google.com, pub-5789936701390099, DIRECT, f08c47fec0942fa0

داخل المقال

google.com, pub-5789936701390099, DIRECT, f08c47fec0942fa0

click

google.com, pub-5789936701390099, DIRECT, f08c47fec0942fa0 google.com, pub-5789936701390099, DIRECT, f08c47fec0942fa0

المتابعون

إجمالي مرات مشاهدة الصفحة

Subscribe Now: standard

Translate

الجمعة، 29 يوليو 2011

ساعدوا أطفال الصومال











اتبرعوا لمنكوبى الصومال فى  3 مليون إنسان في الصومال تحت خطر الموت بسبب الجوع ، نصهم أطفال.. ساعدوهم .. 
65 جنية تطعم فرد لمدة شهر كام 
و دى أرقام حسابات البنوك اللي ممكن التبرع فيها :


بنك مصر حساب رقم : 188100/ 1/101


بنك قناة السويس فرع الدقى 21090 / 1 / 0


بنك فيصل فرع 26 يوليو 212051


بنك فيصل  13900الاسكندرية


سوفت كود بنك فيصل FIEGEGCXCAI


بنك بيريوس 153078


سوفت كود ECBAEGCAXXX


البنك العربى الافريقى 555600 سوفت كود ARAIEGCX




البريد المصرى  :  فرع الحلمية الجديدة 148741 بجميع الفروع




 و ده رقم مندوب لجنة الإغائة والطوارىء اللي ممكن يجيلك لحد عندك
0020111116808

الخميس، 28 يوليو 2011

الحلقة 11 من مسلسل الحاجة ايفون - تطوير العشوائيات







- مدونة لاع يعنى نوالحلقة 11 من مسلسل الحاجة ا..., posted with vodpod

فجأة ايفون بتفتح باب شقة زينب و هى خارجة من عندها فتلاقى رضيع مرمى على السلم .. يا ترى الرضيع ده ابن مين ؟؟ و مين إللى جابه هنا ؟؟؟ .. و يا ترى أهله عايزين يحطوه قدام شقة ايفون و لا شقة زينب؟؟؟  .. ما هم الإتنين شقتهم قدام بعض و  الفاصل بينهم اربعة متر بالكتير
الحاجة ايفون مسلسل للمخرج أيمن عبد الرحمن - تأليف سمر العزب - بطولة ايهاب فهمى - منال سلامة - فايق عزب - سميرة عبد العزيز

- انعام الجرتلى 


ما تنسوش تتبرعوا للعشوائيات على حساب رقم 555666/7 البنك المركزى 

الثلاثاء، 26 يوليو 2011

و أخيرا حبيب العادلى فى القفص

دول العصابا  يا آبا


حبيب العادلى و اسماعيل الشاعر و باقى العصابة فى القفص .. لكن لفت نظر ناس كتير ان العادلى مش داخل بالملابس الرسمية لباقى النظام فى  السجن .. ليه يا ترى ماحدش اتوزع عليه مريلة الفصل ، مش لاقين مقاسه ؟!!!
و الاجابة ببساطة ان اللون الأبيض المعتمدة للنظام البائد : هى للحبس الإحتياطى
و الأزرق إللى لابسه العادلى عشان خد حكم فعلا .. مبروك عليه 
و عقبال الحكم القاطع فى قضية قتل المتظاهرين








يا ريت و انت قاعد مأنتخ على الكنبة و بتشوف العادلى جوة القفص  تفتكر الثوار المعتصمين فى ميدان التحرير فى عز الحر و الرطوبة و مستحملين الأمن و عاميلنهم و  البلطجية سنجهم و الفلول و اندساهم و العسكر و اتهاماتهم بالتخوين
كل دع عشان يجيبوا لسعادتك و لحد عندك و انت نايم فى بيتكوا فى التكيف ولا حتى فى المروحة إللى الفديو ده


اتفرج و ادعى للثوار 



يا سيادة اللوا : حاول تحب مصر



يا سيادة اللوا حاول تحب مصر لأنها لسة قادرة تحبك رغم كل الإساءات إللى انت اتسببت لها فيها ... ح نعمل إيه و ده نموس الحياة .. الأم تستحمل ابنها مهما كان أقل و اضعف من احتواء أمه أو حتى لا يقدر حبها  و لا يعمل على راحتها و علاجها... مصر يسيب القازورات حواليها فى كل مكان رغم علمه ان علاجها البعد عن التلوث و الملوثين و الملوثات ، و مش موصوف لها لا المفسدين و لا الفساد .


