل بأسرته و أصدقائه و معارفه لتنضم لهم  ..  حتى وصل عدد المتظاهرين إلى خمس تلاف شخص ؛ اعلنوا الإعتصام  


و كان النداء فى الميكروفونات  بيقول : " لو ما طلعش بيان بتسليم السلطة الليلة دى قبل الساعة 12 ، بكرة جمعة غضب تانية فى مصر كلها "
و اهم شئ فى المظاهرة انها كانت سلمية رغم ظهور اشاعات من بعض المغرضين ان الثوار يعبثون بالسلك الشائك بماسبيرو .. و طبعا ده كدب بين مقصود بيه اختلاق اعذار لإستخدام القوة من قبل القوة الغاشمة
_____________

الجيش والشرطة اعتقدوا ان المتظاهرين ممكن يدخلوا المبنى ،ف قفلوا أبواب ماسبيرو أمام المتظاهرين المطالبين بتطهير الاعلام .. الطريف فى الأمر ان المتظاهرين فى الخارج  بدؤا ينادون على المعتصمين داخل ماسبيرو للانضمام لهم و بالفعل خرج ناس من ماسبيرو انضمت للمعتصمين

اعلن المتظاهرون أمام ماسبيرو و كان بينهم زياد العليمى عضو مجلس الشعب اللى كان قاعد على الرصيف قدام ماسبيرو مع المعتصمين ؛ حيث  أعلن الجميع استمرار الاعتصام  أمام المبنى  حتى رحيل المجلس العسكرى ...
و يؤكد المتظاهرين ان اعتصامهم سلمى و اى تخريب باى شكل أو من أى نوع المجلس العسكرى و الداخلية مسؤلين عنه


































الخميس، 26 يناير 2012

بيان من النشطاء السياسيون...لرسم خارطة الطريق للثورة المصرية


بيان من النشطاء السياسيون :
إلى جميع طوائف الشعب المصرى العظيم الذى خرج معنا أمس فى يوم سجله التاريخ ليس للإحتفال بدماء لم يتم القصاص من أجلها و لكن لإستكمال ثورة هتفت جماهير التحرير بسقوط حكم العسكر و تسليم السلطة للمدنيين عاجلاً

و لذلـــــــــك قررنا:
===========
أولاً: الإعتصام : (25 يناير) فى الميدان كـ خطوة مبدئية بدون تعطيل حركة السير فى منطقة وسط البلد و التعهد بإنسياب حركة المرور

ثانياً: مسيرات حاشدة :(26 يناير) يوم بعد يوم , مسيرات جماهيرية تطالب بحقوق لم تأت بعد و من ثم تقرر عقد عدة مسيرات لـ حملة "عسكر كاذبون" بجانب وقفات حملة"سلاسل الثورة" غداً بالإضافة إلى مسيرات حاشدة نحو ماسبيرو لتطهير الإعلام

ثالثاً: جمعة الغضب: (27 يناير) و الذى سيتم الحشد له لـ تسليم السلطة إلى رئيس جمهورية منتخب فوراً

رابعاً: المقاطعة: (28 يناير) و التى سيتم فيها مقاطعة جميع شركات المحمول بأنواعها (موبينيل/إتصالات/فودافون) التى خضعت لأوامر العادلى العام الماضى مما تسبب فى قطع الإتصالات و التى أدت إلى قطع التواصل مع المتظاهرين فى التحرير مما ادى إلى وقوع شهداء نتيجة عدم اللحاق بهم للإسعاف و إعتبار ذلك جريمة يعاقب عليها القانون

و بعد مرور هذه المراحل و لا توجد ردة فعل و تجاهل من المجلس العسكرى سيتم إعلان (العصيان المدنى) فى جميع قطاعات الجمهورية علماً بأن هذه الخطوة وافق عليها أعداد كبيرة من العمال و العاملين فى قطاعات الدولة.
بعدها اذا لم يرضخ النظام .. سنتوجه بمسيرات ضخمه لحصار مؤسسات الدولة  ، ولسنا فرحين بذلك ولكن النظام يجبرنا عليه كما اجبرنا المخلوع قبل ذلك.

