..........
قبل ما تقروا الكلمتين إللى ح أكتبهم من فضلكم شوفوا الفيديو عشان تبقوا معايا على الخط .. ياللة جاهزين .
 |
| د.محمد بديع ـ المرشد العام |
أنا مع شريعة الله و لست مع شريعة الإخوان ؛ لأن الله يحرم الكذب لكن الإخوان يجيدون المناورات و أبدا ً ما تعرف ما فى نفوسهم .. كنت زمان متعاطفة معاهم و فاكرة ان النظام الفاسد ظلمهم لأنه ماشى تبع أجندة أمريكية و الغرب يخاف الاسلام و يخشاه.. لكن بعد ان كشفت الثورة عن وجوهنا كلنا ، ظهر وجه الإخوان الحقيقى .
فقد أعلن الإخوان بتاريخ 19 يناير 2011 عبر جريدة الدستور عدم نزولهم فى مظاهرات 25 يناير ــ كان اسمها مظاهرات لأنها لسة ما بقتش ثورة ــ و طرحوا على مبارك و نظامه عشر نقاط لتهدئة الشارع ، و اول ما اكتشفوا انهم لا يعرفون ما يريده الشارع و المظاهرة تحولت لثورة قرروا الإنضمام ليها و نشروا فى كل مكان الدور الهام الذى لعبه الإخوان فى الثورة .... و حرصت كل الفصائل التى شاركت بالثورة على عدم تميز الحركات المنضمين إليها ... لكن الحال قد اختلف مع الإخوان ، فقد نسبوا الثورة إلى الشباب و هم معهم و بدؤوا يجردون الجميع و لا يذكرون إلا أنفسهم .
و نفس الأمر تكرر فى جمعة انقاذ الثورة ، حيث رفض الإخوان الإنضمام إليها ثم سرعان ما نزلوا الجمعة التى تلتها .
و نفس الأمر تكرر فى جمعة انقاذ الثورة ، حيث رفض الإخوان الإنضمام إليها ثم سرعان ما نزلوا الجمعة التى تلتها .
..........
التعديلات الدستورية :
أنا مع شريعة الله و ليست مع شريعة الإخوان .. لأن الله أمر رسوله الكريم يخبرنا بأن المسلم لا يكذب و مع ذلك أصر الإخوان ان يوهموا الناس ان الموافقة على التعديلات الدستورية بـ " لا " تعنى تغير المادة التانية من الدستور ، و بكدة مصر مش ح تبقى دولة اسلامية .. و ضربوا كرسى فى الكلوب ، و ضحكوا على الناس و قالولهم بصوت طالع من بير مقفول بقاله 700 سنة ، " المادة التانية " .. مع انهم عارفين ان مافيش مادة تانية ولا مادة تالتة فى الموضوع ، و الدستور ح يتغير برضه مع ان نتيجــــة الاستفتاء " نعم " .
طيب مش الكذب حرام .. و لا هو حلال فى السياسة .. المشكلة انكم ما بتعرفوش تلعبوا سياسة .. و بوظتوا دينكم عشان السياسـة و بوظتوا السياسة عشان مصالحكم الشخصية .. ينفع كدة
.................قبل ما تقروا الكلمتين إللى ح أكتبهم من فضلكم شوفوا الفيديو عشان تبقوا معايا على الخط .. ياللة جاهزين .
أنا مع شريعة الله و لست مع شريعة الإخوان ؛ لأن الله يرضى ان المسلم يتزوج من يهودية و من مسيحية بينما الإخوان لا يرضون عن زواج المسلم من المسلمة غير الإخوانية حتى و ان كانت من أسرة كريمة و متدينة و ملتزمة ــ شاهد الفيديو من فضلك ــ ح تلاقي فيه المسلمة المتدينة توصف بـ " التى هى أدنى " لمجرد انها مش من الإخوان .. دى دعوة للعنصرية بقى ــ اسمع الفيديو معايا تانى ــ .. نفهم من كدة ان الإخوان لما يمسكوا الحكم ح يشغلونا خدمين عندهم ، و لا ح يرجعوا زمن العبيد و الرقيق تانى .. و تحت مسمى المصريات إللى مش اخوان ما تبقاش مسلمة ، و الغير مسلمة تبقى كافرة و الكافرة حلال فيها السبى و تطبيق قوانين الرق عليها .