لو والدتك تعبت و حد نصحك و ادالك عنوان دكتور كويس ، ده مش سبب انك تشكك فيه و تطلب كسر رجله لو دخل بيتك تانى .. فمافيش أى مبرر ان حضرتك تخونه و تقول انه عايز يقتلها ، و حجتك الرئيسية ان أمى لو محتاجة دكتور كانت طلبت . و بالمناسبة افتكرت مقال الصحفية نجلا بدير.


المقال ده اتنشر في جريدة التحرير ودفعت ثمنه الإعلامية دينا عبد الرحمن بعد أن أجبرت على ترك برنامجها صباح دريم..


يا ريت حد يقراه و يقولى إيه الداعى ان " نجلاء " تتهم بسببه بأنها مخربة .. و الحاجة إللى مش فهماها أكتر ليه " دينا عبد الرحمن " تتعرض لكل العنف ده عشان نفس ذات المقال 


" إليكم المقال " 
الصحفية نجلاء بدير صاحبة المقال



"كنت قد قررت أن أستكمل القصة التى بدأتها أمس عن حالة مريض بسيط رب أسرة فى عهد عبد الناصر، وكنت أنوى أن أقارن بين ما يحدث الآن وما كان يحدث منذ وفاة عبد الناصر، وبين ما كان يحدث فى عهد ثورة يوليو.
حين حدثت مفاجأة المسيرة التى توجهت من ميدان التحرير إلى مقر المجلس الأعلى، وما تلاها من أحداث مساء الجمعة وصباح السبت. فترددت قليلا هل أتوقف عن استكمال قصة ثورة يوليو لأعلق على المسيرة المفاجئة، ومن ثم على بيان المجلس العسكرى الذى يوجه اتهامات مباشرة إلى (6 أبريل) والبيان الذى تلاه؟!
ثم اتخذت قرارا نهائيا بأن أكمل قصتى لأن الأحداث لا تنتهى.
وبدأت بالفعل أكتب، حين فوجئت بمداخلة اللواء الروينى التليفونية فى برنامج «صباح دريم».
توقفت عن الكتابة وبدأت أتابع المداخلة لأكتب تعليقا عليها.. كانت الكلمات أقوى من أن أتجاهلها، وأخطر من أن أنتظر لليوم التالى حتى أعلق عليها.
فى لحظة فكرت أن أمتنع عن الكتابة اعتراضا على ما أسمعه.. أو حزنا أو قهرا.
ما قاله اللواء الروينى فى مجمله يعنى شيئا واحدا أن الثورة ومطالبها فى واد وأنه هو (وأرجو أن لا يكون هذا موقف كل المجلس العسكرى) فى واد آخر.
وأن تصوره عن المطالب الثورية آت من نفس الجهة التى أتى منها كل ما قيل رسميا وإعلاميا فى الفترة من 25 يناير إلى 11 فبراير عن نفس الثورة ونفس الثوار ونفس المطالب.
أظهرت كلمات اللواء الروينى أنه واثق ومتأكد أن كل رأى مخالف لرأى سيادته هو مدفوع من جهات أجنبية وعناصر خارجية وعملاء لهم مصريين.
حتى لو كان هذا الرأى يطالب بالتخلص من رجال النظام السابق الذين يفسدون كل ما يمكنهم إفساده لتدمير أى شىء قد يؤدى إلى إصلاح فى المستقبل.
الشباب تدربوا على كل شىء، على مواجهة الشرطة وإحداث فتنة طائفية فى نفس الوقت.
وهذا يعنى أنه يعتقد أن الشرطة لا تستحق المطالبة بتطهيرها ولا إعادة هيكلتها ولا حتى عقاب من قتل من رجالها الشعب، وأذله طوال السنوات الماضية (يا خبر أسود واحنا انبح صوتنا فى إيه).
هو أيضا يتصور أن الفتنة الطائفية مفتعلة، وبالتالى اتقاء خطرها لا يأتى بالإصلاح الحقيقى ولا بدراسة أسباب الطائفية وعلاجها، بل بنفس الحل الذى كان يستخدمه النظام السابق وربما بطريقة أعجب، وهى عقاب محمد عادل وأحمد ماهر على أحداث أطفيح والدويقة واعتصام ماسبيرو. (يا الله).
أما مطلب انتخابات القيادات الجامعية، الذى كنا نعتقد أنه أبسط المطالب وأكثرها منطقية، وكنا مندهشين تماما من رد الفعل البطىء فى أزمة كلية الإعلام.
تبين من خلال كلمات سيادة اللواء أنه مطلب مستورد من صربيا، إذن مطلوب على أقل تقدير أن ننسى هذا المطلب تماما.
وتطهير القضاء أو حتى استقلاله (انسى). 
ووقف المحاكمات العسكرية للمدنيين (انسى).
وحد أقصى للأجور أو أى إصلاح اقتصادى (انسى).
أنهت كلمات اللواء الروينى كل أمل فى أى إصلاح، بل اتهمت كل من يطالب بأى إصلاح بأنه يعمل على إحداث الضرر بوطنه لصالح صربيا.
أنا فعلا آسفة لأن سيادتك وضعت أمامى حقيقة لا يمكننى بعد الآن تجاهلها أو الالتفاف عليها، حقيقة أنكم لا تعرفون قيمة هؤلاء الثوار.
وأنكم لا تملكون القدرة على رؤية النور الذى يملؤهم.
ولا قيمة لهذه المطالب ولا النهضة التى ستحدث لو تحققت.