شباب بيحب مصر - من قلب ميدان التحرير
الله . الوطن . الشرعيه الثورية







علاء الأسوانى يخطب فى شباب الثورة



علم مصر يفر على مبنى الجامعة الأمريكية



علاء الأسوانى يؤكد ان ماحدش ح يفلت من العقاب





كل الفئات تهت ضد العسكر











جاى من بورسعيد عشان يهتف ضد المشير


بيأكدوا ان برلمان الاخوان لا يعبر عن الشعب








الميدان هو الشرعية ... و الميدان نادى بسقوط العسكر

الميدان هو المكان الوحيد الصادق الغير قابل لآى تزيف أو تزوير أو تزوير ... الميدان هو المراية الصادقة الوحيدة إللى أى حاكم يقدر يشوف صورته الحقيقة فيها ... و مصر كلها خرجت فى مسيرات هتفت بسقوط العسكر و ضرورة رحيله .. و قرر الشباب الاعتصام بالميدان حتى رحيل النظام .. وو قف علاء الأسوانى يخطب فى الشباب من فوق أرشف منصة بالميدان لكن الإخوان لغوشوا عليه بالأغانى و كأن عندهم فرح ... يا ريت حد يقولهم فى شهدا دمهم لسة ما نشفش .. لكن ده ما منعناش نسمع و نسجل هتاف الدكتور علاء الأسوانى ضد العسكر مؤكدا ان ما حدش ح يفلت من العقاب .


و فى الوقت إللى كانت فيها المسيرات بتطوف كل المحافظات و خاصة محافظة القاهرة ، كان الإخوان بيغنوا و يرقصوا على أغانى عبد الحليم .. فى الوقت إللى الشباب جاى ماشى   من مدينة نصر  و مصر الجديدة و الجيزة و شبرا بيهتفوا بتحرير مصر و سقوط العسكر ، كان الإخوان بتعلى الأغانى فى الميدان عشان ما حدش يسمع صوت مصر ، و بكاء أهالى الشهدا ، و صوت الشباب الأحرار إللى هتفوا : ثوار أحرار ح نكمل المشوار .. و رفض الميدان عمرو موسى و أحمد شفيق فى لافتاته ، رغم ترحيبه بالبرادعى و أبو الفتوح و صباحى الذين خرجوا فى مسيرات حتى ميدان التحرير






















الثلاثاء، 24 يناير 2012

و مازال ماسبيرو يدار بالحركات القرعة



احنا ما بنقولش ان مافيش حقوق مهضومة فى قناة النيل للأخبار ، و لا بنشكك ان فى شرفاء فى هذه القناة رغم ان نائب القناة هى أدمن صفحة " آسفين يا زفت "  ... لكن السؤال المطروح دلوقتى هو :  ليه ؟؟ و يعنى إيه ؟؟؟ و اشمعنى دلوقتى تحصل واقفة احتجاية من العاملين فى القناة علشان فيلم انتج بتاريخ يونيو2011  ... و ليه الوقفة دى ماحصلتش لما أدمن صفحة آسفين يا  قطران  بقت نائب لرئيس القناة


و الاجابة الوحيدة المسيطرة على عقلاء الوطن هى ان أنها حركة مفتعلة .. حركة مقصود بيها تبيض وش قناة النيل قدام الرأى العام .. عشان لما ينقلوا أى كلام فارغ من العباسية ، الناس تقول آمين ، أصل دول ناس كويسين و معتبرين ، و ما بيكذبوش ، لكن لما تشوف الفيلم إللى اتعمل عشانه الواقفة العجيبة ، ح تتأكدوا ان ماسبيرو يدار بالحركات القرعة


الفيلم لا يحمل معلومة جديدة ، و لا رؤية مغايرة ، و لا يعمل على التحريض ضد الظلم و رفض الفساد و القمع و انتهاك عفة النساء .. و لا حتى بيحرك مشاعر الناس ، و لا بيقولهم كلام سر .. يبقى إيه السر ورا رفض عرضه ؟؟؟ 


الاجابة الوحيدة المقبولة نصها بيقول   " و مازال "ماسبيرو يدار بالحركات القرعة " |


و عشان ماحدش يقول علينا مفتريين ، ح نعرض عليكم الفيلم و عليكم التقييم







الاخطر ان الفيلم بالطرح إللى قدمه بيدى مبرر لتقعيل قانون الطوارئ و هو وجود الارهاب ... لما يبقى الفيلم اسمه " اسمى ميدان التحرير " و بيتكلم عن الفقراء يبقى عايز يوحى ان الناس خرجت بسبب الفقر و ده مش حقيقى .. لأن إللى دعى للخروج هما الطبقة المتوسطة و فوق المتوسطة و إللى ما بتعنيش من الفقر لكن بتعانى من مشاكل تانية الفيلم أغفلها .. ده غير ان الناس خرجت للتحرير بسبب احساسها بالظلم مش للفقر





