google.com, pub-5789936701390099, DIRECT, f08c47fec0942fa0

داخل المقال

google.com, pub-5789936701390099, DIRECT, f08c47fec0942fa0

click

google.com, pub-5789936701390099, DIRECT, f08c47fec0942fa0 google.com, pub-5789936701390099, DIRECT, f08c47fec0942fa0

المتابعون

إجمالي مرات مشاهدة الصفحة

Subscribe Now: standard

Translate

الاثنين، 29 أغسطس 2011

الحلقة 14 من مسلسل الحاجة ايفون - الفقراء اولا




صراع من نوع جديد يبدأ بين زينب و ايفون من جهة و اولادهم منال و أحمد و رانيا من جهة أخرى ... فزينب و ايفون يرون ان توزيع شنط رمضان تهين أخذها و تعوده على التسود بينما اولادهم يرون ان هذه الشنط من حق الفقراء .. و تترك زينب و ايفون ساحة الصراع لإنشغالها بمعركة جديدة مع أمن النادى الذى يتطالول عليهم .. يا ترى الصراع ح ينتهى لصالح مين ؟؟؟
و إيه علاقة شنطة رمضان بأمن النادى ؟؟؟
اسمعوا الحلقة و انتوا تعرفوا
الحاجة ايفون مسلسل للمخرج أيمن عبد الرحمن تأليف سمر العزب بطولة منال سلامة - ايهاب فهمى - سميرة عبد العزيز - انعام الجرتلى - فايق عزب

الخميس، 25 أغسطس 2011

سياسة هيكل فى ماسبيرو لا تليق باعلام ثورة

رحل الرجل الشريف و تبقى كهنة صفوت الشريف

كل يوم يطلع علينا فل من الفلول و يقولك كلنا كنا جزء من النظام ، عشان هما ملوثين مصرين يقنعونا اننا  زيهم ملوثين و معدومين الشرف و الكرامة ، و مش فاهمين انهم بيضحكوا على نفسهم مش بيضحكوا على المصريين
لأ يا فل يا ابن الفل يا غبى يا ابن الغبى انت فاكر ان اللى خارجوا فى الثورة كانوا جزء من النظام .. ما تستغباش فيها عشان انت مكشوف

و احب اوضحلك ان كل واحد ما دفعش رشوة  كان ضد النظام ، كل واحد اشتغل بما يرضى الله  كان ضد النظام ، كل واحد اتسرق منه منصبه منه و هو كفاءة و أحق بيه اكيد انه ضد النظام ، كل واحد عنده حد فى عيلته مات بالسرطان او عيان بالكبد و او بيعانى من الماية الملوثة و نقص فى الرعاية الطبية اكيد انه ضد النظام .. كل واحد عانى من الظلم الاجتماعى اكيد ضد النظام و ماكنش جزء منه

فى الآخر طظ فيكم يا فلول يا عملا النظام الفاسد البائد  يا فسدة يا مرتشين .. يا طبقة بزراميت مالهاش ملة و لا دين .. طبقة بزراميت  ما عرفتش تكون جزء من الطبقة الشعبية الجادعة و لا الطبقة المتوسطة المثقفة و لا الطبقة الأرستقراطية الأصيلة أصحاب الأصل العريق و أولاد العائلات .

طبقة البزراميت قررت تقنع الشعب ان مافيش حاجة اسمها فلول و لا فى حاجة اسمها حزب وطنى ضار بصحة الشعب ، و بيطالبونا اننا نشربهم .. و بدأت الخطة فعلا برجوع وزارة الإعلام ، و بدأ أول قرار و كان اسمه " تغير فى القيادات " و ده يعتبر تزوير فى مناصب رسمية ، لأن التغير كان تقليب فى فلول النظام و شال ألدوا و حط شاهين .. و شال فاشل من مكان و حطه فى مكان يقدر يثبت فيه فشل أكبر و أعمق ..  و آخر خيبة من خيبة القيادات دى طلعت علينا بشوية كلام اهبل انهاه بجملة "  بناء على توجيهات السيد الوزير " ......................... تانى ، تانى يا فل يا معدوم الشخصية يا عديم الرؤية .

و التانى خرج علينا بمجلة فشلة   ُمصر يعملها الكارت بتاعه ، و انا واثقة انه ما قرهاش ، لأنه لو قراها ح يكتشف انها بتفضحه

و الباقين حدث و لا حرج ، و لما تعترض ، يرد عليك باقى طقم الفلول و يقولك و هو بيحزق أوى : " هى القيادات دى لحقت تعمل حاجة "
و التاريخ الأسود الطويل العريض إللى ورا كل قيادة منهم ، نعمل فيه إيه ؟؟؟ و كأن 25 يناير مش تاريخ الثورة ، و كأنه تاريخ اعلان توبة الفلول ، و المفروض اننا نصدق توبتهم .. و لو كانت توبتهم صادقة ، كان المفروض يتنازلوا عن مناصب هم مش كفئ لها
و لا يعرفوا ازاى تدار 


