ندوة عن استقلال الاعلام و الإعلاميين تحت عنوان : الحرية النقابية و الإستقلالية المهنية

اهم حاجة تم اعلانها فى هذه الندوة اعلان الإتحاد الدولى للصحفيين تأيد انشاء نقابة  الإذاعيين - راديو و تلفزيون - و اعلنت الاخيرة  اجراء الإنتخابات  يوم 3 أكتوبر 2011 لإختيار نقيب و اعضاء مجلس نقابة لحماية حقوق الإعلاميين و الحفاظ على المهنة .. كما أكد الإتحاد الدولى للصحفيين ان كل الجهات التابعة له على مستوى العالم  ستعلن تأيدها لنقابة الإذاعيين - راديو و تلفزيون - فورا بعد اعلان نتائج إنتخابات النقابة ... و قالوا انهم على  استعداد لمخاطبة أى جهة حكومية أو خاصة مصرية لاعلان اعترافهم بنقابة الإذاعيين - راديو و تلفزيون -

و قررت نقابة الإذاعيين - راديو و تلفزيون - بعد الإنتهاء من الإنتخابات اعلان ميثاق الشرف الاعلامى و تبادل الخبرات مع النقابات المماثلة على مستوى العالم 

و دى كلمة افتتاح المؤتمر و إللى قالها

 المخرج أيمن عبد الرحمن : 

السادة الحضور اسمحوا  لى  بداية أن أرحب بالسيد  جيم بوملحه رئيس الاتحاد الدولى للصحفيين، والسيد يونس مجاهد نائب رئيس الاتحاد، وبكل من السيدة سارة بوشطوب مسئولة حملات الاتحاد.. وصديقى العزيز..منير زعرور منسق الاتحاد الدولى للصحفيين ، وأقول لهم  أهلا بكم فى مصر... مصر الثورة...مصر الحرية بإذن الله

الضيوف  الكرام

 زملائى الأعزاء

اسمحوا لى أن اقتبسَ بعضَ الكلمات ربما تكون معبرةَ عما يجول بخاطرى

الكلمةُ نور ..وبعض الكلمات قبور
الكلمة نور....ودليلُ تتبعه الأمة .
 الكلمة زلزلت الظالم
الكلمة حصن الحرية
إن الكلمةً مسؤولية

ولأننا من حاملي شرف الكلمة كان لابد لنا  أن نسعى بكل جهد لان تخرجً نقابة الإذاعيين راديو وتليفزيون إلى النور، لتكون حاميةَ وحاملةَ لشرف الكلمة المسموعةِ والمرئية. والقائمين عليها...

إن الردةً التى شهدتها مصرُ مؤخرا فى عودةِ ما يسمى "وزارة الاعلام"  هذه الوزارة التى تنتمى إلى عصور الشمولية والرجعية، وما شهده الاعلامُ الحكومى من اجراء تغييرات مخزية  فى  قياداته  سواء  المرئية او المسموعة، وانخفاض سقف الحرية المطلوب لممارسة المهنة ، والتغطيات المزرية للأحداث الهامة التى شهدتها مصر فى الأونة الأخيرة، والتى ذكرتنا بالتغطيات المسيئة المضللة، لما حدث أثناء تغطية أحداث ثورتنا العظيمة.

ومانراه من سيطرة رأس المال والاحتكار فى كثير من  الاعلام الخاص،  والخلط الواضح ما بين الاعلام والاعلان... وتعمد تغييب وعى المتلقى وتضليله بمحتوى ردئ متدنى  

كل هذا أصبح  معه إنشاء نقابة مهنية مستقلة للإذاعيين ضرورة ملحة للحفاظ على شرف المهنة وأصحابها ومواجهة هذا التراجع وتدنى المحتوى وغياب المهنية .

ولان الاعلام  المرئى والمسموع لا يجب أن يكون وسيلة للإلهاء ومساحة من الوقت الضائع يحملها الاثير  للمتلقى، بل عليه أن يكون صاحب رسالة وينبغى أن تكون رسالته  قادرة على تغيير وجه الوطن باكمله إلى آفاق جديدة من الوعى والإدراك.

كان شعار نقابتنا  ....... اعلام حر ......... و طن حر

وفى النهاية.... اعود الى اقتباسى واقول

بعضُ الكلماتِ قلاعُ شامخة يعتصمُ بها النبلُ البشري

الكلمةُُ فرقانُ بين نبي وبغي
بالكلمةِ تنكشفُ الغمة.