شفتوا الفيلم ... أكتر كارثة فنية باشوفها فى السيناريو ، ان فيلم اسمه ميدان التحرير و مع ذلك يحمل صورة للمخلوع فى عدد مشاهد أضخم مما ستكون لفيلم كان عن انجازات المخلوع .... و الحاجة التانية إزاى يتعمل ان الميلاد كان فى سنة 1981 ... ليه مش قبل كدة بسنة ، و لا بعد كدة بسنتين ، الاسقاط فيه مشكلة بتأرقنى و ان كنت ما بأشكش فى صناع الفيلم .. لكن بأشكك فى القائمين على عرضه ، ليه رفضوا عرضه ؟؟ و ليه وافقوا عليه فى الوقت ده .. عشان يأكدوا على المعنى إللى بيقول : " و مازال ماسبيرو يدار بالحركات القارعة "


ليه فيلم زى ده يتم منعه من العرض ، ده فيلم عادى .. و لا يمثل خطر على النظام الحالى ، خاصة انه لا يحمل رؤية واضحة من اول سطور كتبها السيناريست إللى قالك مش عارف الفرحة جاية و لا مش جاية ... و جاء فى التعليق جمل تحمل معانى فيها اسقاط لا اقبله لما قال " ميلاد طفل و مسيرة رئيس " .. ربط الميلاد بالمسيرة امر لا يتعارض مع ان المشرف على الانتاج هو ابراهيم الصياد الذراع الأيمن لأسامة هيكل فى أحداث ماسبيرو


اعتقد ان مثل هذا الفيلم كان يحتاج وقفات احتجاجية لو رفض النظام عرضه قبل الثورة يعنى قبل 25 يناير 2011 يناير .. مش  يتعمله وقفة احتجاجية فى الذكرى الأولى لثورة يناير  ... خاصة و ان ابطال الفيلم كلهم خلف الأسوار و يعرض لهم فى السوق افلام اقوى  .. و منها فيلم "  ابو بدلة زرقا " للعادلى ، و الفيلم  التانى " نايم فى سريره و بيلعب فى مناخيره " للمخلوع


و عشان نبقى حقانيين لازم نقول ان اعظم مشهد فى الفيلم هو تصفيق اعضاء مجلس الشعب على انجازات الفساد فى عهد المخلوع ... و العشر دقائق القبل الاخيرة حيث اتسق مضمون الفيلم مع اسمه " اسمى ميدان التحرير "
و اعتقد ان اكثر ما استفذ صناع الفيلم انهم حاولوا يرضوا مسؤلوا ماسبيرو فى النصف الاول من الفيلم لكن الهوا ما جاش سوى ، و  قالوا مش ح نعرض الفيلم  رغم انهم عارفين ان الفيلم لا يحمل أى مشكلة و مافيش أى خطر من عرضه ، لكن لأن ماسبيرو مازال يدار بالحركات القارعة ، فقرر مسؤليه يذيعو الفيلم عشان يبيضوا بيه وش السلطة الموجودة دلوقتى و الفيلم ما جابش سيرتهم


و من اسباب عرض الفيلم انه لا يحمل مواقف مؤثرة توحى بأسباب قيام الثورة ، غير أثار التغذيب فى لقطتين ، لكن فين قطر الصعيد ، فين العبارة ، فين اخبار المعتقلين ، فين انتفاضة العمال ، فين الأحداث الجسام إللى خلت الشعب يثور بجد .. ده لو افترضنا ان الفيلم بيتكلم عن اسباب قيام الثورة ، و بيحاول يفكر الناس بيها عشان الذكرى ألأولى  ... لكن ده فيلم - اطلق عليه فيلم بشكل مجازى - ما يحتجش وقفة احتجاحية غير لأن المسؤلين عن ماسبيرو بيديروا المبنى بالحركات القارعة














African ad platform



بشرى يا مصريين البرلمان بادى بداية قوية .. و قريب اوى ح يتحل و الثورة ح تتسلم السلطة




إللى رقبته فى المشنقة الحمرا ده ميت مش نايم نسأل الله ان يتغمده برحمته
 و دى طبعا بداية خير و بتأكد ان النواب ح تنفذ القسم إللى حلفت عليه
: " اقسم بالله العظيم ان ارعي مصالح الشعب والوطن بس فى اوقات فراغى و بعد ساعات النوم الرسمية "