و كل ما سبق أسباب كافية للانقلاب على اسامة هيكل ، و رفض وجوده فى ماسبيرو ..
لأن  قرارته غير ملائمة للثورة ، و بدأت بقراره فى ان يستعين بكل أعضاء الحزب الوطنى فى كل مكان و ينشرهم فى ماسبيرو عشان ينشر معاهم أفكار الثورة المضادة ..  حط أعضاء الحزب الوطنى فى مجلس الأمناء ، و فى المناصب القيادية و فى لجنة خرافية قال انها لتقيم برامج التلفزيون ، لجنة معظم أعضاءها من الفاشلين و النص التانى فضل يحارب المواهب فى كل مكان اتعين فيه، و دلوقتى ما بقوا محسبوين على الأموات جليبهم تانى يحاربوا البقية الباقية من اشلرفاء ..  و طبعا مجموع الخلطة العجيبة دى هو ترسيخ مفهوم " إلغى عقلك و ضيع شرفك و كرامتك "

ده غير ان اسامة هيكل جه وزارة تم الغاءها بفعل الثورة .... لما ترجع فجأة و ترجع و معاها فيلق من الحزب الوطنى يبقى عايز يقتل الثورة فى مقتل

و بدل ما هيكل يدور على نظام يرجع بيه الإعلام للشعب ، لأ يجيب قيادات لا تفهم ما معنى كلمة شعب قد ما تعرف معنى النظام ... دول إللى اتعودوا على تقبيل جزم المسؤل الأعلى  مهما كان مركة الجزمة

ليه بنرفض هيكل ؟؟
لأنه مافكرش يخلصنا من المذيعين إللى خانوا الثورة و شوهوا سمعة الثوار ، لأ ده كمان  ُمصر يجيب قيادات من العصر البائد ، قيادات عاشت و تعيش على الفساد ، قيادات هدفها القضاء على الثورة لأنها تدين بالولاء للعصر الفاسد ، قيادات اتعلمت تآخد مالا تستحق عن طريق الرشوة و عن طريق اساليب رخيصة .. قيادات لم تترك أى بصمة فى الإعلام غير تشويه الاعلام المصرى و  ابعاده عن الشعب و مطالبه و تزين صورة الحاكم .. كل ده و برضه هيكل جابها ، يمكن دول إللى اتربى على افكارهم و ده دليل عاشر ان هيكل لا يليق بإعلام الثورة .
فاختياره للقيادات يوضح سياسته الاعلامية و اختياره لمجلس الأمناء يعكس رؤيته العبقرية فى تحويل الاعلام الحكومى لإعلام الشعب - بس أكيد أى شعب غير المصريين   

دعوات يطلقها ثوار ماسبيرو :
نداء الى الشعب المصرى باسم ثورته ولكل زملاء الاعلام (الرسمى والخاص) انضموا الينا يوم الاحد الموافق 28 اغسطس 2011 فى مسيرة من ماسبيرو الى مجلس الوزراء الساعة الواحدة ظهرا تنادى باسقاط وزارة الاعلام وان تطهير الاعلام هو عمل قومى من حق الشعب المصرى وليس من حق العسكر


اسامة هيكل مش قال كلام و ما عملوش ،  ده ضحك علينا رسمى شفعى نظمى ، قال ح استعين بقيادات شابة و فهمنا انه ح يجيب ناس معروف عنها الشرف مش ناس مسحت خوخ و مسحت حزم النظام الفاسد ... ممكن أى حد م إللى استعان بيهم هيكل و وصل لدرجة وكيل وزارة و نائب رئيس قناة و لحد رئيس قطاع ، ممكن حد م اللى  وصل للمناصب دى قبل الثورة يشرحلنا  إزاى وصل للمنصب ده ، غير بالرشوة و الفساد و المحسوبية ،و اضعفهم  سهل السرقة او قفل عينه عنها 
عايزة واحد يطلع يقول انه كان شريف و صاحب رؤية و افكار و اعترض على الفساد و رقوه لمنصب قيادى قبل الثورة 

