بائعات الهوى - أخر سلاح يحاول اعداء الثورة استخدامه

شكت لى احدى صديقاتى ان حال زوجها تغير و تبدل فجأة و دون مبرر ... قلتها مش يمكن احساسه بضياع الثورة مسيطر عليه ، خصوصا انه كان عنده أمل كبير فى نجاحها و رجوع حقوقه إللى سلبت منه فى عصر الفساد

و هنا ابتسمت صديقتى ابتسامة حزينة و ردت على سؤالى  اجابة صادمة ،فقد  اكتشفت ان بائعات الهوى انتشروا على الفيس بوك هجوم الجراد على أرض خضراء و قرروا تحويلها لأرض بور 

فى البداية ما صدقتش ، ليه العاهرات قررت غزو الفيس بوك ؟!!!! دى شئ غريب ؟؟؟ و العاهرات كل ما تطلبه المال ، يبقى ح تستفيد إيه من زوار مواقع التواصل الاجتماعى

 .........

هنا افتكرت اللجنة الالكترونية ، إللى كان كل دورها تشويه الثورة و الثوار .... يبقى لجنة الهوى ح يبقالها نفس الدور ، لكن على أسوء 

لجنة الهوى تهدف لتمزيق الأسر المصرية عشان بدل ما يتخانقوا مع الحكومة و العسكر و مجلس عز الاخوان  ، يتخانقوا مع بعض .... و ادفع يا مجلس للغانيات اللى مش مطلوب منهم غير صداقة الثوار ، و لأن الثوار مش أى حد ، و لهم منطق فلسفى فى الحياة ، و لهم أهداف سياسية و اجتماعية لصالح الوطن ، فقرر العدو استخدام عاهرات من نوع خاص

فقد اكتشف الفلول و اعوانهم و اكتشف العسكر و اخوانهم انه مش قادرين على الثوار
لا بالمحاكم و لا بالقنابل و لا بالرصاص
فقرر اطلاق ذخيرته من العاهرات
عاهرات تعمل بمنطق
الإغراء بالدهن و بالذهن
___________________

و سهل جدا تتعرفوا على هؤلاء العاهرات ، اول حاجة من صورة البروفيل الخاص بيهم ، ح تلاقيهم حاطين صور لمطربات الاغراء او ممثلات الاغراء فى اوضاع تعبر عن نفسها ... ح تلاقيها بتطلب صداقتك من نفسها و آخر حاجة ح تلاقيها صفحتها تحمل ملامح من صفحتك ، فلو انت بتحب كتابة الشعر ح تلاقيها بتكتب شعر .. لو بتحب السخرية ح تلاقيها ساخرة ... و تبدأ رحلة الشات فى الكلام الفارغ و ضياع وقت الوطن فى كلام فارغ بعد تفريغ طاقاته عملا بالحكمة إللى قالها عمر طاهر ان الغاء الدورى يفرض على الحكومة توفير الفياجرا

احتر سوا من بائعات الهوى
فالهوا ضار جدا على صحة الفيس بوكية من الثوار

و ما تصدقوش بائعات الهوى فهن  تقبضن ثمنكم ليضيعوكم بعد أن اضاعوا أنفسهم  ... ح تلاقيهم هبطوا على صفحتكم لوحدهم ، و الصور البروفيل خير دليل .... و ح تقرا من ابيات الشعر ما يطرب له الآذان كانك فى بيت أبو الوفا أبو الوفا بتاع فيلم سلامة

احذروا بائعات الهوى ... لأن كل واحدة فيهم عارفة هى بتعمل إيه ؟؟؟ لكن المجنى عليه فاكر انه الجانى و من خبته محمل نفسه الذنب .... و بائعات الهوى شايفينه بيلف حولين نفسه ، و بيضحكوا عليه و بيقبضوا تمن التوهه إللى هو فيه .

ما قدروش عليك بكل الأسلحة فقرروا يدخلوا الشك فى بيتك ، عشان البيت يطربق عليك ... ما تنولهمش غرضهم ، و حافظ على بيت و أهلك و احترس من بائعات الهوى فهى مدفوعة الأجر حتى لو مش انت إللى دافعه فلوس لكن دافعه من مبادئك و استقرارك و حبك لبلدك و أهلك و بيتك