نهب 34 مليون جنيه من تمويل قطاعات اتحاد الاذاعة والتليفزيون للعام المالى 2011/2012.

إيه إللى بيحصل فى اتحاد الإذاعة و التلفزيون ده
- ترقية القيادات الفاسدة و بتوع الحزب الوطنى و ادتلهم مناصب قيادية
- رفض اعادة توزيع الدخل داخل ماسبيرو
- الاصرار على اهدار الكفاءات و التعامل فقط مع عديمى الموهبة و  مساحين الجوخ و أحذية المسئولين
- و مش ح نجيب سيرة السياسة الإعلامية التى تحمل شعار لا أرى لا أسمع لا أتكلم .. عاملة بالنصيحة إللى بتقول " لا و النبى يا عبده ، ما تقلشى اى حقيقة ، استر عليا يا عبده " و المقربون يعملون بمبدأ  " ارخى الستارة إللى ف ريحنا لحسن الثورة  تجرحنا"


لكن يوصل الحال لنهب 34 مليون جنية من ميزانية 2011 / 2012
و ماحدش يتقدم للنيابة يبقى فيها "إن" و " أن " و  " كأن " كمان

و ده كلام احد موظفى القطاع الاقتصادى بيشرح فيه تفاصيل المستند السابق : 

عند فحصى لقيمة اجمالى التمويل فى البيان وجدت مبلغ 1107483 جنيه اى ( واحد مليار ومائة وسبعة ملايين واربعمائة ثلاثة وثمانون ألف جنيه ) وهو اجمالى المبلغ الموزع كتمويل لكافة قطاعات اتحاد الاذاعة والتليفزيون كلها واليكم صورة من البيان مرفق .
 عند مقارنة ما تم التمويل به لاتحاد الاذاعة والتليفزيون خلال نفس العام للاتحاد (( خد بالك من الرقم اللى راح أذكره ))) هو مبلغ 1.141 مليار جنيه ( واحد مليار ومائة وواحد وأربعون مليون جنيه ) ده بخلاف ما تم التعهد به من احمد شوقى رئيس العزبة اقصد رئيس القطاع الاقتصادى بمبلغ 50 مليون جنيه سيوفرهم لمستحقات العاملين من الاعلانات و التسويق والموارد .

هل لاحظتم الفرق بين ما تم توزيعه للقطاعات والمبلغ الوارد للاتحاد الاذاعة والتليفزيون هو مبلغ 34 مليون جنيه لم يتم توزيعهم وهو الفرق بين ( 1141 - 1107 ) بخلاف ال 50 مليون المتعهد به احمد شوقى رئيس القطاع الاقتصادى 
 عندما وجدت هذا الفرق ووجهته الى السيد الاستاذ / محمد فوزى وكيل أول وزارة الاعلام رئيس الادارة المركزية للتخطيط المالى والمتابعة المركزية وهو المنوط له بعمل تلك التوزيعات لم يعرف الاجابة وقال بالحرف الواحد انا ترزى ومسئول على الارقام التى تم تحديدها له فقط كتوزيع ؟؟؟؟!!!! أمال فين الفرق يا جماعة .... اللهم لاحول ولا قوة الا بالله العلى العظيم الظاهر تااااااااااااااااااااااااااهت ال 34 مليون جنيه

 .
 توجهت الى السيد وزير الاعلام بمذكرة اوضحت تلك الفروق وبالتالى تم استدعائى للمقابلة يوم السبت صباحا لمناقشة ما جاء بالمذكرة التى أوضحت بها الفرق التائه هذا بخلاف عدم تضمين موارد الاتحاد ايرادات الكافتيريا والرعاية الطبية والجراج الذى يجب ضمه قبل عمل اى لائحة خاصة بالاجور حتى يتم عمل توزيع عادل مش كده ولا ايه ؟؟؟