و دلوقتى و بعد الثورة هيكل جابهم ليه ناوى يعيد الكرة ؟ و ح تحصل سرقة تانى ؟ و رشوة تانى ؟ و فساد تانى ؟ و قتل مواهب تانى ؟ و بناء على توجيها سيادة الوزير تانى ؟ ولا دلوقتى هما مركزين فى الهدف الاقوى و هو قتل الثورة 
و بعد الجريمة ما تم بنجاح و يتخلصوا من الثورة ، يبقوا يتفرغوا للفساد و السرقة و الرشوة و خطف المناصب و القضاء على المواهب
............................................................................................................................................................................................................................
بيان جبهة انقاذ الثورة المصرية :
" ماذا يريد هيكل من الاعلام المصرى ؟!!!!!!!!
  1. هيكل يتحدى الثورة بفلول النظام القديم !!و يتلاعب بمبادئ الثورة و يعيد قيادات مبارك لماسبيرو !!!!!     (( يا سلام على وزير الثورة )) (( حقيقى بيحب مصر))
  2. لماذا صدرت تعليمات هيكل بمصادرة أفكار الثورة : و التعتيم الاعلامى ، هيكل يخطط لضرب الثورة المصرية ببرامج مسيسة للنظام القديم 
  3. نحن نكشف أسرار و حكايات و مؤامرات وزير الاعلام للاطاحة بالثورة و الاجتماعات السرية مع قيادات النظام القديم    (( حقيقى وزير عارف شغله))
  4. لماذا قام هيكل بحركة تنقلات بقيادات كانت تعمل لحساب النظام القديم ؟؟!!!
  5. هيكل يقود الثورة المضادة و يمنع برامج الثورة
  6. الشعب يريد تطهير الاعلام بجد مش هزار
  7. نقول لوزير الاعلام التطهير الشامل أو الرحيل
  8. و نؤكد اننا لسنا أصحاب مصلحة غير مصلحة مصر التى تفرض علينا ان نكشف كل صغيرة ، باغين فى الله ان ينصر مصرنا و يعزها 
  9. موعدنا 9 سبتمبر 2011  امام ماسبيرو  لتطهير الاعلام






الثلاثاء، 23 أغسطس 2011

قرارات هيكل فى ماسبيرو قادرة تغطس المبنى تحت النيل - ح يستمر و لا ح يلاقى عوامة ؟؟


على صفحة اسامة هيكل على الفيس بوك الشباب كتب يقول :

الشعب زهق وقوف
وعاوز تطهير حقيقي
الاذاعة والتلفزيون المصري زي الزفت
1.   مافيش تطهير و اللى مش عاجبه يبيع التلفزيون 
2.    بندن فى مالطة \
3.   دوول عايزين دى تى دى بتاع زمان
4.   هو عايز ماسبيرو يفضل رحته كدة عشان الناس النضيفة تطتفش و يحقق هيكل هدفه فى الهيكلة ، و يبقى اتهيكل من نفسه

من على صفحة ثوار ماسبيرو على الفيس بوك  :
البرنامج اليومى المتوقع بعد التطوير 
القناة الثالثة.. المحروسه

08.00
المحروسه بعد ماسرقوها ولاد المهووسه

11.00 "
كنت رئيسا للمعهد" وثائقى من انتاج القناة

12.00
موجز الأنباء.. أوعى تقول واء

12.15
اغانى وطنية لفنان الفلول عمرو مصطفى

13.00
برنامج المرآه...الكوسه فى فنون المحروسه

15.00
الفيلم العربى نور الدين والبحارة الثلاثه

17.00
الفن الإذاعى بين الفلول والأذناب قراءة نقدية فى مجلة الفن الإذاعى

18.00 "
احجزلك لفه" تحقيق تلفزيونى عن مين اللى سرق بلــف عجلة الانتاج.. ولقاء نادر مع دكتور الاقتصاد العلامه سيد نفخو. والمعلم بليه بيأجر عجل فى العيد

19.00
برنامج الأطفال..."أطفال الفلول"..

20.00
اعادة الفيلم العربى نور الدين والبحارة الثلاثه.. يليه استضافة لأى ناقد فنى للحديث عن تأثير شخصية بطل الفيلم نور الدين فى ضياع الفن السينمائى

21.00
الشوارع بلطجية.. عن التدهور الاجتماعى السياسى الليبرالى لحركة النمو الاقتصاديه لجماعات البلطجية الوطنيه.. ولقاء مع شباب جمعية مستقبل البلطجية

22.00
القياده فى زمن البياده.. ندوه حول القياده الآمنه للتوك توك

24.00
فيلم السهرة نور الدين والبحارة الثلاثه .. بس دول تلاته تانيين

وشششششششششششششششششششششششششششششششششششششش.... المحروسه نايمه دلوقتى
1.   هذا ليس نقدا هذا تصور نظرا لشكل القائمين على الأمر وافكارهم اللى بقالها سنين فى المبنى
2.   هيكل الشريف أم هيكال الفقى.. اختار الاجابه الصحيحة واكسب معنا منصب قيادى جديد فى الحركة اللى جايه... جايه بعد شويه جيب فلول وحاجات.....
4. مشينا ورا اللينك ده و لقينا الصورة دى 


رأى اهل ماسبيرو فى تغير القيادات فى ماسبيرو  من على صفحة اسامة هيكل على الفيس بوك :