والسلام عليكم ورحمة الله وبركاته

قالتله يا سعد يا عباس انا ما بادفعش رشوة قالها يبقى ما تشتغليش مع صوت القاهرة

قالتله يا سعد يا عباس انا ما بادفعش رشوة قالها يبقى ما تشتغليش مع صوت القاهرة

فضيحة جديدة تضاف لشركة صوت القاهرة و العصابة الحاكمة ..  بس حد قالى لأ الفضيحة لعبس و أخوه .. خبير تالت عالم بشئون الفساد فى ماسبيرو قالى لأ ، الفضيحة الحقيقية لسهير حجازى ... خبير رابع قال الفضيحة لماسبيرو كله لأنه أصلا " متعودة دايما - على رأى سرحان عبد النصير فى مسرحية شاهد ما شفش حاجة "

ووقفنا مبهوتين ، مين سهير حجازى ؟!!!!  يطلع مين هذا الكائن  ؟!!! .. قالك دى اللهو الخفى فى صوت القاهرة ... اللهو اللى بتمشى النصوص الفسدانة و تجيب موافقات على  الدراما العيانة ، و تنفخ عجل كاوتش أى نص ما ينفعش يركبله عجل ، و تعرف امتى تقول للى بيقرا وافق على النص لنحط السيخ المحمى فى صرصور ودنك .. و يبقى كل الموافقون على  النصوص  شاهد ما شفش حاجة ... ده بالنسبة للنصوص العيانة ، لكن ده ما يمنعش ان فى نصوص بتبقى جيدة و بيجى عليها الموافقات من غير ضغط الست سهير اللى بتستغل فيها ظروف النقاد و تضغط عليهم بالشيك اللى ح يتصرف حالا لو وافق دلوقتى على الورق ده و النص ده .... لكن يا ترى النصوص الكويسة و اللى مش محتاجة اى ضغط من سهير بيتعمل فيها ايه ؟؟ ده اللى ح نفهمه من حدوتة المؤلفة اللى ما بتدفعش رشوة .

بس يا ترى قصة المؤلفة إللى ما بتدفعش رشوة دى ح تتضاف للراجل إللى كان رئيس أمن التلفزيون و سرق شرايط التلفزيون و لما اتكشف ما قدروش يفصلوه و قرروا يركنوه و فى صوت القاهرة رموه .. و كان نايب لرئيس الشركة و بعدين لما جه التطهير ، قال إيه قام المزعوم اترقى بقدرة قادر .. اترقيت يا دعبس و بقيت  رئيس الشركة ... هلب و سلحب على كيفك

و لايا ترى  الحكاية دى ح تنضم لباقى قصص انحرافات محمد زكى رئيس قطاع الإنتاج السابق المسؤل الأول عن كل الإنتاج المفحفح بريحة خراب العقول ... و دراعه اليمين سهير احجزلى او سهير حجزله أو سهير حجازلى أو سهير حجازى .. الغريب ان محمد زكى خرج من صوت القاهرة بعد مظاهرة العمال ضده فملقاش غير انه يهرب من الشركة و ما يرجعلهاش تانى أبدا ، لكن سوسو أثبتت انها اشجع و قررت استكمال المسيرة .

تلاقيكوا بتسألوا و إيه هى الحكاية إللى ح تنضاف لمسيرتهم الفزة الخالية من العزة ..

الحكاية تبدأ ان فى مؤلفة ودت إللى ألفته لصوت القاهرة بتاريخ 23 يناير2011 ... و كانت كل شهر تتصل عشان تسأل على الإجراءات و ان كان النص الخاص بيها راح للقراءة او الرقابة خاطرها .. و فضلت سهير احجزلى تتهرب كل ما المؤلفة تسأله يا ترى مسلسلى وصل لفين ، و سهير ترد : " لسة ، بعدين ، كمان شوية ، كمان شهرين "... و الزحلقة شغالة على ودنه .

و فجأة عرفت المؤلفة ان النص بتاعها متوافق عليه و تقرير الموافقة خرج من الرقابة لصوت القاهرة بتاريخ 9 يونيو 2011 .. و سهير مصرة ان الدنيا واقفة ... و المؤلفة كانت ح تتجنن ، و مش فاهمة سهير خبت عليها ليه ؟ !!!!! هى  طبعا عارفة ليه ؟؟ بيحاولوا يبتزوها ، يقولوها فتحى مخك و شخشخى جيبك ، و يصروا يأخروا نصها غى القراية و لما يجى ماحدش يقولها ، و لما تعرف التقارير تتخبى عنها... و عشان كدة حاولت تتصل بعباس ابن فرناس اللى كان المفروض يطير لكن اترقى  ... لكن عباس عرف ان المؤلفة شريفة و ما بتدفعش ، فصدر لها الطارشة و بلغ السكرتير يزحلقها

و لأن المؤلفة مؤمنة بالثورة و مصدقة ان الفساد مالوش مكان بعد النهاردة ، فبعتت رسالة لعباس و قالتله " مش ح ادفع رشوة لإدارة النصوص " و طلبت  فى الرسالة معادعشان تشرح للرئيس المسئول ازاى هما بيبتزوها ... المسكينة ما تعرفش ان عباس ابن فراس  تبع عصابة على بابا ، لأن العصابة باسم على بابا مش باسم دعبس المنحرف ولا عباس ابن فرناس .