و المشكلة الحقيقية إللى بتواجهنى انا شخصيا ... هو فين الدستور إللى بيتحلف عليه ..  الأعضاء بتقسم على إيه ؟؟؟ انتوا ح تجننونى ولا ح تجننوا الشعب كله عشان تضمنوا انه عباسية - مش تحرير -... بتحلفوا على حاجة مش موجودة ... ح تحترموا كائن لسة ما اتولدش .. أكيد المشكلة عندى أنا مش عند المجلس ، أكيد الدستور اتعمل فى السر ، أو اتعمل لما كنت فى الكهف قبل ما الروح ترد فيا و ارجع للحياة من جديد




العضو الموقر بيأكد انه مش عارف ان كانت الدولة جمهورية و لا برلمانية ... ما يعرفش ان مصر جمهورية ... و دى حاجة برجلتنى احتمال مصر تبقى ملكية ؟؟؟؟... مبروك ، ألف مبروك علينا البرلمان .. فعلا بشرى ان الدستور ح يحطه علماء الوطن الأفاضل 




و لسة إللى جاى أحلى .. و ان شاء الله ح نقضى مع المجلس أحلى الأوقات لحد ما حد يرفع قضية تحكم ببطلان هذا المجلس إللى اعتمد على القوائم ، و الناس نزلت انتخبت إللى على رأس القايمة و بعدين اكتشفوا ان الاحزاب حطت ناس تانية ... زى ما حصل فى برلمان 90 ... ده غير الطعون و حكاية التسعة ميلون صوت إللى صوتت ببطاقات رقم قوم فيها مشكلة قانونية

اتمنى للمصريين أحلى اوقات مع الفقرات الكوميدية إللى ح تدخل السرور على النفس ، و تخليهم يقهقهوا من الفرحة و يستبشروا خير خير خير بأن الثورة مستمرة  .. و كل مجلس و انتوا طيبين و البقاء لله ، و كل من عليها فان 





و ده ليه ؟؟ لأن رغم كل فنون الابداع التى ظهرت فى ميدان التحرير ايام الثورة لكن انا ما شفتش عرض للأراجوز ، و ده سبب التفاف الناس حول الثورة ، و ده نفس سبب ابتعاد ناس اكتر عن اصحاب الكراسى... و  الأراجوز إللى قدم عرضه النهاردة ح يكون سبب فى انتصار الثورة

و أكيد الثوار بدؤا يخدوا العزاء بعد عرض الأراجوز   .. و بعد سرادق العزاء إللى حصل النهاردة 23 يناير ..  الثورة ح تستكمل اركانها ،  و تشكل حكومتها و تعلن رئيسها وفقا للماده 37 من الإعلان الدستورى إللى بتأكد انه " ليس من سلطة مجلس الشعب الحالى التشريع "

و الثورة ح تكمل مطالبها فى نقل السلطة للقيادة إللى هى - الثورة-  ح تختارها ... خاصة  بعد ما اكتشفت انه القوة المنتخبة و الممثلة للبرلمان  أقوى مما يتحمل الشعب ... و بما ان المجلس زى ما هو واضح ح يفرحنا و يزقططتنا و يضحكنا ... لكن الثورة عايزة مطالب تانية خاااااااااالص مالص لذلك الثورة مكملة مشوارها و هى إللى ح تتسلم السلطة 

الاثنين، 23 يناير 2012

شعب مصر لا ينهزم - تنتصر ثورته أو يستشهد

مش ح نتسامح مع أى حد يفرط فى حق الشهيد
مش ح نتسامح مع أى حد بيقولنا اقبلوا دية الشهيد او اخبطوا راسكم فى الحيط
مش ح نقبل غير بتفعيل مطالب الثورة و محاكمة الثورية لكل افراد النظام السابق .. و  مش ح تكون محاكمات عن المخالفات الإدارية  لكن  محاكمات خاصة بالفساد السياسي ... هما مش أقسموا بالحفاظ على الوطن و سلامة أراضيه ... و خالفوا القسم ، يبقى يتحاسبوا و يتحاكموا على الفساد و الإفساد و تشريد العباد و خراب البلاد


المصريين نازلين يوم 25 ، يجيبوا حق الشهيد .. و يحاكموا النظام الفاسد .... المصريين نازلين يجيبوا حق مصر 
و مش هامهم ان كانوا راجعين ، او مش راجعين
المهم يرضوا ضمايرهم قدام رب العالمين 
لما يسألهم ليه على الفساد كنتوا ساكتين و راضيين و قابلين ... و ساعدتوه بسكوتكم


إللى عايز يعيش فى الفساد يخليه فى بيته .. و إللى عايز يغير الحال ينزل يجب حق الشهيد و حق مصر
الميدان مستنيكم يوم 25





