النصر منهج حياة ... و النظام الحالى محترف فشل

النصر ده منهج حياة ... و النظام الحالى محترف فشل
زعلانين ليه بقى !!!!
يا تغيروا النظام
يا تتأقلموا مع الفشل

و على حس التأقلم يهما انى أطلب منكم عدم التأقلم مع الاعلام الكذاب لأنه يبرجلكو و يجننكو ... يعنى لما  وكالة الفضاء الاوربية ESA قدرت تنزل "روبوت" على سطح "مذنب" لدراسة خواصه .. اسم المذنب P67 .. وإسم المركبة التي كانت تحمل الروبوت "فيلة"

و يبقى الاعلام مش مهتم غير بالعنيل .. يبقى عنتيل أهل ده اعلام

لما الاعلام المصرى ما يجيبش سيرة المصريين بيتكون منه فريق زرع المذنب .. يبقى ده  اعلام ام ترتر ... اعلام عايزي المصريين يفضلوا شاكين فى قدرتهم

لازم كل المصريين يعرفوا إن في الفريق اللي نجح في مهمة تنزيل الروبوت على المذنب منهم اربع مصريين وهم :

( (1) د. رامي المعري ، ٣٥ سنة

(2) د. أحمد الشافعي ٢٨ سنة

 (3) د‫ .‏عصام حجي ، ٣٩ سنة  و اللى فضح جهاز الكفتة بتاع عبد العاطى

 (٤) د عصام معروف ، ٥٦ سنة

عصام حجى

و لأن "عصام حجي"  نال من تشويه النظام ما لا يناله أحد ؛ لذلك يهمنا نسترجع مع بعض تاريخه من البداية

عصام حجي بعد ما خلص الجامعة قدم طلب للجيش إنه ياخد تأجيل عشان يطلع يعمل "ماجستير" في فرنسا ، فأترفض وقدم في الجيش وخرجوه طبي في الآخر بسبب إنه عنده خلل "ذهني ونفسي" ! 
بس  كانت المنحة اللي كانت جاياله راحت عليه !

أشتغل في خدمة لتوصيل "البراويز" و "اللوحات" للمنازل فيما يشبه "الديلفيري"
و إتقدم لفتاة عشان يخطبها ورفضوه اهلها لإنه "دارس فلك وعلوم فضاء" ...  اهل العروسة قالوله : "وأنت هتشتغل إيه يعني !؟ المفروض تكون "دكتور" او "مهندس" مش تقولنا فلك وعلوم فضاء" !
*المهم بالمصادفة وهو مع صديق ليه بيقدم في السفارة الفرنسية على منحة للدراسة بجامعة فرنسية قالوله : "انت دارس ايه؟" اجاب  .. فقالوله : "طيب ما تقدم أنت كمان وأنت وحظك" وفعلا قدم ويتفاجئ إنه إتقبل لعمل الماجستير في جامعة باريس ومن الماجستير عمل الدكتوراه .

علموا ابناءكم ان عصام حجى هو القدوة - فى العلم و فى الآخلاق

و سافر فرنسا و عاد لمصر عشان يعمل معادلة للدكتوراه الحاصل عليها من أهم جامعات فرنسا ، لكن الجامعة المصرية رفضت "لأن جامعة فرنسا لا ترقى لمستوى قسم الفلك وعلوم الفضاء بالقاهرة" وفضل سنتين لحد ما تم الموافقة علي شهادة الدكتوراة التى حصل عليها من باريس  
!
*"عصام حجي" كان بيعمل دراسة عن وجود "المياة على الكواكب الأخرى" عن طريق تكنولوجيا الرادار ، قدم الأبحاث في إحدى المؤتمرات اللي كان بيحضرها في أمريكا ومن هنا عرفوه واخدوه للعمل بوكالة "ناسا" كمساعد باحث ، ثم كباحث ، ثم كرئيس مجموعة عمل ، ثم بمركز تدريب رواد الفضاء بمركز "جونسون" ليدرب رواد الفضاء ! وبعدين بقى المشرف على عدد من المهام العلمية لإكتشاف المياه خارج الكوكب !

*في سنة 2004 حب يدخل نماذج مركبات فضائية للقاهرة لدراسة الصحراء لأن الصحراء المصرية فيها تشابه بسطح "كوكب المريخ" ودي أكيد دراسة كانت هتفيد مصر ، وبعد ما جه هو والفريق العلمي اللي كان بيرأسه إتفاجئوا بأنهم حجزوا المراكب دي في "الجمارك !"

 دخل حجى لرئيس الجمارك وعرفه بنفسه "مساء الخير أنا عصام حجي بشتغل في ناسا وليا مركبتين فضاء محجوز عليهم في الجمارك "
إفتكره مجنون وبعد كلام ومناقشات معرفوش يدخلوا المركبة لأن كل اللى بداخلها شاشات كمبيوتر وهما يكتبوا تقرير عنها .. فقرروا يسجلوها بالشكل ده : "شاشة 17 بوصة فاخر النوع ناسا" وبما إن النوع ده مش موجود في مصر اعتبروا إن مفيش نوع إسمه كده وإعتبروهم بيهربوا شاشة 17 بوصة لمصر !

في سنة 2013 إتعين كمستشار علمي لرئيس الجمهورية المؤقت "عدلي منصور" ومن هنا إتعرف إسمه في مصر "اخيراً" لكنه إتعرف عشان يتشتم في وقتها ويتقال عليه جاهل لأنه ببساطة هاجم "جهاز الكفتة" ، فإتشتم أفظع الشتائم من الإعلام ومشي من مصر بعد وصفه بالجاهل والخاين ورجع يكمل شغله في مشروعاته في ناسا

النظام الفاسد يلجأ لإعلام أكثر  فسادا

يهدف إلى :

1 -  - ان يفقد المصريين  الأمل فى نفسهم و فى قدرتهم عشان يفض الوطن عاجز و لا يرتقى لمصاف الدول العظمى
2 - إن يفقد المصريين قيمة العلم و يهجروه و يعيشوا حتى سطوة الفساد
3 – ان لا نتحتفى باخواتنا فى الخارج لأنهم طوق النجاة لنا فى الداخل

4- تظل مصر واحة للفساد و المفسدين فى الداخل و لعبة فى يد الدول العظمى فى الخارج
5ـ تظل الأمة العربية التى تقودها مصر ، و تظل الدول الإسلامية التى تلهمها مصر - مرتع لنهب و سرقة ثوراتها على يد دول العالم الاول