طيب لو سلمنا ان كل افراد الإخوان و شبابهم و أسرهم هم خيرة مسلمى الأرض ، طيب مش الأولى ان الشاب الإخوانى يتجوز فتاة غير اخوانية عشان يعلمها الإلتزام و الأدب و الاخلاق ، و بنفس المنطق الشابة الإخوانية تتجوز رجل غير اخوانى عشان تعلمه التدين و طرق نصر الدين .. و بكدة ننشر الصلاح و الدين فى المجتمع كله .
ده لو سلمنا بالإفتراض إللى بيقول ان كل اخوانى و اخوانية هو قرآن يمشى على الأرض .. طيب ، مش انتوا هدفكم الإصلاح فى الأرض برضه و لا كل همكم ان انتوا بس إللى تبقوا كويسين و باقى الناس تبقى من الفاسدين عشان تطلعولهم لسانكو و تقولولهم باستياء و قرف : " إزاى نوليكم علينا و نحن خير منكم "
يا ريت تفهمونا هدفكم ، نشر الإصلاح و التدين ؟؟ و لا هدفكم زيادة عدد الإخوان و تزويجهم لبعض لزيادة ذريتهم و الدخول لمجلس الشعب بأكبر نسبة و تبقوا انتوا الحكام .. معنى كدة : ان كل الحكاية تطلعات سياسية و هوا نفس و أطماع دنياوية .. الله أمال فين الآخرة إللى بتتكلموا عنها
............. أنا مع شريعة الله و ليست مع شريعة الإخوان ، لأن الله عرفلنا المسلم انه من سلم الناس من لسانه و يده .. الناس ، كلمة الناس تعنى كل الناس .. كما ان الله قال :"من شاء فليؤمن و من شاء فليكفر "
و ده على مستوى العقيدة الدينية ، مش السياسية .
و ده على مستوى العقيدة الدينية ، مش السياسية .
لكن الإخوان أو المتحدث الرسمى باسم الدين فى الأرض يرفض المسلم الليبرالى مع ان الليبرالية معناها الدفاع عن حقوق الأقلية .
والمتحدث الرسمى باسم الدين يرفض المسلم اليسارى مع ان اليسارية تعنى العدالة الإجتماعية
و المتحدث الرسمى باسم الدين يرفض المسلم العلمانى ، يمكن عشان هو فاهم ان العلمانية ان كل الأمهات تلبس مايوهات و تبلبط فى البحر ــ على فكرة هى مش دى العلمانية ــ لكن خلينا فى الموضوع عشان ما أتفرعش لنقط جانبية
انا أفهم ان أى حد ممكن يختلف مع أى حد و يحاول يقنعه برأيه .. لكن يرفضه و الرفض ممكن يتطور على قد السلطة فى إيد الرافض ، و بكدة ح تكون غابة
لكن الإختلاف فى الرأى يهدف إلى الإبقاء الرأى الأصلح و مافيه صالح الناس .. و لإنى مقتنعة ان شريعة الله فيها صلاح للبشر أجمع ، فأنا مع شريعة الله و لست مع شريعة الإخوان التى ترفض المسلم لأن له فكر سياسى أو فكر اقتصادى مختلف مع الجماعة و ليس مختلف مع الإسلام .
....................
أنا مع شريعة الله و لست مع شريعة الإخوان .. لأن الله قال عن نفسه : يا عبادى لقد حرمت الظلم على نفسى و جعلته محرما بينكم " .. لكن الإخوان قرروا يظلموا كل مسلم لأنه فيه عيب خطير و هو انه مش اخوانى .. و ده بصفة عامة
لكن الظلم بصفة خاصة طال الثوار ، و بدأ الإخوان يشككوا فى نية المصريين إللى قرروا ينزلوا يوم 27 مايو عشان يحافظوا على ثورتهم .. اتهموهم بانهم بيعملوا ضد مصلحة الشعب المصرى و بيعملوا على الوقيعة بين الشعب و الجيش .. ليه هو إيه الفرق بين 25 يناير و 27 مايو ، مافيش غير ان 27 امتداد لـ 25.. ولا الفرق ان مبارك مشى و انتوا جهزتوا ورقكم و الخروج يوم 27 ح يبوظلكم ترتيباتكم .. بتتهمونا بالكفر و انتوا لسة لا طلتوا عنب الشام و لا بلح اليمن ، أمال لما تمسكوا الحكم ح تعملوا فينا إيه ؟؟ لما التهم و الفتاوى جاهزة من دلوقتى ... ح تفرضوا علينا نآكل إيه و ما نآكلش إيه و إللى ح يآكل ملوخية يوم الجمعة يبقى كافر لأن الملوخية مالهاش أساس عربى اسلامى لكنها بدعة مصرية من ايام الفراعنة الكافرين .