نازلين يوم 25 و فاكرين الشهيد ... إللى ح نروح نلاقيه مستنينا فى الميدان ... و ح يسألنا النظام الفاسد مشى و لا لسة ؟؟ .. القيادات الفاسدة اتحكمت و لا لسة ... اتباع النظام رحلت من كل مكان و لا لسة بتنهش فى جسم الوطن 
المحافظين
الجامعات
المحليات
الاعلام
القضاء
الوزارات




الأحد، 22 يناير 2012

الحلقة 28 من مسلسل الحاجة ايفون - احذروا غضب المصريين



قبل ما تسمعوا الحلقة دى لازم تسمعوا الحلقة إللى قبلها و تعرفوا الشهيد اتوفى إزاى .. تعرفوا الشهيد كان بيفكر فى إيه ؟؟ و بيحلم بإيه لكل واحد فى بلدنا




أما عن حلقة اليوم و هى الحلقة 28 ؛ هذه الحلقة فهى استكمال لأحداث الحلقة السابقة من مسلسل الحاجة ايفون ؛ حيث استشهد مكرم فى احداث ماسبيرو ، و ايفون التى تعد نفسها امه لا تعرف .. و الكل قد أخفى عنها الخبر .... اعرفوا بنفسكم إزاى تلقت الخبر ، و إيه اللى قررت تعمله بعد ما عرفت



مسلسل الحاجة ايفون للمخرج ايمن عبد الرحمن - تأليف سمر العزب - بطولة منال سلامة - ايهاب فهمى - فايق عزب - سميرة عبد العزيز - انعام الجرتلى 

السبت، 21 يناير 2012

الحلقة 27 من مسلسل الحاجة ايفون - قصة بطل من شهداء أحداث ماسبيرو





حلقة النهاردة بتدور حول مكرم بطل من ابطال أحداث ماسبيرو ..إليه كان بيطالب بالحرية لبلاده و الآمان للشعب ، و منع التخوين لأى ح من غير دليل... و مع ذلك قتله الاعلام الفاسد و البلطجية المأجورة و اتباع النظام الفاسد الغاشم الموجود فى كل مكان بداية من راس الدولة و لأصغر فرد فيها قرر يخون الثورة و الثوار ... لكن ده مش معناه ان الثورة ح تقف ، لأن آخر وصية لمكرم نصها بيقول "  بلغوا إللى ورايا يكمل المشوار "


مسلسل الحاجة ايفون للمخرج أيمن عبد الرحمن تأليف سمر العزب - بطولة منال سلامة - انعام الجرتلى - سميرة عبد العزيز - فايق عزب - ايهاب فهمى 





و لآننا لازم نجيب حق مكرم ، لأن قضية الشهيد مش تسقط بالتقادم .. و ده إللى ح يحصل فى الحلقة الجاية

الخميس، 19 يناير 2012

جبهة الابداع المصرى تؤكد على ان المادة الثالثة من الدستور خط أحمر



الهتاف الذى ملأ قاعة المؤتمر الأول لجبهة الإبداع المصرى 
مصـــر- مصـــريــة .... مصـــر- مصـــريــة ... مصـــر- مصـــريــة ...