و كان رد عباس صدمة على المؤلفة و سألها بكل فجاجة : " دفعتلهم رشوة ؟"

قالتله انا ما بأدفعش رشوة  و عشان كدة شغلى بيقف

_ قالها خلاص يبقى مالكيش شغل فى صوت القاهرة

و صرخت المؤلفة ، انا ح ابلغ عنكم النيابة .. انا مش ح اسيب الفساد ينهش تانى فى جسم الوطن ... الثورة قامت وراح فيها دم اخواتنا و ارواحهم ..... مش ح اسيبكوا تانى تخربوا الشاشة باللى بتعرضوه و فى السر بتصوروه ، و باسمه بتسرقوا الشعب و بتستغلوه .

و بعتت المؤلفة فاكسات لوزير الاعلام بالواقعة ... و بلغت أعضاء مجلس أمناء اتحاد الإذاعة و التلفزيون ... و للى يحب يتابع الفاكس فى مكتب الوزير الفاكس رقمه 857 بتاريخ 26 سبتمبر 2011
__________________

طيب يا سادة يا إللى مالكمش أى سيادة ، مش لما تجيبوا ناس بالشكل ده و تعينوهم فى مناصب قيادية تكملوا الشكل النهائى  للعصابجية .. و تحطوا تسعيرة الرشوة ، أو حتى تضيفوها على الاجر  و  تبقوا تحصلوها من المنبع ، بما أن القيادات بقت بالشكل ده بتطلب الرشوة ببجاحة ... و بيقرروا ان فلانة او فلان مش ح يشتغل تانى فى الشركة بكل صفاقة  .

 بصفة إيه عباس ابن فرناس يقرر ان فلان ح يبقاله شغل فى شركة قطاع عام من عدمه ، حد قاله ان الشركة من ميراث السيد الوالد .. الشركة دى من أموال الشعب .. و لا هو عنده أوامر لتخريب ممتلكات الشعب ؟؟ و يا ترى مين إللى أدى الأمر ؟؟

سؤال نرسله لأى حد معتبر نفسه مسؤل عن الإعلام فى بلاد الأدغال ، إللى بقت بتآكل العيال  

فضايح مدينة الانتاج الاعلامى بتتوزع فى الاتوبيسات

وهكذا ستتساقط رموز الفساد فى الشركة 


واحد تلو الاخر 
:
- سيد حلمى


 - سامى بدوى


- محمد عبد اللطيف


- فاروق قطب


- فؤاد عبد الفتاح


- عصابة قطاع الانتاج


- مدير الجراج

- المشتريات




ده الكلام اللى بيتوزع فى كل مكان مع 


المستندات دى 

ملاحظة واجبة : علاء حلمى هو علاء سيد حلمى ابن سيد حلمى 

هو علاء ده فى كل كش ولا إيه ؟؟ ده ولا علاء المصباح السحرى 

الحلقة 17 من الحاجة ايفون - يعيش اعلام الثورة

المذيعة دنيا تفصل من عملها لإنها تكشف فساد احد السياسيين الفاسدين أمام الرأى العام .. و فصلها يعرضها لإكتئاب شديد لا تخرج منه الا بفضل ايفون و زينب و اولادهم ... و سرعان ما ينقلب الحال و تتبدل  الأوضاع
ف ألف تحية للاعلاميين الشرفاء و محاربى الفساد .. فالبقاء لهم





الحلقة 17 من الحاجة ايفون - ام الشهيد بتفطر فى ..., posted with vodpod

مبروك لكل من يعمل بالإعلام الخاص أو الحكومى : نقابة الإذاعيين - راديو و تلفزيون -

 مبروك لكل الإعلاميين و الإذاعيين و المشتغلين فى أى مكان  بيقدم خدمة اعلامية .. مبروك لكل اعلامى حزين ، باقوله خلاص ما تحزنش ، صحيح حزنك فى محله على المستوى الإعلامى إللى وصلناله عدا بعض الإستثناءات الموجودة على الساحة و بفضلها قدرنا نقاوم الإنتحار  ... لكن دلوقتى أقدر اقولك أطمن .. و اقولها بالفم المليان لكل اعلامى مهموم لضياع المهنية الإعلامية بسبب اختراقها من صاحب المحطة الفضائية بقوانيه الشخصية ، و بسبب انعدام الرؤية الاعلامية لأى مسئول بيكون مش على المستوى و لا على قد المسئولية ، و فاكر ان الاعلام المصرى رهن اشارته ، و معتقد ان وجوده  على كرسيه خلى الإعلاميين من ميراث أجداده ، و مش فاهم ان دوره الحقيقى : و انه خدام للشعب و لازم كمان يخدم ثورة الشعب .