  • مازالت البرامج علي القناة الاولي عقيمة جدا ولعل من أبرز برامجها الآن برنامج احمدك يارب تقديم ايناس عبد الله ازاي تتطلع مذيعة نص شعرها باين والمفروض انها محجبة والمفروض ان احنا في رمضان ومن ضمن الاهمال الحلقة الاولي اللي اتذاعت يوم 16 رمضان اتذاعت اليوم والغريبة محدش عارف مين المعد لحد الآن مرة كتابهوا باسم امنية عثمان وانهاردة كاتبين نفس الحلقة باسم ايناس عبد الله ياتري ده راجع عن اهمال ولا احنا هنفضل مضللين فين دور المتابعة معقولة مفيش متابعة لتقييم البرامج في الاذاعة والتليفزيون لان احنا لازم بقا نحترم عقلية المشاهد المصري

1.   مش المهم قبضنا على الحلقه قلبك ابيض
2.   انت مستنى ايه من صلاح الدين مصطفى ، يحولك القناة الاولى لقناة بى بى سى ..... هو ممكن يحولها لقناة بىبى بس
3.   بس انا ليه وجه نظر مش المفروض اعرف ان مصدر الفلوس حلال ولا حرام عشان قلبي يفضل ابيض عشان انا بكره اللون الاسود انا لما اخاد فلوس عن تعبي وعرقي افرح
لكن لما اخاد فلوس عن تعب غيري وشقائه اعتقد ان لازم احزن ده احنا لسه بنقول عايزين تطهير ده المال الحرام يوجع
4.   يا سياده الوزير اعلامنا في خطر كيف يتم في عهد سيادتكم التضليل و الاستهتار والاستهانه والاستخفاف بعقليه المشاهدين في عرض نفس الحلقه الاولي لبرنامج احمدك يا رب اليوم والجدير بالذكر ان الحلقه كانت من اعداد امنيه عثمان وتم اعادتها اليوم باسم ايناس عبد الله لصالح من تغيير الاسماء و من المسثول عنه ومن المعد الحقيقي واين دور المتابعه

  • ليس عيبا ان نخطأ ولكن العيب ان نستمر فى الخطأ
  • فمن هؤلاء راجعوا تاريخ شخص شخص من القادة لتعلموا ان افضلكم لا يتولون اموركم ، كيف نقف هذه المهزلة



  • السيد وزير الاعلام ماهى معايير الوظائف القياديه التى اخترت بها القادة هل اسامه غريب اكفا واقدم الموجودين بالفاضائية بالطبع لاااااااااااااااااا
  • ماهى معاييرك سيادة الوزير وكيف نامن على مستقبلنا ومجهودنا وافكارنا فى ظل اختيارات بهذ الشكل لقد وليت كل فلول وبقايا اعضاء الحزن الوثنى مناصب بماسبيرو ، لقد اضعت حقوق الكثيرون من الاكفأ والاقدم واتيتم بقاده كلهم ملطوطيين فالرجاء نشر السيرة الذاتية لكل منهم

1.   عندما كان السيد الوزير يتواصل معنا من خلال صفحته بشكل يومى .. قال إن من الصعب أن نتفق على شخص وذلك فى اطار الحديث عن تغيير القيادات وقال إن ذلك يحتاج إلى وقت .. ولكنى قلت له نعم من الصعب جدا أن نتفق على شخص ولكن اكيد سنتفق بسهوله على المعايير التى يتم بناء عليها الاختيار ولخصتها فيما يلى 1- ان لايكون ممن ينتمون الحزب الوطنى أوكان بوقا للنظام البائد 2- ان لايكون له ملفات فاسد مالى أو إدارى 3- ان يكون مهنى حقيقى .. هل هذه المعايير يختلف عليها .. ام صعب ان نجد من يتصف بها
2.   لمعاير الاساسية فى القيادات ان صفوت الشريف و انس الفقى يكون راضى عنهم

  • اختفاء الوزير من هذه الصفحة ..هو أحدث إنتاج لفوازير رمضان..أين الوزير؟؟!!؟؟؟

 و التعليقات دى خاصة بمجلس الأمناء الجديد بماسبيرو : 

بعد أن أتي معالي الوزير يالانتيكات من متحف الإعلام المصري أعضاء في مجلس أمناء الإذاعة والتليفزيون أرشحه قريبا لإدارة المتحف المصري أو متحف التحنيط بالأقصر
1.   الانتك خانة تقدم لكم فريق الاشباح و لو قلبك جامد اضغط على اللينك http://www.facebook.com/photo.php?fbid=236393013062436&set=a.236386783063059.48474.100000752178983&type=1&theater
مشينا ورا اللينك ليقنا الصورة دى 



