ادعو كل فنانى مصر و الشرفاء لمساندة العرض المسرحى
" عاشقين ترابك .. ف رغم ان العرض المسرحى مافيهوش أى مشاكل رقابية لكن موظفى
الرقابة مرعوبين من بطش الاخوان و رافضين العرض عشان فيها ناس بدقن .. .. ادعوكم
لمساندة العرض المتميز لياسر علام المؤلف و محمد الشرقاوى المخرج و مجموعة
الممثلين الرائعين .. .. ادعموا هذا العرض و ايدوهه و روحوا شفوه فى مسرح البالون
قاعة صلاح جاهين .. تضامنوا مع مسرحية " عاشقين ترابك " ضد التخلف
و
إليكم نداء المخرج محمد الشرقاوى مخرج المسرحية :
_______________________________
الساده الفنانين المحترمين الرقابه انهارده رفضت اعطاء التصريح للمرة التانيه وقعدوا معايه وطلبوا منى
_______________________________
الساده الفنانين المحترمين الرقابه انهارده رفضت اعطاء التصريح للمرة التانيه وقعدوا معايه وطلبوا منى
1_ حذف كل
مايتعلق بالهجوم على النظام الحاكم (من وجهة نظرهم) بحجة انهم مش بيتفاهمم وهما
خايفين علينا
2_ عدم ظهور ممثل يرتدى لحيه على المسرح 3_عدم ذكر
كلمة قنديل فى مشهد يسقط على رئيس الوزراء ...وبعد مناقشه طويله بدا احد الاعضاء
يتعاط
ف معانا واقتنعوا على اساس اننا هنحافظ على العرض وبعد
رحيلهم باقل من ساعه جانى تليفون انهم متمسكين برايهم ومش هيدوا التصريح غير بعد
حذف الملاحظات وكان ردى على رقبتى لو اتحذف حرف وكلمنى الاستاذ ماهر سليم وقالى
انه هيشكل لجنه من الوزارة وانه معايا و واقف فى ضهرى .... المساله اخطر مما نتخيل
لو سبناهم ووطينا للريح زى ماناس كتير طلبت منى يبقا هنا بداية النهايه انا موجود
بكرة فى المسرح وهعرض ومش هشيل جمله او احذف حرف لانى الكلمه اللى قلتها فى عرضى
دى شرفى وانا الشرف عندى غالى
كلمة المخرج :
الى شهداء ماسبيرو ، محمد
محمود ، مجلس الوزراء ..... على اعتاب المجزرة التقيناكم بقلوب دافية و ارواح لا
يوفيها تحليق ، دينكم فى رقبة وطن لن نوسد
فى ثراه إلا بعد ان نحقق املكم فيه و لو بعد حين
"جلال الشرقازى "
فى رحابك تعلمت قداسة الكلمة و فتونة المحاربين ، فورثت عنك فضيلة العناد
"ناصر عبد المنعم "
وفيت بالوعد فالزمتنا بالوفاء
محمد الشرقاوى
كلمة المؤلف :
هو
الفن
ياسر علام
كلمة مدير مسرح الساحة :
مصر فوق الجميع ........ و ستظل دائما مصر فوق الجميع
بحبك و أحب أى حد يحبك
و احب اى حد يحرضنى على حبك
بحب فيكى كل شئ يخلينى أحبك و
لحد آحر لحظة فى عمرى هافضل احبك ... عارفة ليه ؟؟؟؟؟؟ عشان انا واحد م اللى
عاشقين ترابك
عصام الشويخ
المشاركات
ليست هناك تعليقات:
إرسال تعليق