باقول لكل اعلامى ضاع حقه : اخيرا ح تلاقى اللى يدافع عنك و يجيبلك حق سواء المالى
او الأدبى او حتى الاعلامى 

و عشان كدة بأقولكم مبروك ، انتهى عصر تدمير الإعلام المصرى بشقيه الحكومى و الخاص .. انتهى اعلام الإلهاء عشان يبدا إعلام من نوع جديد هدفه الإرتقاء بالمواطن و بالوطن و تحقيق طموحات كل فقير .. اعلام ح يكون صوت كل مواطن فى كل مكان ، و كرباج  على وجه كل صاحب سلطة يسئ استخدام منصبه و يتعسف مع شرفاء الإعلام و 

يخرب الوطن بأفكاره سواء كانت فاشية أو تافة

و أنا اعتبرت  اعلان عقد اجتماع جمعية عمومية يوم25 سبتمبر لنقابة الإذاعيين - راديو و تلفزيون - هى  أولى الخطوات العملية للحفاظ على مهنية الإعلام المرئى و المسموع و 
الإرتقاء بها ..

________________

 و ده بيان نقابة الإذاعيين – راديو و تلفزيون – اللى قررت عقد جمعية عمومية 25 سبتمبر 2011       

إلى كل العاملين فى مجال الإعلام المرئى والمسموع
نعلن لكم أنه قد تقرر عقد جمعية عمومية يوم الخامس والعشرين من هذا الشهر لانتخاب مجلس ادارة للنقابة مؤقت لإدارة شئون النقابة .... وعلى الزملاء الراغبين فى الترشح لمنصب النقيب أو أعضاء مجلس الإدارة متابعة الزملاء : 

- على أبوهميله فى القناة الثالثه

- إبراهيم أبوزينه فى القناة السادسه. 

ـ سمية الشناوى بقطاع الاخبار         - 

- أيمن عبد الرحمن باذاعة الشرق الأوسط بالإذاعة المصرية

- محمد اسماعيل البرنامج الثقافى بالإذاعه المصرية.

وسنوافيكم بآخر المستجدات تباعا على هذه الصفحة.....وانتظروا

 أخبارا ساره فى القريب العاجل

  

و ده لينك الصفحة الرسمية لنقابة الإذاعيين - راديو و تلفزيون

  

 دى شروط العضوية لكل المشتغلين بالاعلام الخاص و الحكومى :

شروط العضوية لنقابة الاذاعيين - راديو و تليفزيون -

و اللينك ده ح تلاقوا عليه مشروع قانون نقابة الإذاعيين راديو و تلفزيون  

و إللى بيسأل عن طريقة تقديم استمارة العضوية : فتقدروا تخدوها من على الصفحة

 الرسمية لنقابة الإذاعيين - راديو وتليفزيون - و تملوا البيانات و تبعتوها بالإيميل على العنوان

النقابة

 broadcasters_syndicate@ hotmail.com

لكن ما يمنعش انى أحطلكم كمان الإستمارة ، ده انتوا ولادنا مهما كان

استمارة العضوية فى نقابة الاذاعيين - راديو و تلفزيون -

و لأى حد عايز يسأل عن :

- أى حاجة فى شروط العضوية

- مكان انعقاد الجمعية العمومية

 - طرق الترشح لخدمة الاعلام المصري

- و حتى لو عندك اقتراح 

برضه تدخل على الصفحة الرسمية للنقابة على الفيس بوك  

الصفحة الرسمية لنقابة الإذاعيين - راديو و تلفزيون 

أخى جاوز الظالمون المدى - تضامنوا للافراج عن مصطفى الصاوى و احمد عبد الكريم و شباب الالتراس