2.   قد وضح فكر معالي الوزير ورؤيته ومدي رغبته أو قدرته علي التغيير : إنظروا لقرار التغييرات وما أتت به ، ثم إلي مجلس الأمناء والأنتيكات التي أتي بها .. هذا يدل علي عدم الرغبة أو القدرة علي التغيير ،وغياب الرؤية ومحدودية الفكر وعدم قراءة جيدة للواقع وطلبات وطموحات شباب الإعلام المصري وقبل كل هذا هو يعيش في مرحلة ما قبل الثورة ولا يعترف بدور الشباب ولم يتعلم من دروس سامي ىالشريف ولا طارق المهدي .. لذا أقول له : إرحل قبل أت تطرد
3.   س كلم الوزير كلام يفهمه هو ما يعرفش يعنى ايه رؤية ولا اعلامية كلمه عن الطاعة العمياء ، الكرسى اللى عايزين نلزق عليه اكبر وقت ، بلاش تكلمه فى حاجات محتاجة مذاكرة و شرف و وطنية
4.    الحفريات تحكم ماسبيرو
5.   هل من المعقول والمقبول أن يستبعد المحترم فاروق شوشة من تشكيل المجلس ويعطى مكانه لعمر بطيشة ...الذى جدد له النظام السابق رئاسته للإذاعة ثلاث مرات على التوالى وكتب الأغانى فى مدح رأس النظام السابق وأشهرها ( يا مبارك يا حبيب الشعب ) من غناء ورده .......هوه ايه اللى بيحصل بالضبط !!!!!!!!!!!!!!!!!!!!!!!!!!!!!!!!
6.   لا تتعجب اخ ابراهيم فالترقيات السابقه للقيادات كلهم من مفرزة وعضوية الحزن الوثنى المنحل وهذا معناه ان شىء لم يكن وانما ذهبت دماءشهدائنا هدر
7.   التطوير بشباب فوق السبعين .. ح يطلع المواهب من الميتين
8.   مجلس الأمناء الجديد يرحب بكم فى قلعة أموووووووووووون
9.   حد شاف مجلس امناء اتحاد الاذاعة والتليفزيون اللى اتشكل النهارده فى الزحمة ؟؟ مليان فلول على حزب على قهوة معاشات ..... يعنى على كل لون .....
احب اقول ان القنوات الفضائية تدار بشباب ..... مش مجلس امناء تليفزيون الستينات....
10.   واضح  ان اللى اختاروا الاسماء دى فاقدين الزمن فعلا -- 99% منهم فلول على ناس ملهاس لازمة فى اى حاجة --و بعدين ايه الزحمة دى ايه كل الاسماء دى كلها ؟؟ و فين التكنوقراط يا ابا الحاج عصام ؟؟ اسمين و اللا تلاتة بالكتير و الباقى المفروض ينكهنوا -- امال قال اللى كانوا تبع النظام و فى الحزب ملهمش مكان بعد الثورة !!! فعلا عصام شرف بيختار كل المسئولين بطريقة حادى بادى كرنب زبادى شالوا و حطوا و كله على لادى --- و عجبى
11.               كلهم فلول وفاسدين ويقولوا آل تغيير وتطهير
12.               مجلس امناء فلول ورؤساء قطاعات ايضا اغلبهم فلول ما فيش شىء اتغير فعلا تغيير كراسى فقط والنظام داخل الإتحاد مش هيتغير محتاجين لثورة تعادل مليونية 25 يناير حتى بتم الاصلاح
13.               من الواضح ان دى مؤامرة على اعصابنا --حرب نفسية يعنى -- يفرسونا لحد ما نطرشق من جنابنا و بكده يخلصوا مننا -- وداعا للثوار -- و عود حميد للفلول

لسيد وزير الاعلام
التغيرات التى اجريتها دون المستوى بل مخيبه لامال الاحرار فى كل البقاع
كيف يتم ترقيات كل من حصل على مدير عام بالعهد البائد وهم لم يحصلوا على مدير عام الا بالتملق وكل الاساليب غير المشروعة والتى يابى ان يسلكها الاحرار
انك اتيت بجيل الصف الثانى من النظام البائد لتفرضهم قيادات علينا جميعا وكلهم اعضاء بالحزن الوثنى الاديموقراطى
معالى الوزير انت بذلك لم تحرر الاعلام ولا العقول من فكر وقيم نظام العهد البائد
كنا نامل فى قيادات شابة ثورية ذات فكر
1.   هو مين ياجماعة من العهد البائد أو الحزب الوطني ضمن التغييرات دول مجموعة كبيرة منهم شباب أصحاب فكر ونجوم وبعدين الوزير يجيب منين ده الموجود والقوانين مش بتسمح أكر من كدة خلونا نستني بقية الحركة وبعدين مفيش توافق بين أي حد علي أي حد يبقي نسيب كل واحد يعمل شغله
2.   لقانون هو إللى قاله شيل صلاح الدين مصطفى من رئيس قطاع و حطه تانى رئيس قطاع .. ده قانون ساكسونية
3.   معالى الوزير انعى لسيادتكم ابناء الفضائية المصرية جمعاء لهم الرحمة ولاهلهم الصبر والسلوان
4.   يا وزير إعلام المجلس العسكرى 
سأذكرك ببعض من ذكرياتك التى تعتز بها
أتتذكر ندوات الأوبرا التى تشهد بمديحك للمخلوع 
اتتذكر آخر مقاله كتبتها قبل الثوره والتى تؤكد انك ضد الثوره 
فى اعتصام 8 يوليو كنت تمارس الوقيعه بين الشعب والشعب 
تتبع نفس سياسات انس الفقى لإعادة يوم 2 فبراير لينقسم الشعب إلى اثنين يقاتلون بعضهم البعض 
أحذر من النهايات فأنس الفقى لم يتوقع هذه النهايه السوداء 
5.   أسامة هيكل مسنود سندة انس الفقى

