ردود أفعال المصريين بعد براءة المخلوع - سياسيين - اعلام - ثوار - أحزاب - مواطنين

الموجة الثالثة من ثورة يناير :

كانت براءة مبارك سببا رئيسيا لقيام الموجة الثالثة من الثورة رغم كل حوادث الطريق التى تحدث كل يوم ، و رغم حالات الانتحار ، و غلو الأسعار و اهمال المواطن و القبضة الأمنية لكن

غضب جديد اشتعل اليوم تحت الرماد... لن تظهر آثاره الآن، ولكنه سيخرج يومًا ليحرق كل ظالم فى هذا الوطن .

صحيح الثورة لم تغير النظام ، لكن الثورة غيرت الشعب .. احذر ايها النظام

و الشعب ما بقاش بيخاف و امبارح نزل التحرير و هتف

و بعد الحكم على مبارك الناس ننزل التحرير و بدأت الهتافات

- والله زمان و بعوده .. ليلة ابوكو ليلة سودا

- ياللي بتسأل إحنا مين .. إحنا شباب 25 .. ورجعنالكم مش خايفين ‫

- اللى بيحمى الكلب مبارك..........عمره مايحمى دارى ودارك

- كلب طبيعى بيحمى سيده ..........بكره الثوره ح تقطع إيده

- اللى بيحمى الكلب مبارك..... إزاى عايزه ياخد تارك

الناس نزل ميدان التحرير اعتراضا على براءة مبارك

حل لغز البراءة

أراء الناس فى براءة  مبارك :

-        والمحكمة تحكم بأمر السيد......بس السما شايله أقوال لألف شهيد......خدام حمي سيده....وبراءته يوم عيده....والثوره يوم تحكم....مصيره قطع الإيد !!!

-        براءة مبارك مش نهاية طريق الثورة ,بالعكس دى بداية اكيدة لبركان غضب بيقرب اكتر فى كل يوم جديد بيزيد فيه القهر والاستبداد,حعيش رافعه راسى بقية حياتى لانى شاركت فى ثورة شعبية و كتفى لامس كتف شهيد رفض دولة الظلم والفساد.

-        مفاوضات مع سويسرا لاعاده الاموال
براءة من تهمة التربح
حد يفهمني الفلوس اللي في سويسرا اللي عاوزين نرجعها بتاعة مين

-        قاضى فى الجنة .. و قاضيان من مصر فى النار 

-        العادلي براءة في قتل متظاهرين و سناء 3 سنين سجن عشان مظاهرة .. العادلي براءة في قتل متظاهرين و سناء 3 سنين في مظاهرة. ... حبيب العادلي براءة و سناء 3 سنين سجن يا شامخ

-        عودددووووا الي مقاعدكم
إلكلمه الشهيره للرشيدي ميزان
كلمه لها ابعاد كبيره جداً
ارحل يا سيسى

-        طب المفروض يتقبض على اعضاء المجلس العسكرى و السيسى اولهم و اعدامهم
__
مبارك برئ و محدش قتل المتظاهريين

-        بيقولهم براءة ... عودوا الى مقاعدكم ... و ياترى السيسى ح يرجعهم مقاعدهم .... ‫#‏محكمة_القرن

-        يا نهار اسود : براءة حبيب العادلي وأحمد رمزي وعدلي فايد وحسن عبد الرحمن وإسماعيل الشاعر ... امال مبارك ايه ؟؟ يطلع يضربنا بالجزمة ؟!!

-        الحقوق فى بلدنا دايما ضايعة ومنظومة العدل غايبة سواء كانت حقوق إقتصادية أو إجتماعية أو حقوق الدم وكل يوم دائرة السلطة أو منظومة العدل فى مصر بيرسخوا الأفكار دى فى أذهان شباب البلد دى اللى هما عمادها وقوتها
وبالتالى الحديث عن البناء والإستقرار فى ظل حالة الإحباط واليأس بغياب العدل هو مجرد كلام إستهلاكى لا أكثر .. لا ملك بدون عدل

-        وبناءا عليه يصبح مبارك رئيسا شرعيا للبلاد وأطالب السيسى أن يرحل بكرامته !!!

-        كل ام ابنها او بنتها شاركوا فى الثورة وكان الموت اقرب لهم من حضن امهاتهم اكيد بتتحسس ولادها دلوقتى زى ما انا بعمل مع بنتى وبيتاكدوا كل شويه انهم لسه عايشين كل ما بتشوفوا صور اهالى الشهداء وقهرتهم وحرقت قلبهم على ضناهم.