الإعتقالات العشوائية جاوزت المدى - تضامنوا معانا للافراج عن مصطفى الصاوى و احمد عبد الكريم و شباب الالتراس و معاهم أخطر المشاغبين فى أحداث السفارة و هى "جويرية أحمد الجيزاوي" الطفلة المعجزة المتهمة بتكدير الأمن العام و التحريض على اقتحام منطقة عسكرية واقتحام منطقة دبلوماسية والتحريض على التجمهر.. كل ده مع ان " جويرية " لم يتجاوز عمرها سنة و نص
يبقى طبيعى ما نسألش عن القصر التابعين للألتراس إللى تجرؤا و جابوا سيرة العادلى عليه السلام ... هاه ها ح نقول إيه ... صبرا آل ياسر ان موعدكم الجنة ، و ينتقم من إللى جاوز المدى هو و ظلمه فاق كل الحدود 

جويرية مع والدتها كانوا أسفل السفارة يشاهدون احمد الجيزاوى والد جويرية  و هو ينزل علم الخنازير من فوق السفارة

و من أفكه الإتهامات الموجة للشباب إللى اتقبض عليه بشكل عشوائى : 
- تعطيل المرور :  مش فاهمة مرور إيه إللى اتعطل فى يوم معلن فيه اعتصام و فى يوم تجمل فيه مئات الآلاف .. و لما هو المرور كان متعطل عربيات الشرطة دخلت إزاى و قبضوا على الشباب إزاى ، فى تاكسى ، و على على عربية كاروا .. ولا أكيد قالوله تعالوا نتمشى لحد القسم
- الاتهام التانى : تخريب ممتلكات عامة :إللى هى إيه الممتلكات دى ؟؟؟ يكون قصدهم سوار العار العظيم
- الاتهام التالت : تكدير الأمن العام ... عام فين ؟؟ و انتوا كل إللى قبضتوا عليهم كانوا واقفين فى الشارع ، يعنى لا اقتحموا المخزن المزعوم إللى طلع اسامة هيكل بعد كدة و قال عنه مافيش اقتحام للسفارة حصل ولا ورق ضاع  و فقد منها .. أمال إيه الورق إللى كان بيرش من فوق ده .. مش تتفقوا مع بعض على التمثلية 


و إليكم نماذج من الشباب المظلومين إللى اتقبض عليهم بشكل عشوائى من الشوارع الجانبية ... أمثلة للناس إللى اتقبض عليها و اتسموا بلطجية و هم شباب محترم كل تهمته حب مصر

اضغط هنا للتضامن مع

احمد محمود محمد عبدالكريم شاب مصري ثوري ناشط سياسي من أسيوط

و حكايته زى ما حكهاها أحمد مكى

كان جاي عند السافرة علشان نتقابل واعتقد انه راح عند المديرية 


غلط لانه مش من القاهرة كمان لاني لو اعرف انه هيروح عند


 المديرية كنت منعته يجي لي اصلا لاننا كنا بنواجه موت من


 عصابات بلطجية بوكس شرطة دهس مواطن عند السفارة


 السعودية وطلع يجري علي مديرية الامن الناس طلعت تجري 


وراه لقيوا كمين معمول لهم من ضرب ولقيوا جزء من المديرية 


والع وفي نفس الوقت الامن المركزي مع البلطجيه ولعوا في حديقة


 الاورمان لانهم هما اللي كانوا قافلين الشارع وقتها بحوالي


30عسكري و


5 ظباط في الناحية والحريق طلع من وراهم وشوفنا مدنيين 


ماشيين وراهم بيولعوا في اي شئ بيعدوا عليه

اضغط هنا  للتواصل مع


اللجنة الحقوقية للدفاع عن أحمد عبد الكريم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اضغط هنا للتضامن مع

 فادى مصطفى الصاوى - خريج معهد السينما

فادى الصاوى : طالب بالمعهد العالى للسينما قسم التصوير .. تم 


القبض عليه عشوائيا من قبل الشرطة العسكرية أمس أثناء عودته 


من عمله .... وهو حاليا بالنيابة العسكرية .

وقفة احتجاجية بمعهد السينما للتضامن مع فادى
_______________________________

و فى مؤتمر لاهالى المعتقلين ولمعرفة التفاصيل يرجى الاتصال


 باهل احمد عبدالكريم

رقم والده 0106404248 01514003900

الثورة مستمرة لحين تطهير البلاد - و اللى يحب القذارة يمتنع

يا كل مين بينوح ع الثورة و عايز يفهمنا انها بخ و بح ، احب أقولك ان الثورة مستمرة .. بس الفلول شالوا الأقنعة و اللعب بقى ع المكشوف .