الاثنين، 25 يوليو 2011

بيان هام - هنا محطة إذاعة شقلبان ــ بنقدم لكم فيلم الديكتاتور



بقى شعب مصر العظيم مستنى اللى يعلمه الديمقراطية .. امال هو خرج يوم 25 يناير ليه ؟ انا فاكرة انه كان بيقول عيش حرية عدالة اجتماعية ... و هى الحاجات دى ممكن تحصل مع رعاية الديكتاتور .
ينفع واحد ما بيعرفش غير تنفيذ الأوامر من غير ما يمررها على عقله ، ينفع ان ده هو  يعلم شعب مصر كلها الديمقراطية .. لا يا راجل ... ده انت بالشكل ده تبقى اكيد رع او آمون ، مش ممكن تكون واحد عادى من كهنة المعبد .. انت ح تعلم شعب علم الدنيا كلها ، انت يا حتة آمون  او آتون ح تعلمه الديمقراطية .
ممكن يبقى مسموح لحد انه ينسب لنفسه انه بيعلم شعب مصر العظيم ، بيعلم أعظم شعوب الأرض   ..  طيب يا آمون مش تعلم نفسك الأول ، حاول تقعد مع حد مثقف عشان يفهمك انك مش من حقك تتهم  أى حد فى الدنيا من غير دليل ، مش من حقك تتهم أى حد من المرشحين أو  الصحفيين ولا حتى بياعين جرايد ، مش من حقك توصفهم بانهم مش محترمين أو عملا  .. لأنك يا حلو لو ما قدمتش الدليل ح تروح فى حديد .. اصل اول قواعد الديمقراطية اللى انت جاى تعلمهالنا ان كلنا سواسية فى الحقوق و الواجبات ، و بالتالى ح يبقى زيك زينا قدام القانون ، و لا القانون بتاعك بيديلك حق انك تموت أى حد تحت عجلك... ده أكيد قانون ساكسونيا


و احنا بنرفض الإرهاب الفكرى و الإعلامى و عاش الشباب و اعلام الشباب
بيان حركة 6 ابريل للتضامن مع المذيعة المحترمة دينا عبد الرحمن

يرجع مرجوعنا لآمون حارس المعبد و إللى بينفذ حكمة جوزيف جوبلز (وزير الدعاية النازى) لما قال :

"اعطنى اعلاميين بلا ضمير اعطيك شعبا بلا وعى "
.. أحب أقولك " يا حضرة الآتون " ان شعب مصر إللى انا بانتميله و أفتخر بيه ، انه شعب محترم  ، انا عارفة ان الكلمة دى بتغيظك عشان كدة ح أقولهالك مليون مرة ، شعب مصر محترم ، شعب مصر محترم ، شعب مصر محترم حتى من نختلف معه .. بطلوا نغمة التخوين إللى انتوا طالعين فيها دى .. مش عارفين تلعبوا سياسة أقعدوا فى بيوتكم ، لكن مش أسهل حاجة تتهموا الناس بالخيانة عشان الشعب يموت بعضه و انتوا تكلوا التورتة و تحطوا الشمع فيييييييييييييييييييييييييييييييي عين الشعب

لأ ده مش بس بيخون ده بيدى أوامر .. ده ما طلعش أمون و لا أتون ده طلع رع .. ده مش جاى يعلمنا الديمقراطية ، ده انت إله الديمقراطية .. و إللى ح يعبدك ح يبقى كافر ... و ربنا قادر يبعت جنوده إللى تقطم وسطك  .. نصيحة يا آتون لو معترض على الاعلام رد عليه بالحجة مش بالأوامر  و لا بالتخوين

