إللى ما انضمش لإعتصام الألتراس عند مجلس الشعب خسر كتير ، و ضيع على نفسه فرصة الانضمام الى شرفاء الوطن .... ف الألتراس هم رجالة مصر و املها فى نجاح الثورة ... الألتراس هما شباب مصر الحقيقى ، اللى مش طالب غير الخير لمصر و بيحبها بكل مافيه و بيبذل أقصى ما فى طاقته عشان يحقق لها الحرية ... الألتراس جماعة تعمل من أجل المبادئ و ليس من أجل الكراسى زى الاخوان و لا العسكر
و يا حكومة بكرة ح تعرفى ...بايدين الشعب ح تنضفى
اهه يا مجلس يا ابن الحرام ... بعت دم الشهيد بكام
عمرى ما ح أديك الآمان .... و لا تحكمنى يوم كمان
_________________________________
و إللى ما يعرفش الألتراس كويس مش ح اقوله غير كلمة السر و هى " موقعة الجمل " ... الألتراس هما إللى حموا الثوار فى موقعة الجمل لكن لأنهم أشرف من كل القوى السياسية فى البلد قرروا خوض المعركة فى صمت و من غير أى اعلان عن نفسهم أإو إفصاح عن انجازاتهم فى الثورة ... عشان يجى الخسيس إللى مسمى نفسه أخ متأسلم و يقول أنا إللى انقذت الثوار ... و لأن ربك ليس ظلما للعبيد بين حقيقة الأخوان و شرف الألتراس الشريف .
و السبب الرئيسى للمعركة المستمرة بين الملابس الداخلية و الأتراس .. ان الألتراس رمز النظافة و الشرف و النظام و التفانى و الاخلاص فى حب الوطن فى الوقت إللى فيه الملابس الداخلية محتاجة اعادة تطهير و لأن الأخيرة نجسة فكانت بتحاول تلاقى مدخل للألتراس زى ما عملت مع باقى القوة السياسية ... لكن الشباب أطهر من أى مطامع مادية و مش طمعانين فى مناصب عشان كدة النظام غلب فيهم و قرر يشوه سمعتهم .. و جت الثورة و كشفت عن حقيقة المعدن الأصيل للألتراس و رجالتهم
فالألتراس هما أمل مصر فى انجاح الثورة ... الألتراس هم أمل مصر فى الأخذ بالثأر من الفسدة و المفسدين ، الألتراس هم الأمل فى الحصول على حق الشهيد
و إللى انضم للإعتصام الألتراس قال :
ذهبت إلى اعتصام الألتراس، بدا لي أكثر انضباطا وصدقا وصلابة من مجلس الشعب
مطالب الألتراس :
- القصاص العادل والسريع للشهداء
- تطهير الداخلية
- اقالة النائب العام
- تطهير الداخلية
- اقالة النائب العام
- الحرية
- عودة الجيش للثكنات
 |
| الألتراس يمنع دخول الباعة الجائلين للاعتصام |
 |
| الأولتراس يمنع دخول الباعة للاعتصام |
 |
| صلاة الجمعة فى اعتصام الألتراس |
من النهاردة اعلن انضمامى للألتراس و مصدقاهم لما قالوا :
- الشغب فى دمنا وإحنا الوطن بقى همنا والقصاص حلمنا
- أنا جاى عشان خاطر الشهيد اللى دبحوه فى بورسعيد
- إحنا الصوت وقت ماتحبوا الدنيا سكوت
- بكره بتاعنا .... ومش هنسيبه للى خدعنا
- حاجه تغيظ ... تسقط دولة العواجيز
- بكره الثوره هترجع تانى ..... ونحاكم طنطاوى الجانى
- إحنا الغضب ، وإنتوا السبب، يابلاد ماليها إلا العجب
المشاركات