الثورة مستمرة : و الدليل خروج المعلمين فى مظاهرات و اعلانهم العصيان المدنى .
الثورة مستمرة : و الدليل خروج أساتذة الجامعات فى مظاهرات فى كل المحافظات و اعلانهم الإضطراب عن العمل ، حتى لو راحوا الجامعة مش ح يدرسوا و الطلبة مش ح تدخل المدرجات.
الثورة مستمرة :  و الدليل ان الإعلاميين قرروا يحاصروا ماسبيرو الجمعة 16 / 9 لتطهير الإعلام و خلق اعلام جديد خاص بالثورة 


الثورة مستمرة حتى تطهير البلد و الدليل الدعوات لخروج مسيرات تلف كل المحافظات ... الثورة مستمرة بعد اعلان القوة الشعبية رفضها لرجوع سفير الخنازير 


و الأسباب الرئيسية لاستمرار الثورة مش بس تطهير البلد  لكن كمان : 

1. دم كل شهيد ماخدناش حقه
2. الاعتقالات المستمرة للثوار و تشويه سمعتهم 
3. تلفيق التهم 
4. المحاكمات العسكرية
5. اصرار الشرطة على رفض تطبيق القانون
6. الاصرار على حرق البلد 
7. فقدان العدالة الاجتماعية
8. استمرار وجود رجال النظام الفاسد فى اماكن قيادية 
9. عدم تطهير المؤسسات
10. السياسة الخارجية المهينة لمصر
11. الطاعة العمياء للامريكان واهدار دم شهداءنا على الحدود
12. المسرحية الهزلية لمحاكمة النظام الفاسد
13. عدم استقلال القضاء
14. عدم تطبيق قانون الغدر 
15. السماح لأعضاء الحزب الوطنى بالمشاركة السياسية

فنحن متأكدون ان الثورة مش ممكن تموت طول ما الأسباب دى موجودة و متغلغلة و متوطدة .... و الشعب فهم اللعبة و عرف انه مييت ميت ... ميت بالسرطان ، ميت ع الحدود ، ميت فى قسم بوليس ، ميت من القهر عشان بنته استحلها فلان او علان 

بما اننا أموات ولاد أموات ... يبقى أموت أشهيد أشرف انى اموت بالباطئ ... ح نموت لكن ح تحيى مصر 

و اسمعوا رأى التابعين لما  كانوا بيدوروا على حاكم مناسب لمصر وصفوها  و قالوا عنها :

لو ولاك أمير المؤمنين على مصر فعليك بالعدل فهم قتلة الظلمة وهادمي الأمم ، وما أتى عليهم قادم بخير إلا إلتقموه كما تلتقم الأم رضيعها ، وما أتى عليهم قادم بسوء إلا أكلوه كما تأكل النار أجف الحطب ، وهم أهل قوة وصبر وجلدة وحمل ، ولايغرنك صبرهم ولا تستضعف قوتهم فهم إن قاموا لنصرة رجل ما تركوه إلا والتاج على رأسه ، وإن قاموا على رجل ما تركوه إلا وقد قطعوا رأسه ، فأتقي غضبهم ولا تشعل ناراً لا يطفئها إلا خالقهم وأنتصر بهم فهم خير أجناد الأرض وأتقي فيهم ثلاثاً:

1.  نسائهم فلا تقربهم بسوء وإلا أكلوك كما تأكل الأسود فرائسها
2.  أراضيهم وإلا حاربتك صخور جباله
3.  دينهم وإلا أحرقوا عليك دنياك

وهم في عمومهم صخرة فى جبل كبرياء الله تتحطم عليها أحلام 
أعدائهم وأعداء الله

رسالة من مصرى لكل مسئول - ما بيقدمش لكن بيأخر

يا كل مسئول ما بتشتغلش - اتنيل على عينك
يا كل مسئول ما عندكش رؤية - حل عنا
يا كل مسئول ما تعرفش قيمة مصر - حل عنا مش ناقصينك
يا كل مسئول مستنى الأوامر العليا - مالكش لازم بنا 
يا كل مسئول خاين لمسؤلياتك او مش عارف مسئولياتك - مكان طرة و بكرة تتزف بالأغنية الشهيرة " من ده بكرة بقرشين "

بتوع الملابس الداخلية يعملوها و يخيلوا

بداية اليوم فى ميدان التحرير

نجح التجمع النهاردة فى ميدان التحرير و فى اسكندرية و فى السويس و فى بورسعيد و فى الصعيد  .. النهاردة مش بس يوم مميز لأن كل الشرفا فى البلد اتجمعوا فى كل ميادين مصر و النجاسة كانت بعيد ... لكن كمان نهاية اليوم أكدت النجاح ده و الدليل ان البعدا استجمعوا كل طاقتهم عشان يمسحوا المجهود الراقى إللى اتعمل النهاردة و يسبولنا ذكرى سخيفة شبهم .