قسم جبهة الأبداع المصرية
أقسم بالله .... أن أكون مخلصاً لقيم الحرية
أقسم بالله الذي منحنا الحرية .... أن أدافع بكل كياني عن حرية الإبداع في الفكر و الأدب والفن و العلم .
أقسم بالله الذي منحنا الحرية و وهبنا العلم .... أن أدافع بكل كياني عن هوية مصر وملامحها و تراثها الحضاري بكل منجزاته الأثرية و الأدبية و الفكرية و الفنية
أقسم بالله العظيم ...أن أكون على استعداد للتضحية بحياتي ثمناً لحقي و حق الآخرين في التعبير عن الرأي بكل حرية
.
البيان  الأول للجبهة : 
" لقد كان المبدع المصري بقلمه و فنه و بحثه حائطاً منيعاً ضد اندثار ثقافتنا ويداً للبناء في صرح نهضتنا على مدار عقود بدأت منذ فجر التاريخ و حتى اليوم ... بل و استطاع المبدع المصري أن يجعل مصر قبلة التنوير و رائدة الفنون في العالم كله . و إن كنّا قاطرة الأمة العربية فإن وقود هذه القاطرة لم يكن إلا الإبداع العلمي و الفكري و الفني .
و لقد حضرنا اليوم ... حضر منّا بشخصه من حضر و اعتذر من اعتذر لأسباب قهرية غير أن ما يمكن الجزم به أن حجم الإجماع و التبني لأفكار جبهة الإبداع المصري جاء متماشياً مع المد الثوري الذي تحياه مصر .
و نستطيع و بلا مبالغة القول أننا حضرنا ومعنا مصر كلها ماضيها وحاضرها ومستقبلها ..معنا أفكار رفاعة الطهطاوى ومحمد عبده وعبد الله النديم وتوفيق الحكيم والعقاد و طه حسين ولطفى السيد وسلامة موسى وجمال حمدان وهدى شعراوي و بنت الشاطئ ..معنا تجربة طلعت حرب وعلى مشرفة والسنهورى .. معنا أشعار شوقى وحافظ و رامى وبديع خيرى و بيرم التونسي وصلاح عبد الصبور وأمل دنقل وعبد الرحمن الشرقاوى وفؤاد حداد و صلاح جاهين.. معنا الحان وأصوات سيد درويش وعبد الوهاب وأم كلثوم والسنباطى والقصبجى وعبد الحليم حافظ.. معنا أعمال محمود مختار وناجى ومحمود سعيد وراغب عياد .. معنا إبداع الريحانى ويوسف وهبى و المليجى ويوسف شاهين وصلاح أبو سيف وكمال الشيخ وحسين كمال وأحمد زكى .. معنا أدب نجيب محفوظ ويحى حقى ويوسف إدريس ويحى الطاهر عبد الله و إبراهيم أصلان.. معنا إعلام التابعى ومصطفى وعلى أمين وحسن فؤاد و أحمد بهاء الدين و صلاح حافظ ..و ذاكرة الإبداع المصري ملئى بالعديد من القامات. ومعنا المستقبل كله من شباب المبدعين فى كافة مناحى الإبداع.
حضرنا و نحن ندرك أن ثورة 25 يناير هي أول ثورة حقيقية ذات طابع شعبي خالص هبّ ثوارها مستحضرين كل تراثهم الإنساني ليحرروا إرادتهم ممن باستبداده قيدها و يطهروا أوطانهم ممن في فساده أغرقها و يستردوا كرامة كانت ممتهنة من قبل نظام استعبدنا .
حضرنا و اليقين يملؤنا بأن هذه الثورة التي بدأت و لابد أن تصل لجميع محطاتها حتى نحصل على حريتنا التي لا تعنى فقط حق الشعب فى إختيار حكامه دون قهر أو تزوير لإرادته ولكنها تعنى أيضاً تحرير الإرادة المصرية بإزالة القيود عن حرية الفكر و الرأي والإبداع على كافة المستويات و لسنا مغالين إن قلنا أنه بغير هذا التحرير فليس هناك مشروع ممكن للنهضة.
إن الحرية هي فطرة الله التي فطر عليها عباده منذ أن خلق الإنسان و جعله في الأرض خليفة وهذا الحق الفطري لم يستطع يوماً مستبدٌ أن ينتقص منه في الدساتير و القوانين .
لقد حضر اليوم مبدعو هذه الأمه من كتاب وأدباء وشعراء وفنانين ممن كانوا في طليعة المجتمع المصرى للتصدى لنظام الطغيان الكامل والفساد الشامل فى العصر البائد وكان تواجدهم في ميدان التحرير عندما إندلعت شرارة ثورة 25 يناير العظمى دفعه هائلة لثوار هذا الشعب فى أيامهم الصعبه الأولى ليؤكدوا أن صناع العقل والوجدان فى أمتنا هم أيضاً جزء من الطليعه الثوريه الجديده .
حضرنا لنقولها صريحة و بلا أية مواربة ..
-
لن نقبل بنزع روح مصر ووجدانها ..لن نسمح بتغيير ملامح الشخصيه المصريه الراسخة منذ آلاف السنين برغم تعاقب الغزاه والمحتلين الذين حاولوا وفشلوا .
-
نرفض تهجير العقل المصرى للخارج تماماً كما نرفض قمعه في الداخل .
-
لن نترك يداً تمتد بالعبث على تراثنا الحضارى وإرثنا الثقافى والذى ليس أوله الآثار الخالدة وليس آخره الفنون .
-
لن نهدأ حتى تعود مصر الى ريادتها العلمية و الأدبية والفنية و الإعلامية في عالمها العربى .
-
جئنا لكى نقف صفاً واحداً فى وجه من يريدون أن يطفئوا طاقة التنوير المصريه.
-
لن نقبل بإرهاب العقول وتكفير التفكير وإعتبار أن من يعارض المجلس العسكرى خائناً أو من يهاجم التيارات التى تسمى نفسها بالدينيه كافراً . ولأننا من نسيج هذا المجتمع فإننا حماة ثوابته و نرفض استخدام كلمة (ثوابت المجتمع ) كذريعة للحد و التقييد من حرية الإبداع .
-
لن نعدم وسيلة ضغط و رفض للتعبير عن رفضنا لأي مساس بحرية الفكر و الرأي و الإبداع و إن كان الثمن أرواحنا .. فخير لنا قبراً فى هذا الوطن من أن ترمينا الأجيال القادمة بتهمة التفريط في حريتهم و الصمت على إطفاء نور مستقبلهم. و إن كان الله لم يخترنا للشهادة في بداية الثورة فإنّا لا نزال عاقدين نيتها و سنزود عن حرية الرأي و الفكر و الإبداع حاشدين معنا الحشود من كل بقاع الوطن الذين سنتحرك إليهم و بهم لا فرق بين جمهور المسجد و الكنيسة و طلاب الجامعات و عمال المصانع و قاطني التجمعات و أبناء الكفور و النجوع .
و لذا فإننا نتعهد بأنه
-
لن تُخْمد ثورتنا طالما هناك فقير على أرض مصر يبيت جائعاً وشقيقه فى الوطن ينعم بالمليارات خاصة إذا كانت منهوبة من ماله وله حق فيها .
-
و لن تُخْمد ثورتنا وهناك فى السجون الآلاف من أبنائنا وأشقائنا ممن أصروا على إستكمال ثورتهم .
-
و لن تُخْمد ثورتنا دون أن يشترك كل المصريين فى صياغة مستقبلهم دون تفرقة على أساس الدين أو الجنس أو اللون أو الطبقه .
-
و لن تُخْمد ثورتنا إلا بإعلاء دولة القانون و وقوفنا سواء بسواء أمام القانون دون أن يكون هناك من يصل الى المحاكمه فى طائرة والآخر يسحل فى الشوارع أو يكبل بالأصفاد في سرير جراحه.
-
و لن تُخْمد ثورتنا إذا لم يقدم كل الذين قتلوا الشهداء واصابوا المصابين وسحلوا المتظاهرين وعروا الأجساد الى محاكمات عادلة يستوى فى ذلك من اقترفها في الأيام الأولى للثوره أو فى ماسبيرو أو البالون أو السفارة أو محمد محمود أو مجلس الوزراء.
-
و لن تُخْمد ثورتنا حتى تكون كرامة أى مصرى هى كرامة الوطن نفسه ... ويحصل كل مواطن على حقه فى التعليم والعلاج والخدمات الماديه والثقافيه . و أخيراً فإن المستقبل القادم لن يكون إلا بفتح كل النوافذ أمام طاقات الإبداع المصريه. و نريد أن نؤكد أننا لسنا حزباً سياسياً ولا نريد .. و مايعنينا هو بناء مصر الناهضه القادره الظافره.

