قالك إيه ، قالك أه ، قالك مصر بلد العجايب ، و نهر العجب ح يفضل فيها سايد ... و آخر عجيبة هى ظهور زيادة فجائية فى عدد الناخبين المصريين ، و الزايدة كانت بالملايين :
ففى محاولة للوصول بشفشق لرقم مشرف بعد ان ضرب بالجزم كانت محتاجة معجزة ... و آخيرا المعجزة حصلت ... و قدر الشفيق فريق يحقق رقم يتناسب و ممثل المؤسسة العسكرية
حصلت المعجزة ؛ بعد ان قررت بطاقات الرقم القومى من نفسها ، اى و شرف العسكر ، من نفسها ... و من غير ما حد يحضرها و لا يزورها ، قررت تفقس و تتكاثر و تنتهز فرصة تعطيل نشاط مؤسسات تنظيم الأسرة ... و نتج عن هذا الفعل الفاضح انجاب 8 مليون صوت انتخابى جديد كلها راحت جرى على بابا شفيق
و اللى مش مصدق يشوف الفيديو و ح يلاحظ ان ما أعلنه عبد المعز على الهواء مباشرة اثناء انتخابات مجلس الشعب و أكد فيه ان عدد المسجلين في قاعدة بيانات الناخبين 46.484.954
----------
والان في انتخابات الرئاسة وصل العدد في 5 شهور الى 50.996.746،
---------------
أي انه تم اصافة 4.511.792 وبالطبع هم من صوت لشفشق حتى يصل الى الاعادة
علما بأن عدد المواليد اللى تم اضافتهم فى أول 2012 ما يكملوش 800 ألف صوت
------
والـ 8 مليون صوت ح ييجوا فجأة منين غير بسبب قباح و عدم اخلاقيات بطاقات الرقم القومى إللى ما رعتش اننا فى فترة حرجة
ـ ـ ـ ـ ـ ـ ـ ـ
ودى الارقام زى ما أعلنها عبد المعز وفاروق سلطان
المشاركات
ليست هناك تعليقات:
إرسال تعليق