وزير الاعلام المصرى تعليقا على عدم نقل المظاهرات أمام السفارة الاسرائيلية فى القاهرة .. التليفزيون المصرى موش بتاع نقل مظاهرات.. التليفزيون المصرى بتاع تصريحات وتغييرات وساندوتشات
1.   وزارة الاعلام والتلفزيون المصري لا لهم دور قبل الثورة ولا بعدها اصل الكراسي جلده مريح والتكيفات مرطبة الجو حبتين يسيبوا العز دا لمين لازم يعملوا اللي بينطلب منه بالحرف دون تأخير ولا ايه
2.   امام السفارة الاسرائيلية الآلاف من شباب مصر يتظاهرون منددين ومطالبين بطرد السفير الاسرائيلى والتلفزيون المصرى خخخخخخخخخخخخخ نايم ... لا ليكون راح فى الوبا واحنا مش عارفين يا ولاد .... ولا يمكن تكون ندهته النداهه... ياسكان الدور التاسع فى ماسبيرو ارحموا من فى الأرض ....واشك أن يرحمكم بعد تقصيركم من فى السماء......
3.   و الله العظيم و نعم الاعلام المصرى 
قناة الجزيرة جايبة اخبار ضرب سيناء و مظاهرات المصريين امام السفارة مطالبين بخروج السفير و التحقيق فى الحادث و القنوات المصرية الاولى و الثانية و الفضائية مشغلين مسرحية لبديع خيرى و اغانى لايهاب توفيق و برنامج سخيف اسمه تقريبا البوست او حاجة زى كده 
عرفتوا بقى الناس ليه ما بتتفرجش على التليفزيون المصرى ؟
عشان شاشة تخدع المشاهد و تخدم المصلحة اللى اكيد مش عامة
4.   ياترى بصمة القيادات الجديدة فين
5.   البصمة دى فى صحيفة الحالة الجنائية
6.   على الحاجة الساقعة فى غرفة الاجتماعات
7.   هل من مجيب؟ احنا في الصفحة دي بنكلم مين؟

ارجو إلغاء قناة النيل للاخبار و شغلوا بدالها قناة افلام كرتون احسن و تكون مسلية
1.   خطأ قناة الكرتون لها هدف و هو الترفيه عن الاطفال 
ارجوك هات فكرة لقناة مشابهة للنيل للاخبار ما يكونش ليها هدف و لا لون و لا طعم و لا ريحة .
و لا تردد ارسال ، و لا مشاهدين و لا جمهور ، ولا .... ، ولا ..........
2.    


لأستاذ أحمد الضو " شئون العاملين " وأ. سعد " الحسابات " قاعدين يعملو إية دول ؟؟؟؟؟؟ ],دول من أكبر المسترين علي الفساد المالي والإداري داخل المبني ودول اللى كانو بيعدو المكافئات اللى بـألاف الجنيهات . والله واحد صحبي بيحلفلي كان عند أ. أحمد الضو بيعمل عندو حاجة وشاف ورقة بيمضي عليها بحساب مذيع لفطار كيلو كباب وغذاء كيلو كباب وعشاء كيلو كباب ههههههههههههههه 
1.   ة في يوم واحد بياكل كيلو 3 كيلو كباب شكلو بيعلب مصارعة .
2.   ما ياكل هو فى حد بيحاسب كلة على حساب صاحب المحل وربنا يجعلو عامر
3.   الكباب الكباب هايخلوا عيشتكوا هباب..!!!
4.   الكباب الكباب دة غير وغير وغير وما خفي كان أعظم ومش عارف إيه سر قعادهم لحد الأن ؟؟؟ أليس الساكت عن الحق شيطان أخرص وهم كانو صامتين وبيعدووووووووو ، عهدنا فيك القوة والمواجهه وكلنا أمل فيك في تطهير المبنى وأن يعطيك الله البطانة الصالحة التى ترشدك إلى الطريق الصحيح
اقولك على سر كمان مستحقات الناس ما تنزلش الا اخر النهار على شان يصرفو وجبات ويتعمل مكافات بحجة انهم اتاخرو وجهود غير عادى وسلملى على الشيكات ومستحقات العاملين انا مش عارف بيقبلو دة ازاى ربنا ينتقم منكو يا ............................... منكو لل

الأحد، 21 أغسطس 2011

للى عايز يقبل اعتذار الخنازير - يروح يقرا التاريخ






الحُر .. حُر .. مهما يدوق الشقا والمُر
ليه أنخ و ليه اطاطى .. وانا سلاحى تحت بطاطى


