فضيحة
جديدة - تبدأ بكدبة و تنتهى بكارثة :
بيقولك
ايه يا سيدى
أعلن
عصام الأمير رئيس اتحاد الإذاعة والتليفزيون أن الإعلاميين رشحوا ممثليهم في
اللجنة المنوط بها إعداد مقترحات قوانين تنظيم الصحافة والإعلام المنصوص عليها في
الدستور
دى كانت الكذبة و اليكم الوكسة بعد قليل ...
هما مين الاعلاميين دول اللى
رشحوا ممثليهم ؟؟ ... و فين الاستمارات اللى اتوزعت
على الاعلاميين اللى اختاروا منها مرشحين .؟؟؟.. و هما الاعلاميين دول اللى انت
بتتكلم عنهم ... اعلامى ماسبيرو ؟و لا اعلامى الفضائيات الخاصة ؟؟
هو
لأمتى الكذب و التدليس ح يفضل يحكم المنظومة الاعلامية ... و اى نقابة دى اللى
عصام الامير بيتكلم عنها ؟
بيقولك ايه
" وقال
الأمير أن الاتحاد ونقابة الإعلاميين «تحت التأسيس» والمبادرة المصرية لتطوير
الإعلام توافقت علي تسمية اثني عشر ممثلاً ليكونوالجنة
تأسيسية لاقتراح مشروعات القوانين الإعلامية وفقاً للدستور "
مين المقصود بنقابة الاعلاميين دى يا عصام ؟؟
-
نقابة الحزب
الوطنى اللى بيقودها حمدى الكنيسى
-
ولا نقابة
الاذاعيين اذاعة و تلفزيون – اللى مالهاش حس و لا فى عنها خبر
-
ولا نقابة الإعلاميين المصريين – إللى لسة بتكافح و بتجمع توكيلات
ثالثا : مين بقى المبادرة
المصرية لتطوير الإعلام ؟؟ مين دول ؟؟؟
الأصدقاء و المقربيين و اصحاب المصالح ؟؟ و ابجنى تجدنى ؟؟ و لا مين دول ؟
و ليه كل
مرشحنينكم من كركيب الإعلام .. مع احترامى لتاريخ بعضهم ، بس ليه اللجنة منقية الاموات
عشان يحطوا قوانين الاعلام ؟؟؟ مين اللى اختار الأسماء دى ؟؟ و مين اللى توافق عليها و جاب الأسماء دى :
1. حمدي
قنديل
2.
حمدي الكنيسي – عضو لجنة
السياسات بالحزب الوطنى
3. سيد
الغضبان - تدهورت مدينة الانتاج الاعلامى تحت سمعه و بصره
4.
جمال الشاعر - اختيارات صفوت الشريف و مدلل نظام مبارك
5.
مني الشاذلي - بعد 30 يونيو تركت برامج التوك شو
6.
حافظ الميرازي - مراسل امريكا فى قناة الجزيرة
7.
علي عبد الرحمن – اللى اترفض
كمرشح لمدينة الانتاج بسبب تاريخه الادارى
8.
د. لمياء محمود - مش عرفة عنها اى حاجة
9.
عمرو الكحكي – اللى قالك
تآمر ضد ماسبيرو و سرق لقمة الاعلانات من بق اعلامى ماسبيرو عشان يوديها الاعلام
الخاص
10.
محمد هاني
11.
ياسر عبد العزيز
12.
عصام الأمير –
اللى مش عارف يطور ماسبيرو و لا يعمل
برنامج واحد يحقق المشاهدة
هم دول اللى ح يصيغوا قوانين للاعلام ؟؟ و ح يحطوا قوانيين الاعلام وفقا للدستور ؟؟ ولا دى سبوبة ؟؟
الكارثة
مش لحد كدة و خلاص ، لأ ، ده فى مع ال12 اثنى عشر عضواً آخرين ح يتم ترشيحهم من جانب
المجلس الأعلي للصحافة ونقابة الصحفيين
يعنى ال 24 عضو دول ح يسموا نفسهم لجنة تأسيسية
لاقتراح مشروعات القوانين الإعلامية وفقاً للدستور . ... و دول اللى ح يصيغوا
القوانين المزمع إصدارها لتكون مع حرية الرأي والتعبير والحفاظ علي مكتسبات العاملين في
صناعة الإعلام في إطار تحقيق المصلحة العامة .
لا يا راجل – بقى حمدى الكنيسى و على عبد الرحمن و عصام الأمير و سيد الغضبان و جمال الشاعر ح يصيغوا قوانيين خاصة بحرية الرأى و التعبير
لا يا راجل – بقى حمدى الكنيسى و على عبد الرحمن و عصام الأمير و سيد الغضبان و جمال الشاعر ح يصيغوا قوانيين خاصة بحرية الرأى و التعبير
على
عبد الرحمن و حمدى الكنيسى و سيد الغضبان و باقى اعلامى القنوات الخاصة ح يصيغوا
قوانيين تحافظ على حقوق العاملين فى الاعلام
لو
انتو متأكدين من كلامكم كنتو فعلا طرحتوا الاسماء دى للمناقشة و كانوا الاعلاميين
رشحوا من يروا انهم الأصلح للتعبير عنهم
و
طبعا لجنتكو الفلصو خالية من الشرفاء امثال :
-
يسرى فودة
-
ريم ماجد
-
دينا عبد الرحمن
-
باسم يوسف
- عمرو خفاجة
- عمرو خفاجة
لأنكم
لجنة العجائز ، لجنة الأموات لذلك ترفضون الشباب ... لأنكم لجنة المصالح الشخصية و
تاريخكم يشهد لذلك تستبعدون الشرفاء
قال
لجنة ال24 قال ... لجنة على بابا و ال24 حا
رو مى ، بتوع السلم الموسيقى
غنوا
على الاعلام و الاعلاميين ... قال ح تصيغوا قوانيين للحرية و الاعلام لام لام
ياللة كله بيلعب على كله .. لكن من المؤكد ان الحرب القادمة هى
حرب الاعلام فاحذروها و اختاروا رجالكم و لا تتركوا اصاغر البشر يقودون هذه الحرب لأن فيها خسارة لنا جميعا
 |
| حمدي الكنيسي – عضو لجنة السياسات بالحزب الوطنى |
 |
| سيد الغضبان - تدهورت مدينة الانتاج الاعلامى تحت سمعه و بصره |
 |
| علي عبد الرحمن – اللى اترفض كمرشح لمدينة الانتاج بسبب تاريخه الادارى |
 |
| عصام الأمير – اللى مش عارف يطور ماسبيرو و لا يعمل برنامج واحد يحقق المشاهدة |
 |
| حمدى قنديل اللى ضيع تاريخه فى انتخابات الرياسة اللى قالك انا عايز انتخب صباحى بس ح انزل اصوت للسيسى |
المشاركات
ليست هناك تعليقات:
إرسال تعليق