تبرير الفساد و السرقة فى ماسبيرو

أكد شرفاء القطاع الاقتصادى ان هناك فقد قدره 34 مليون جنيه غير موجودة فى توزيع الميزانية اللى تم صرفها على قطاعات ماسبيرو و بيسألوا راح فين المبلغ ده

و إللى عايز يعرف قصة نهب 34 مليون جنية من ميزانية ماسبيرو يدخل هنا

و اكد شرفاء القطاع ان التمويل الوارد لاتحاد الإذاعة و التلفزيون من وزارة المالية عبارة عن : 
 - مبلغ 83 مليون شهريا لمدة عام ( 83 * 12 شهرا ) = 996 مليون جنيه 
- مبلغ 17 مليون جنيه لمدة 3 شهور اعتبارا من اغسطس حتى أكتوبر 2011 = 51 مليون جنيه
- مبلغ 94 مليون جنيه قرض من وزارة المالية 
- مبلغ 50 مليون تعهد احمد شوقى رئيس القطاع الإقتصادى بتوفيرها بسبب زيادة التى تمت على دخل موظفى ماسبيرو و خاصة بطبيعة العمل وبدل التميز

و الأرقام السابقة تؤكد ان الاجمالى هو ( 996 + 51 + 94 + 50 = 1.191 مليار 
- الاجمالى بدون التعهد بتاع أحمد شوقى هو الذى تم بالفعل توريده = 1.191 – 50 = 1.141 مليار 
 - المبلغ الموزع  على القطاعات تقدر بـ 1.107 مليار 
-  وده معناه ان الفرق بين إللى المبلغ اللى تم توريده لماسبيرو و المبلغ إللى اتوزع على القطاعات هو  34 مليون نفس المبلغ المفقود

و إللى عايز يعرف المبلغ 1.107 متوزع على الطقاعات إزاى يضغط هنا

 -  و لو ضفنا للمبلغ السابق ال 50 مليون جنية إللى تعهد أحمد شوقى رئيس القطاع الإقتصادى بتوفيرها ، يبقى مقدار النهب يساوى 34 + 50 = 84 مليون جنيه 

و ده رد / سامى سعيد  وكيل أول وزارة الإعلام و المسؤل الأول على تعيين رؤساء القطاعات التابعين للحزب الوطنى حتى بعد الثورة .. سامى سعيد المسؤل عن تعيين سعد عباس فى صوت القاهرة

و إللى يحب يعرف مين سعد عباس يضغط هنا

يقول سامى سعيد : ان المبلغ 94 مليون خطأ ان يحسب ضمن الاجور الحكومية لانه يخص رواتب البرامجيين فقط وبالتالى يجب استبعاده من الحساب

ده كلام يا سامى ؟؟؟ ده احنا بنتكلم على دخل تم توزيعه فى ماسبيرو ، و بعدين هما اللبرامجيين دول بيقبضوا منين ؟؟ ما هم بيقبضوا من قطاعتهم ، يبقى إزاى المبلغ ما يحسبش فيه ال_ 34 مليون جنية.

و عشان ما أفرضش رأيى عليكم اسمعوا شرفاء القطاع الإقتصادى قالوا لسامى سعيد إيه :

المبلغ نتج عنه ان الصافى للتوزيع بدون التعهد الخاص بأحمد شوقى بلغ 1.047 مليار وان الموزع يبلغ 1.107 مليار اى انه هناك مبلغ 60 مليون عجزا .... هنا سكت سامى سعيد وطلب ارجاء الحديث لحين الاستفسار من احمد شوقى رئيس القطاع الإقتصادى ... و ادعى انه ح يطالبه بضرورة معرفته هو و الوزير بما تم صرفه للبرامجيين من المبلغ 94 مليون

طبعا كلام سامى سعيد ده فض مجالس لأن البرامجيين اللى هما مذيعيين و معدين و مخرجين ما قبضوش فلوسهم من شهر تمانية وخصوصا قطاعات المتخصصة و قطاع القنوات الاقليمية اللى هو قطاع المحروسة

هو سامى سعيد ما يعرفش ان المتأخرات الوحيدة إللى اتصرفت للبرامجيين كانت ايام طارق المهدى

يا ترى إيه مصلحة سامى سعيد بتعطيل قرار الحد الاقصى للعاملين فى ماسبيرو؟

و إزاى وزارة الإعلام تعمل لائحة مالية جديدة من غير ما تقف على حقيقة الايرادات والموارد للاتحاد .. و ده باين فى البيانات الخارجة من القطاع الإقتصادى و ما فيهاش  ايرادات الكافتريا والجراج والرعاية الطبية

يا ترى فلوس الكافيتريا و الجراج والرعاية الطبي بيروحوا لمين ؟

و إليكم حوار سامى سعيد فى هذا الخصوص و شرفاء القطاع الاقتصادى  :

سامى سعيد : الرعاية ليس بها ايرادات

الشرفاء : يا سيادة اللواء سامى ، دى الخصومات اللى بتستقطع لصالح الرعاية زادت بعد ما رواتبنا زادت  ، و كله لصالح الراعاية

سامى سعيد : الادوية تتحملها الرعاية بنسبة 25%

الشرفاء ( يضحكون ساخرين ) : يا سيادة اللواء / سامى ان الرعاية تتحصل على الادوية بسعر الجملة و مش بسعر المستهلك كما تتحصل على ادوية بونص بالزيادة طبقا للكمية من الشركات ، و ده بناءا على خبرتنا بمراقبة الرعاية خلال عملنا فى القطاع الإقتصادى .. عشان كدة  الرعاية ما بتحملش قيمة أى أدوية لانها بتبيع الادوية بنفس سعرها وليس بثمن المستهلك

سامى سعيد : و الادوية الخاصة بالعلاج المزمن

الشرفاء :  فى حد أدنى للمرضى

سامى سعيد : و المستشفيات ؟

الشرفاء : تم تجنيب مبلغ 43 مليون من تمويل اتحاد الإذاعة و التلفزيون لصالح المستشفيات

هنا سكت سامى سعيد تماما

فيا ريت يتم  كشف سر اسباب عدم ادراج تلك الايرادات فى البيانات الصادرة من  القطاع الاقتصادى

ونعرف حجم الارباح الخاصة بالشركات التابعة لاتحاد الإذاعة و التلفزيون والتى لم تدرج ايراداتها بالميزانيات و منها مبلغ 70 الف دولار امريكى من النايل سات

و ليه لم تدرج ارباح شركات الانتاج التابعة لإتحاد الإذاعة و التلفزيون زى شركة مدينة الإنتاج الاعلامى و شركة صوت القاهرة و FMنجوم  وغيرها من الشركات    ضمن موارد الاتحاد عشان يتم زيادة الاجور بما يتناسب و حجم هذه الايرادات و ما تكونش قاصرة على القيادات فقط لا غير 
و كمان تقدر وزارة الإعلام تسدد ديونها لوزارة المالية فينعكس الأمر على الشعب كله 
من حق الشعب بيان بكل موارد وزارة الإعلام لأنها فلوس الشعب كله و لازم يعرف فلوسه بتروح فين ؟؟؟؟؟؟؟؟؟