يا مشير دول جنودك .. عاوزين نعرف فين حدودك
يا مشير يا مشير .. على شرفنا احنا بنغير


يا سفير إسرائيل .. مصر خلعت العميل 


دى كانت هتافات الشباب عند السفارة الملعونة

ـــــــــــــــــــــــــــــــــــــــــ



مين ده إللى ح يقبل اعتذار .. و بأى صفة و بأى ذمة و بأى دين .. ده القاتل مش بس عتيد فى الإجرام ، لأ ده عدو من يوم ما ظهر على وش الأرض .. عدو للبشرية كلها بشكل عام و لمصر بشكل خاص 


هى لسة حكومة الثورة مش فاهمة يعنى إيه ثورة ؟ و لا عارفين الثورة ليه قامت ؟؟ قامت يا حضرات عشان ترجع لكل مصرى كرامته ، ثورة بتأكد على ان دم المصرى غالى .. ثورة ضد أى حد ممكن يهين أى مصرى فى أى مكان

و الموقف اللى مش مفهوم هو موقف المجلس العسكرى ، دول ولادك  إللى اتقتلوا على الحدود ، انت اكتر واحد كان لازم تدافع عنهم ، و تأكد على الجميع ان دم ولادك مش رخيص .. بتقبل الإعتذار ليه ؟ هى الجريمة دى حصلت غلط و لا عامدة متعمدة و متكررة … إزاى تقبلوا تحاكموا المدنيين فى محاكم عسكرية لمجرد انهم انتقدوكم  انتقاد يعنى شوية كلام طار فى الهوا شاشى .. و إزاى  تتهانوا مع العدو الرسمى الشرعى إللى انت شغلتك فى الحياة الوقوف قصاده و التصدى له  … إزاى تحكم على المدنيين بالسجن  بتهمة إهانة المجلس العسكري ، طيب هو قتل جنودنا على الحدود مش اهانة للمجلس


و بعدين هو حد طلب منك تدخل فى حرب ، عشان ماحدش يطلع يقولنا احنا مش مستعدين لحرب ، احنا كل إللى طلبينه هو طرد الكلب .. اطرد الكلب   واستدعى سفيرنا المصري .. استخدم كارت التصعيد الدبلوماسي لتعديل بعض ينود اتفاقية كامب ديفيد بشأن انتشار القوات المصرية في سيناء  ، حماية لك و لولاد ، بلاش حافظا على كرامة الشعب إللى انت مش معتبر نفسك منه




تانى باقولها و ح افضل أقولها لحد ما أموت : دماء شهدائنا مش رخيص   ، و مش ح يروح هدر .. ماحدش يستهون بالمصريين ، احنا شعب طيب لكن عنده كرامة ، و يا ويل إللى يحين كرامتنا .. و كلامى للجوة و للى برة .. ماحدش يستهون بالإرادة الشعبية ؛ هى الأولى بخضوع لها، و ماحدش يقولى أمريكا و سيط و ح يعلم الصهاينة الأدب .. روحوا اقروا التاريخ يمكن تتعلموا منه حاجة

دم ولادنا إللى حموا الحدود فى رقبة  المجلس الأعلى للقوات المسلحة ورئيس مجلس الوزراء .

هو الاعتذار إللى ح تقبلوه بخصوص أى جريمة من تلاتة :

  • ح تقبول اإعتذار عن الإتهامات الباطلة إللى قالها عنك و ادانك بيها قدام المجتمع الدولى ، و ادعى بالكذب انك اتوغلت فى اراضيه
  • ولا ح تقبل الإعتذار  عن دخول الصهاينة أرضك بدون وجه حق 
  •  و لا ح تقبل الإعتذار عشان ضرب جنود و قتلهم  ؟؟

يا ريت تشوفوا تقرير " أو إف إم " إللى بيرصد مخالفات الكيان 

الصهيونى عند العلامة الدولية 79 الموجودة بمنطقة النقب بوسط سينا


ـــــــــــــــــــــــــ




و يا إللى عندك كرامة و كرامتك وجعاك لدرجة خلتك تقبل الإعتذار ، تقدر تقولى  شكله إيه الإعتذار إللى ممكن يعوضنا عن مواطن مصرى بيحب بلده ؟؟؟؟؟... شكله إيه الاعتذار إللى قادر يعوضنا تمن الدم إللى سال من غير ذنب غير الغل و الكراهية ؟؟؟؟ ... قيمته إيه الإعتذار من كيان متسلط متبجح 


ويقولك معلش تقبلوا الإعتذار المرة دى ، لاممكن اعتذارهم ينزل الأرض أبدا  و يعيشولنا درو " عبد الفتاخ القصرى فى فيلم  ابن حميده " .