يا ايها المتحدث الرسمى باسم الدين أحب أقولك ان إللى نازلين يوم 27 اهدافهم هى :
ــ محاربة الفساد السياسة
ــ الدفاع عن حقوق الشهداء
ــ تطهير مؤسسات الدولة
ــ رفض المحاكمات العسكرية لشباب الثورة
ـ تنقية الحياة الحزبية
ــ وضع دستور البلاد قبل الإنتخابات البرلمانية
(ملحوظة : جمعة الغضب مش ضد المجلس العسكرى زى ما انتوا بتحاولوا تصوروله ــ جمعة الغضب لتحقيق المطالب السابقة ــ و موضوع المجلس الرئاسى فهو بغرض مساعدة المجلس العسكرى بديل وجود ممثل عسكرى بيه ، و فى نفس الوقت المجلس الرئاسى بيهدف العبور بمصر من النفق الصعب إللى بتعيشه بسبب الفول و الطعمية قصدى الفلول و الأذناب )
تفتكروا الأهداف دى ضد مصلحة الشعب .. ولا انتوا كعادتكم الطبع يغلب التطبع و الكذب بقى داء ملوش دواء .. و لا حكاية الدستور دى إللى خوفتكم .. حتى لو دى بيت القصيد ، ما تتعلموا تردوا على الحجة بالحجة ، ليه نرد عليها بالتشوية و بالإفتراءات و بالكذب و بالإدعاءات .. و ليه نرمى الناس بالباطل ، مش ده ضد الدين و الشرع .. و لا الغاية تبرر الوسيلة
و آخر انواع الظلم الغير معلن هو الذى يمارسه الاخوان على أعضاء الجماعة : ليه تمنعوهم من الإنضمام لأى حزب تانى غير حزب الحرية و العدالة ، لأ بصراحة و نعم الحرية ، و قمة العدالة .. ده انتوا كمان بتمنعوا أعضاء الجماعة من انهم يتجوزوا من برة الإخوان .. إزاى بتحرموا ما أحل الله يا اخوان
. آسفة انى كنت زمان فاكرة ان فى فرق بين الاخوان و الحزب الوطنى ، لكن بعد الثورة اكتشفت ان الوطنى بيزور باسم الداخلية لأن السلطة فى إيده ، لكن الاخوان بتزور باسم الدين عشان مافيش فى إيدها سلطة ، فقررت تنصب نفسها متحدث رسمى باسم الدين و كل ده عشان تطلعاتها للسلطة .. و فى النهاية الاتنين مستعدين لعمل اى حاجة و بأى اسلوب لتحقيق مصالحهم الشخصية .. وجهين لعملة واحدة .. و أنا آسفة انى فى يوم من الآيام تعاطفت مع الاخوان ،
و افتكر يا ايها الأخوانى ان اكرمنا عند الله اتقانا ـ لذلك انا مع شريعة الله و لست مع شريعة الإخوان
و فى الآخر ادعو الله ان ينصر دينه بعيدا عن كذب الكذابين المتسترين وراء الدين ، ان ينصر دينه بعيدا عن المتطرفين المتشددين
و أقصد تحديدا إللى مصرين على تحويل الناس لفناجين قهوة ــ بودن واحدة ــ
و فى الآخر أرجو من شرفاء هذه الجماعة ، أصحاب الدين الحق ، الدين الوسطى ان ينفضوا عن تلك الجماعة .. و ان يشتغلوا بالسياسة كما يرضاها الله و يتخذوا طريق سياسى واضح للكل يدافعوا عنه بقوة و ثبات دون أى ألاعيب ، أو يشتغلوا بالدعوة دون طموحات شخصية أو مالية
المشاركات
ليست هناك تعليقات:
إرسال تعليق