-        بكره دراسه فى جامعات مصر تفتكروا الشباب ممكن يلعبوها صح ويتظاهروا مطالبين بعودة مبارك للحكم ورحيل السيسى..............فى الحاله دى موقف فالكون

-        فى المسافه بين قضاء المستشار أحمد رفعت وقضاء المستشار محمود الرشيدى نشأ ونمى وترعرع قانون ساكسونيا برعاية العسكر........لكن ولايهمك الأمر ليس بهذه القتامه لأن عدوك أسقط بنفسه عن نفسه ورقة التوت !!!

-        مين الأهبل اللى قال: لا تعقيب على أحكام القضاء؟!!
أومال ...
الاستشكال .. يبقى إيه؟!
والمعارضة .. تبقى إيه؟!
والطعن .. يبقى إيه؟!
والاستئناف .. يبقى إيه؟!
والنقض .. يبقى إيه؟!
ورد القضاة .. يبقى إيه؟!
ومحكمة درجة أولى .. تبقى إيه؟!
وحكم ابتدائى .. يعنى إيه؟!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
وحد الله فى قلبك يا مؤمن ..
ومتعملش فى نفسك كدا علشان حتة ريس حرامى لا راح ولا جه.!!

الثوار نزلوا الميدان بعد سماع  الحكم ببراءة المخلوع

 أراء الناس  فى الرجوع للميدان :

-        وحد صفك .. هتحقق حلمك .. وهترجع بلدك
قولوا ياااااارب .. هو أقوى من الكل .. ياااااارب انت وكيلنا يارب

-        على فكره الحكايه كدا مخلصتش زى ما احنا متصورين نقطه وهنعيد من الاول الحكايه يسقط يسقط حكم العسكر عيش حريه كرامه انسانيه

-        الثورة مش هتموت غير بموتنا .. ان اردتم القضاء عليها فعليكم بالبدء بنا نحن  #راجعين_الميدان !
‫#‏25_يناير

-        اللى نزلوا الميدان بعد الحكم بالبراءة  هما اللى اتونسوا ببعض واتسندوا على بعض وشموا روايح الميدان / اللى نزلوا امبارح هما اللى رسموا ضوء الأمل واحتفلت بيهم السما ورقصت لهم النجوم / اللى نزلوا امبارح منهم ابنى حسن وصاحبه /نزل من غير مايقولى بلسانه / لكن طلبها بعيونه ووافقت عنيه / نزلت ادور عليه بعد اقتحام الميدان وعاتبته على ان ده الوقت اللى كان مفروض يكلمنى فيه واعرف مكانه جايز اقدر اساعده بعد مااتفرق عن زميله وساب موبايله معاه وانقطعت سبل الاتصال / لكنى بعد ما وصلت له ف وقت متأخر حسيت انى جوايا بحسده لانه لقى الف اب واخ وصديق واقفين معاه ف الميدان / لانه عرف معنى الوطن واللى مش ممكن تلقاه ف مكان اجمل م الميدان / ويامحلى الرجوع للميدان

-        عايزين تكممونا .. تخرسونا والوطن يسكت سكاته !!!!
مش هنسكت فأقتلونا .. محناش أغلى من اللى ماتو
‫#‏اليأس_خيانه 

-       
‫- #‏وحد_صفك هتحقق حلمك و ترجع بلدك

-        مش ناسيين التحرير يا وﻻد الوسخة

-        ولما يسٱلوگ ع العدل فى مصر .!
قول لهم مبارگ طلع براءةة !! ://

قضاء موكوس 

‫#‏مكملين
‫#‏25_يناير

-        لو تملك منك اليأس أو إستشعرت للحظه إنك ضعيف أحب أؤكد لك ولكل الثوار إنك قوى وقوى جدا كمان والدليل كل التجهيزات والعتاد والأسلحه الموجوده فى الشارع خوفا من غضبك وهزعل قوى لو كنت فاكر نظام السيسى مبارك حشد حشوده علشان مسرحية 28 نوفمبر

موقف ماسبيرو من مظاهرات التحرير 29 نوفمبر اعتراضا على براءة مبارك :

-         بس قنوات ماسبيرو الحمدلله مشكورة المرة دى ما جابتش صورة النيل و الكورنيش ....جابت ناس- قاعدين فى الاستوديوهات المغلقة بيهروا اى هرى اى كلام فاضى معقول ...بس ما جبتش المظاهرات فى التحرير برضه
وده يدل ان تغيير الاسماء داخل ماسبيرو ما بيفرقش ...لأن الادارة فى الاحداث دى يكون من الخارج و ليس من الداخل ..ايا كان من يجلس فى الداخل 