الثلاثاء، 17 يناير 2012

جمال عبد الناصر ينضم لثورة 25 يناير

جمال عبد الناصر السياسى العربى الوحيد الذى ظهرت صورته فى ثورة تونس و ثورة مصر و ثورة سوريا


دعونا نتذكر أعز الرجال فى زمن يحكمه أخس الرجال ... نتذكر مش لأننا ناصريين ، لكن لأن مطالب ناصر لم تتحقق و لو كانت تحققت ما كنتش ثورة يناير حصلت .. و أكيد لو ناصر كان لسة عايش ، كان ح ينزل الميدان و يستكمل الثورة و ينقلب على من يحكم الآن  :
                                        " جمال عبد الناصر ينضم لثوار يناير
                               جمال عبد الناصر ينضم لثورة 25 يناير"


جمال عبد الناصر مش ح يحتفل بالثورة غير لما تكمل و تحقق مطالبها "






الأحد، 15 يناير 2012

مركز عين لحرية الاعلام يدعم ثوار ماسبيرو الذين رفضوا رشوة الوزير


ظهرت حركة تغيرات فى ماسبيرو منذ يومين ، و الغريب ان الحركة لا تحمل أى تغيرات .. و  كأن الوجوه قد بدلت بوجوه جديدة ، لكنها تحمل نفس العقلية العتيقة فى نفاق الحاكم ، كما تتميز بانعدام الرؤية و البصيرة و الضمير فى بعض الأحيان ، لتتسبب فى قتل الوطن بدم بارد

جاءت حركة أحمد أنيس للمناصب القيادية بماسبيرو لتبدل الوجوه بوجوه جديدة لكن دون أى تغير و كأن الجميع قد وقع على  اتفاق غير معلن فى نصرة الظالم لأنه صاحب اليد العليا ، القيادات الجديدة أقسمت  الولاء للحاكم مهما كانت هيئته او عمته او بدلته .. المهم ضمان السمع و الطاعة .. و ضمان الخضوع التام بعد وضع السماعة .. و قفل العيون و العقل و غض البصر عن الخطيئة المحققة بفعل سياسة اعلامية تفقتر للمهنية و الموضوعية و لا تنتصر للوطن و لا للشعب .

