لما يكون شعار المرحلة اتهام الناس بالباطل و القبض عليهم عاطل على باطل و خاصة شباب الثورة ... يمكن ده يكون أمر مردود عليه من النظام المرعوب من شباب الثورة الشريف اللى بيطالب بالحياة الكريمة للشعب
لكن لما يوصل رعب النظام انه حتى يقبض على ناسه يبقى الرعب وصل لمده و أكيد الثورة ح تقوم مش بس بسبب رفع الأسعار و رفع الدعم تدريجى و زيادة الضرايب لكن بسبب انتشار الظلم و العشوائية فى اتهام الناس و تلفيق التهم لهم
لما ينزل مراسل يعمل تقرير عن حالة المواطن المصري الغلبان في الشارع و عن حالة المواطنين وحركة البيع والشراء ومدي الاقبال علي شراء مستلزمات المدارس ... و يبدأ الباعة يؤكدون ان عدم الاقبال على الشراء سببه ارتفاع الأسعار ... و بعد الانتهاء من التقرير يسأله احد التجار انت
تبع قناة اية و يجيبه الزميل : انا مراسل النيل للأخبار ومعد برامج بقتاة الصعيد - فيرد التاجر انا بلغت
الشرطة علشان فاكر انك تبع قناة الجزيرة
وبالفعل مفيش عشر دقايق و جاءت مجموعة من عربات
الشرطة ومعهم السيد عصام جمال مأمور المركز واستوقفوا السياره الخاصة بالمراسل وتحققوا من
الكارنية الخاص بوزارة الاعلام و سأله الظابط بحدة : " امال بتتكلم عن ارتفاع الاسعار ليه ؟؟ ؟؟ "
- اجاب المراسل : هو
ممنوع اني اتكلم عن حالة المواطنين ؟؟
هنا اسرع الظابط بالاتصال بالسيد احمد موسي مأمور البندر لمكان المراسل وعند وصوله ساله " انت لما عاوز تصور متصلتش بيا ليه "
اجاب المراسل : " انا كل يوم بعمل
تقارير .. مش لازم اكلمك "
- قال لازم يكون معاك تصريح متصورش كده وخلاص
- لا حضرتك
لما اصور في الشارع مش لازم أعمل تصاريح .. اتاكد حضرتك من طبيعة اختصاصات عملك لاني
انا عارف شغلي كويس والكارنية والبطاقة بتسبت اني تابع للتليفزيون المصري وانت
تعلم منذ وجودك بملوي بطبيعة عملی والكلام عن التصريح اليومى ده جديد علينا
واستمر النقاش في الشارع
قرابة النصف ساعة حتى اتصل المراسل باللواء اسامة متولي مدير
امن المنيا وللأسف رد مدير مكتبه وقال ان السيد المدير بالاستراحة
__________________________
سؤال للسيد وزير الداخلية وللسادة الاعلامين هو احنا لما نيجي نعمل تقرير عن حالة المواطن المصري الغلبان في الشارع لازم تصريح من الأمن و إلا نتعرض تفضل السيد المأمور باعطاءي الكارنية فلماذا كل هذا
التصرف وبعدين عاوز اعرف هل فعلا نحتاج الي تصريح ام لا علشان مينفعش للعطلة و يتم القبض علينا كأننا ارهابين و تبدأ نشر الاشاعات - البعض يقول دول مسكو معاه سلاح او لاقوا معاه أثار
هو عصام الأمير رئيس الاتحاد فين من هذه الوقعة ... ليه مش قادر يحمى ولاده و يخاطب وزير الداخليه بدور المراسلين فى الشارع المصرى
هو عصام الأمير قاعد فى الدور التامن بيعمل ايه بالظبط ؟؟؟
المشاركات
ليست هناك تعليقات:
إرسال تعليق