- تجاهل قطاع الأخبار والفضائيات لاحتجاجات أهالى الشهداء يدفعهم لمتابعة الجزيرة

  -  طنطن عصام الأمير وقيادات ماسبيرو عن تغير الإعلام بعد الثورة وأسهب الأمير عن إصراره أن يكون الإعلام مملوكا للشعب وأن تكون الشاشة معبره عن الشارع ومايحدث فيه وليست بوقا للحاكم............براءة مبارك اليوم كشفت إنحيازات الأمير وقيادات ماسبيرو ونزعت عن عوراتهم ورقة التوت فبينما الثوار الغاضبون من مصير ثورة دفع ثمنها دماءا غاليه يتظاهرون الآن فى ميدان الحريه التحرير نجد التجاهل والتعتيم الذى يرضى سيد القصر...................إنها سياسة المناوى وأنس الفقى ولكن بوجوه مختلفه.................عصام الأمير وقيادات ماسبيرو ربما ربحتم الكراسى ...........لكن مؤكد خسرتم أنفسكم ومصيركم الضرب بالأحذيه مثل المناوى..............ألا شاهت وجوه الأصنام وعبادها !!!

-

الجزيرة : اعتداء قوات الامن على المتظاهرين فى عبد المنعم رياض والتحرير ...
انا باتفرج على الجزيرة عشان تليفزيون الشعب مات وشبع موت ..

موقف الثوار من الاخوان :

-        النهاردة الحقيقية كانت الوقفة كويسة جدا والهتافات كانت كلها فعلا تنادي باهداف الثورة وضد خروج مبارك لحد ماالاخوان الزفت ومحبيهم جم وحصلت معاهم حناقات بسبب رفعهم شعار رابعة والوقفة تقريبا خلصت والداخلية فضتها بعد ماهما جم ...ان مش فاهم انتوا مالكم بالثورة ومطالبها... خليكم في مرسي بتاعكم ورابعتكم بعيد عننا... عمرنا ما حنكون مع بعض ‫#‏لا_تصالح_مع_الاخوان

-

رسالة إلى الإخوان ...
لو انتوا فعلا وطنيين بجد ، وعاوزين الانتصار للثورة (ثورة 25يناير) ، و فعلا اتعلمتوا الدرس ، كفاية اللي انتوا عملتوه فينا ، أنتم اتاكلتم لما سيبتونا نتاكل ، لما اتخليتوا عننا في محمد محمود ومجلس الوزراء وقتلتوا مننا في عصركم شباب من أنقى شباب مصر زي الجندي والحسيني أبو ضيف وغيرهم ...
لو اتعلمتوا الدرس سيبولنا الميدان ..
اتظاهروا في أي مكان تاني بعيد عننا ..
سيبونا نحاول نرجع الثورة اللي اتسلبت مننا .. ما تدوش للنظام فرصة انه يقتلنا ويعتقلنا بسببكم ..
لو فيه ذرة وطنية جواكم بأخاطبها .. وبأقولكم سيبوا الثوار المرة دي لوحدهم .. وده طلب مننا المرة دي ومش هنقول اتخليتوا عننا زي ما اتخليتوا في محمد محمود ومجلس الوزراء ..
سيبونا نحاول نرجع الشارع اللي كرهنا بسببكم ..
سيبونا نحاول نرجع حق الشهداء ..
سيبونا نحاول نرجع الميدان ..
سيبونا المرة دي نرجع اللي انتوا ضيعتوه .. ما تبقوش سبب في اعتقالنا وقتلنا

كمال خليل يقول :

لخط ده خطى :
- السيسى ليس له دور سوى إعادة نظام مبارك بمكياج جديد.....
- التبعية الكاملة لدول الخليج كانت رافعة من الروافع لبراءة مبارك ....
- التقارب والتصالح مع النظام القطرى سيؤدى بالضرورة للتصالح مع الأخوان ...
- مقولة استقلال القضاء مقولة فارغة ..القضاء جزء من جهاز الدولة الظالمة والمستبدة والقانون كخيوط العنكبوت ينسجه الاغنياء ويقع فى حباله الفقراء...
- مفيش حاجة اسمها اعلام مستقل ..اعلام الحكومة تابع للدولة ..واعلام القنوات الفضائية هو اعلام الرأسماليين ماسحى أحذية كل حاكم. .

و أخيرا حزب الدستور :
يقرر سحب دعمه لخارطة الطريق اعتراضا على براءة مبارك
http://aswatmasriya.com/news/view.aspx?id=b6a5d0b2-ee76-4bec-ba03-343d7703df0e