و قبل ان يخفت الأمل ؛ قام " مركز عين لحرية الاعلام " بتسليط الضوء على شرفاء ماسبيرو اللذين يملكون الأمل فى نجاح الثورة و يقاومون الفساد بكل ما فيهم .. حيث رفض ثوار ماسبيرو المناصب القيادية التى رشحوا لها دون حدوث أى تغير فى السياسة الاعلامية .. و جاء رفضهم بمثابة صفعة على وجه النظام الفاسد  .... و الثورة مستمرة حتى القضاء على الفساد المعشش فى كل مكان و تحديدا فى الاعلام

فقد أكد ثوار ماسبيرو انهم أشرف من تغير مبادئهم  و ابطلوا الكذبة التى يدعيها ارباب النظام الفاسد بان الثوار يثورون من أجل المناصب  .. و هنا جاء بيان مركز عين لحرية الاعلام و عنوانه " الثوار فى ماسبيرو مازلوا يقامون "




بيان مركز عين لحرية الإعلام
    


 الثوار فى ماسبيرو مازلوا يقاومون

نص الخطاب المقدم من الإعلامى عصام سعيد - كبير المعدين بقناة القاهرة -- إلى وزير الإعلام يعتذر فيه عن ترقيتــــــه لمنصب مساعد رئيس القناة الثالثة ( قناة القاهرة)



السيد اللواء / وزير الإعلام

                                   بعد التحية

لم يقم الشعب المصرى بثورته العظيمة لتكون النتيجة بعد عام من انطلاقها استمرار نفس الوجوه والسياسات التى جعلت الشارع المصرى على اختلاف فئاته وأطيافه فى حالة عداء واستنفار مع جهاز الإعلام والقائمين عليه.
بعد مرور عام على ثورة 25 يناير لا يزال من ينتمون للنظام البائد يديرون بل وتتم ترقيتهم، لايزال العقل الأمنى مسيطراً على ماسبيرو وهو الحاكم للتغييرات الشكلية المتتالية التى قد تحدث حراكاً لكنها لا تصنع تغييراً.
لايزال الخطاب الإعلامى – فى معظمه – فى خدمة السلطة وتوجهاتها ، لم يتعظ القائمون على الأمور من عار 18 يوماً ليسيروا على نفس النهج من الاستعداء على الثورة وتشويه الثوار فى جرائم الفترة الانتقالية فى ماسبيرو ومحمد محمود ومجلس الوزراء ، وتقرير المجلس القومى لحقوق الإنسان خير دليل على هذا المعنى بإعلانه مسئولية الإعلام عن التحريض على قتل المتظاهرين فى مجزرة ماسبيرو 9 أكتوبر.
تحرير الإعلام –لا لعسكرة الإعلام–لا لوزارة الإعلام– تلك هى المبادئ التى نؤمن بها كثوار، ونناضل من أجل تحقيقها داخل ماسبيرو وخارجه.
الثورة مستمرة ولن يعود الإعلام معبراً عن الشعب الإ بانتصارها الكامل على أرض الواقع ، وقتها – فقط – ستتسع لنا المواقع لنقود ونستعيد دور ورسالة الإعلام الوطنى الحر.
لقد اخترت قبل الثورة درب المقاومة واستعصيت على محاولات الترويض والاحتواء،وأستمر بعدها فى نفس الخندق وفاءً لأهدافها النبيلة ودماء الشهداء الغالية.
لكل هذا تعجبت اختيارى ضمن حركة التغييرات التى أعلنت الخميس 12 يناير ولذا أرفض المشاركة فى العمل الإدارى مكتفياً بدورى المهنى
.

عصام سعيد

كبير معدى البرامج بقناة القاهرة
14/ 1/ 2012


ونحن فى مركز عين نثمن هذا الموقف، وموقف الإعلاميين الثوريين فى ماسبيرو،
 ونؤكد على إننا نسعى لإعلاء قيمة وشأن "إعلام الخدمة العامة" وحق المواطن المصرى فى الحصول على إعلام مهني محايد.
مركز عين لحرية الإعلام



yahoo search

Custom Search