فدول نقولهم :
لعبتكم قارعة و مكشوفة و لعبتوها يوم 28 يناير بنفس الشكل ... حرقتوا البلد و نزلتوا الحرامية و البلطجية و بتكرروا نفس الحكاية دلوقتى و كل ده عشان تشوهوا الثوار و الثورة .. لكن اللى فضحكم المرة دى هو نفس اللى فضحكم المرة اللى فاتت .. و هو ان الثوار مش بس شعارهم سلمية سلمية ... لأ دول كمان طول اليوم كان سلوكهم بيأكد على السلمية دى .. و لأن اليوم نجح ، و انتوا  خفتوا من النجاح ده .

شعار 9 / 9   سلمية سلمية

 اترعبوا ان مطالب الثوار تآخدكم وش و ترزعكم على قفاكم ف قررتوا تقلبوا الترابيظة و تخترعوا حكاية حرق ورق السفارة عشان تعملوها حجة .. قررتوا تلبسوا وش الخايفين على البلد ، و مش عايزين توترات خارجية و النبى يا عبده بلاش حرب عشان احنا مش حمل رفع اربيضية .... حرب إيه يا خايب منك له ، دى المعاهدة الفالصو إللى انت خايف عليها و شايلها تحت المخدة مأمنة عدوك من حربك ، و مكتفاك من تعمير أرضك ، و برضة مموتاك بالمبيدات المسرطنة و الماية الملوثة و التعليم الفاسد بأوامر عليا ، تبقى خايف على إيه ؟؟ بس خليك خايف لحد ما تموت م الرعب ... و برضو الثوار هما  إللى حموا الميدان ، و هما إللى ح يرجعوا مصر بتاعة زمان ، و خليك انت فار و احمى العدو و هد فى البلد عشان الكام ملطوش إللى بتشترى بيه أكل و شرب آخرته فى المجارى ، و انت أخرتك دود الأرض ، و يمكن يقرف منك و من ريحتك .


أوهم ناسك انها خالت علينا ، بس احنا بنقولك فلفل شطة ، موت بغيطك ، احنا متأكدين ان الثوار ما اقتحموش السفارة و ماولعوش فيها نار و لا فى ورقها و لا فى الأورمان و لا فى مديرية الأمن و لا فى الأدلة الجنائية إللى انتوا عايزين تحرقوها عشان تداروا على فضايحكم فيها ... تحب أقولك عرفت منين انك انت إللى عاملها يا بتاع الملابس الداخلية تعالى معايا واحدة واحدة
-  هما الثوار ح يعرفوا منين ان فى مخزن للسفارة فى الدور 18 ... ليه هما ثوار مكشوف عنهم الحجاب ، و لا ثوار شغالين معاكم فى الملابس  ..  دى أول حاجة فضحتكم
- تانى حاجة الثوار يهمهم يجمعوا الوثائق إللى فى السفارة لأنها كلها ح تفضحكم و الدليل الورق إللى اترمى على الثوار و مكتوب فيها طلبات غير مشروعة لترخيص سلاح لفلان و علان ، و مرتبات شهرية للرائد ع البيض الفلانى ، و المقدم و المؤخر الترتانى .. فالثوار مش ح يحرقوا وثائق زى دى  ، لكن ممكن يصوروها و ينشروها ، و الضعيف فيهم يآخدها و يحتفظ بيها ، و ابن الناس الشيك ح يسلمها للجيش زى ما عملوا مع المستندات بتاعة أمن الدولة - و لا ناسى 


- تالت حاجة تأكد ان الملابس الداخلية قذرة و ما ينفعش معاها تطهير هو انكم كلكم قاعدين على ميسد كول ... فى ثانية كله فط و نطت و بقى عند السفارة ، بصراحة اللى حصل عند سفارة الخنازير النهاردة يأكد ان بتوع الملابس الداخلية ما ينفعش معاها ترقيع لكن محتاجة ديتول و كلور و ماية نار لأن النجاسة و الوساخة متأصلة فى النسيج  ... اسمع يا ابو حشرة على كتفك و على اول دراعك : الثوار ما بيولعوش و ما بيحرقوش ، و الدليل إللى حصل طول اليوم .. و بعدينا ما راحوا لحد السفارة السعودية ما حصلش اقتحام ليه ؟؟؟


ح تقولى كوهين هرب ليه لما الثوار ما عملوش حاجة ... لأن الثوار عملوا اللى لازم يتعمل ، هدوا السور اللى اتبنى عند سفارة الخنازير قصدى عند الحظيرة  .. و ده تعبير عن رفضهم للسور و للفلوس إللى ادفعت فيه و كان ممكن يتبى بيها بيوت لسكان العشوائيات المرمين فى الطل ... ح تقولى اصل دى الفلوس اللى بعاتها واحد امريكى بيحب الخنازير و عايز يحافظ على الحظيرة .. أحب أقولك ان الفلوس دى مش عشان تحافظوا ع الحظيرة ، لأ ، ده تمن دم ولادنا إللى راح على الحدود و فى الثورة و انت قبلتها .