و لما تحب تناقش إللى رضى و قبل الإعتذار يقولك : " نحن لم نقبل الاعتذار من الكيان الجاهل المتغطرس ، نحن لا نعول عليه ، احنا نعول على الطرف بتاعتنا و هو امريكا "


الأوامر بقت بتجيلك رسمى م امريكا .. هو ده القانون إللى كان ماشى عليه المخلوع و انتوا لسة بتطبقوه ، يقولك لأ دى أمريكا ح تضغط على اسرائيل ... هاهاها ، ده مين العبيط إللى مكن يصدق حاجة زى كدة ، و احنا عارفين ان فى انتخابات رئاسية فى امريكا و المرشحين على استعداد لمسح جزم اسرائيل مش لضغط عليها
ــــــــــــــــــــــــــــــــــــ
المصريين يتظاهرون امام سفارة الكيان الصهيونى

بقى  الصهاينة يقوموا الدنيا من سنة 2006م و لحد دلوقتى عشان "جلعاد شاليط " ، و قصاده قتلوا 13 مصرياً و 2 ظباط وأصابوا العشرات، غير الذين سبقوا منذ عام 2000م  
و آدى بيان باسمى الشهدا إللى اصابهم رصاص العدو



  • نوفمبر 2000 أصيب مواطن مصري يدعى سليمان قمبز وعمته برصاص إسرائيلي حينما كانا يجمعان محصول الزيتون بميدان صلاح الدين برفح سيناء
  • أبريل 2001 أصيبت سيدة مصرية بطلق ناري إسرائيلي أثناء وجودها بفناء منزلها القريب من الحدود مع غزة في مدينة رفح سيناء
  • أبريل 2001 قتل شاب مصري يدعى ميلاد محمد حميدة برصاص جنود إسرائيليين عندما حاول الوصول إلى غزة عبر بوابة صلاح الدين في رفح سيناء
  • مايو2001 أصيب مجند مصري يدعى أحمد عيسى برصاص إسرائيلي عندما كان يؤدي عمله على الحدود في رفح بِ شمال سيناء
  • مايو2001 أصيب مواطن مصري يدعى زامل أحمد سليمان (28 عاما) بنيران إسرائيلية في ركبته أثناء جلوسه بمنزله فِي رفح سيناء
  • يونيو 2001 قتل مجند يدعى السيد الغريب محمد أحمد بعد إصابته بأعيرة نارية إسرائيلية في الحدود الفاصلة بين مصر وإسرائيل
  • سبتمبر 2001 أصيب ضابط مصري برتبة نقيب يدعى عمر طه محمد (28 عاما) بطلق ناري وعدة شظايا في الفخذ اليسرى بنيران إسرائيلية برفح
  • نوفمبر 2001 أصيب ضابط الشرطة المصري الرائد محمد أحمد سلامة بالرصاص الإسرائيلي أثناء دورية له في منطقة الحدود برفح
  • ديسمبر 2001 أصيب الشاب المصري من أهالي رفح سيناء محمد جمعة البراهمة 17 عاما في كتفه بطلق ناري إسرائيلي
  • فبراير2002 أصيب الطفل فارس القمبز (5 سنوات) بشظية نيران إسرائيلية في فخذه أثناء لعبه وحده بفناء منزله في رفح سيناء
  • نوفمبر 2004 دبابة إسرائيلية تقتل ثلاثة جنود مصريين على الجانب المصري برفح على الحدود مع غزة
  • ديسمبر2007 قتل المجند المصري محمد عبد المحسن الجنيدى بطلق ناري إسرائيلي في رفح سيناء على الحدود مع غزة
  • يناير 2008 قتل المواطن حميدان سليمان سويلم (41 عاما) من رفح سيناء برصاص إسرائيلي أثناء ذهابه لعمله
  • فبراير 2008 قتلت الطفلة سماح نايف (14 عاما) برصاص القوات الإسرائيلية أمام منزلها على الحدود قرب معبر كرم سالم
  • مايو 2008 قتلت القوات الإسرائيلية المواطن سليمان عايد موسى (32 سنة) بحجة تسلله داخل الأراضي الإسرائيلية قرب كرم سالم
  • مايو 2008 قتل عايش سليمان موسى (32 عاما) برصاص الجيش الإسرائيلي عند منفذ العوجة
  • يوليو 2008 قتل الضابط بالجيش المصري محمد القرشي بنيران القوات الإسرائيلية برصاص إسرائيلي على الحدود
  • سبتمبر 2008 قتلت القوات الإسرائيلية المواطن سليمان سويلم سليمان (26 عاما) من منطقة القسيمة بوسط سيناء بحجة أنه حاول التسلل
  • ديسمبر 2008 قتل فلسطيني وضابط مصري في تبادل لإطلاق النار عند معبر رفح بعد محاولة العشرات من سكان غزة اقتحام المعبر هربا من قصف إسرائيلي، وقالت مصر إن الضابط قتل برصاص حركة حماس.
  • أغسطس 2009 قال الجيش الإسرائيلي إن جنوده أصابوا بالرصاص جنديا مصريا بعد أن ظنوا خطأ أنه "عدو يحاول التسلل عبر الحدود"


yahoo search

Custom Search