و فى الآخر تحية للثوار إللى قدروا يطردوا السفير رغم رفض الحكومة إللى اكتفت بمسودة  .. و الكارثة كل الكارثة فى التيارات اللى مسمية نفسها تيارات الدين قالزعلانة اوى  من انزال العلم ، طيب يا إللى زعلان ع العلم هاتلنا حق الشهيد إللى مات ع الحدود يا بتاع الدين ، و لا كمان ممكن نقبل العفو و الدية م الخنازير .. طيب إيه رأيك انه ما عرضوش ولا حتى الإعتذار يا حضرة الحمار


لازم الحكومة تمشى ، و الملابس الداخلية تتطهر .. و طبعا لأننا إللى بنكلمهم خالعين الودان ح نفضل فى الساقية دى و الطور مش راضى يوقف الساقية و يبطل لف و دوران ، مشر اضى ينقذ البلد عشان الكلاب الامريكانى اللى بيربيهم صاحب مزرعة الخنازير بيدفعوا للطور  .. يبقى ح نفضل كدة و مش ح نتعب لأن  المصريين اكتشفوا انهم ميتين ميتين .. يبقى الثورة ح تستمر لأنها جاية بالأمل ، لكن الخضوع و السكات معناه اننا نموت فطيس ... و النهاردة يوم 9 / 9  الثورة اتقدمت خطوة و خطوة كبيرة كمان ، و ده إللى خلى بتوع الملابس الداخلية يتلموا بسرعة و يحاولوا يمسحوا الخطوة دى و آثارها و معناها و مفهوهما ، بس غيركم كان أشطر ، لأن الحق باقى .


و بتوع الملابس كوم ، و الكلاب إللى عايزة تتقرب و تتود من الحاكم بأمره و تقوله افرض الأحكام العرفية ، ما عندك قانون الطوارئ شغال .. عايزين تخنقوا البلد إيه أكتر من كدة


كلمة اخيرة للى لابسين وش المحموقة
 لما انتوا محموقين أوى عشان الزوفارة ، ما انتوا عارفين ان الشعب ما كنش راضى عن وجودها ، و لا على أى اتفاقية حصلت معاها .. يبقى مش من حق أى حد يفرض نفسه علينا .. و عشان كدة احنا طلعنا و نزلنا العلم و مش مسئولين عن الحرايق إللى حصلت دى يسأل عنها بتوع الملابس الداخلية إللى لقينا أساميهم فى الأوراق إللى اتررمت من مخزن السفارة و أأقل واحد فيهم بيآخد 3000 دولار شهريا


و أحلى نكت اتقالت ان الخنزير عايزة امريكا تأمن حظيرتهم بالقاهرة ، بلد مش عيزاكو و شعب مش عايزكو ، يبقى بالعافية تقدوا عندهم و تطلبوا كمان الحماية ، اما انكم خنازير صحيح .


و فى النهاية نشكر الشعب المصرى إللى كسر السور و رمى العلم  .. و كفاية ان الشعب المصرى طرد السفير النهاردة 9 / 9 ، و على فكرة حدث فى مثل هذا اليوم ان عرابى وقف قدام الخديو و قاله " خلقنا الله احرارا و لم يخلقنا عبيدا او عقارا "


و طظ فى الهوبل و المحبطين اللى طلعوا من الجحور و  بيقولوا مزعورين : " الثورة تاهت " ... طيب ما نبعت حد ينادى عليها .. قالت تاهت قال ، بقى بعد نجاح  طول النهار و تقولوا تاهت .. أما انكم فلول او  ُهبل أو تبع الملابس القذرة ... و مش ح أرد عليكم لأنى مشغولة  بسفير مصر عند الصهاينة إللى قالهم المرة إللى فاتت " إللى بيطالبوا  بقطع العلاقات بين البلادين  دى "أصوات جوفاء"... نفسى أسمع صوته المرة دى . ... هو و مجموعة " ابناء الصهاينة " إللى ح يفتحوا صفحات اسمها " أسفين يا خنازير و لا آسفين يا أمريكا يا إللى زعلتى عشان تقطيع شوية ورق فى الحظيرة و ماهمكيش المصريين إللى ماتوا ع الحدود