قاله يا آبا علمنى الديمقراطية .. قاله تعالى على اللى يعارضك و خونه

و عم أحمد فؤاد نجم قالك إيه : 
هنا شقلبان
محطة اذاعه ... .... حلاوة زمان 

                                                  يسر الاذاعه 


ومايسركوش 

بهذي المناسبه 

وما بندعيكوش
نقدم اليكم
ولاتقرفوش





قاله يا آبا علمنى الديمقراطية .. قاله تعالى على اللى يعارضك و خونه


معانا شوال اتهامات و فيه كل المواصفات مين قال هات هات هات .. بس إللى ح يآخد من الشوال ده ح يترن علقة موت فى الليلة الكبيرة .. عارفين الليلة الكبيرة يا عمى ، إللى فيها العالم بتبقى كتيرة .. مالين الشوارع يا آبا فى الريف و البنادر ... و مابيهتفوش غير بجملة واحدة  و هى : " حق الشهيد " 


و  أقسم بالله العظيم انى " ح أغير فيكى يا مصر لحد ما ترضى "



تحية لكل شريف فى البلد و طظ فى الأحلام و الدريم اللى ما بتحترمش الشرف و لا الشرفاء و هدفها بس منافقة الراس الكبيرة 



السبت، 23 يوليو 2011

بيان اسر الشهداء المعتصمين بميدان التحرير

اعتصام ميدان التحرير لصالح أسر الشهدا


فاض الكيل بأسر الشهدا إللى مش عارفين يخدوا حقوق ابنهم فى القصاص و ماحدش راضى يبصلهم بعين الرحمة او الرأفة .. و ان شاء الله كل واحد ساهم أو شارك فى ضياع حق الشهيد ان شاء الله ح يتصاب فى أى ما لديه عشان يعرف ان ربنا حق .
و عشان كدة ح أنقل لكم بيان اسر الشهدا إللى اعلنوه فى ميدان التحرير يمكن توصل لحد عنده دم أو بيخاف من ربنا أو حتى بيخاف على ولاده


نص بيان اسر الشهدا


" نظرا لما نشهده من تعتيم اعلامي وتضليل متعمد تجاه كل ما يتعلق بقضية شهداء ومصابي الثورة - وهي القضية التي فجرت الثورة المصرية – ولأن حتى الآن لم يحاسب القتلة بل تتم ترقيتهم ومكافأتهم وليس هذا فحسب بل وتطلق يديهم للممارسة الضغوط والتهديدات بشتى الطرق والأساليب مرورا بأحداث البالون وثلاثاء الغاز.. لذلك كله نحن معتمصون منذ ٢٤ يونيو وحتى الآن على أمل أن نجد من شرفاء مصر من يحمينا من البلطجية الذين يمارسون بلطجتهم في ثياب العمل الرسمي.


إن محاولة تصدير قضية دم شهداء هذه الثورة المباركة باعتبارها قضية مادية نسعى من خلالها لتحقيق بعض المكاسب أو تشويه ملامحها عبر إلصاق تهمة البلطجة بالشهداء وترويج أن الضباط القتلة كانوا يدافعون عن أنفسهم وعن مقار عملهم، هو تضليل وتزييف للحقائق التي تشهد عليها الكاميرات والوثائق. وعليه فإننا نؤكد نحن أهالي شهداء ٢٥ يناير على أن مطالبنا هي التالية:


١- حبس الضباط المسئولين والقيادات المتهمين بقتل خيرة أبنائنا وأخوتنا وذلك لمنعهم من الاستمرار في التأثير علي الشهود وطمس الأدلة وترويع أهالي الشهداء والشهود


٢- الاسراع في إحالة بقية قضايا قتل المتظاهرين التي لم تحال الي المحاكم الجنائية وتقصير مدة تأجيلات القضايا المنظورة بالفعل وسرعة تفريغ الدوائر

٣- تكوين فريق متفرغ من أكفأ رجال النيابة العامة يختص بالتحري وجمع الأدلة والمعلومات المتعلقة بالقضايا التي أحيلت من قبل

٤- اصدار بيان رسمي من وزارة الداخلية يتضمن اعتذارا رسميا للشعب المصري عامة ولأهالي الشهداء خاصة عن الممارسات التي حدثت تجاه هذا الشعب ويقر بأن شهداء ٢٥ يناير ليسوا بلطجية

٥- تشكيل لجنة دائمة من أهالي الشهداء ومحامييهم ورئاسة الوزراء وأعضاء من فريق النيابة العامة تكون مهمتها تذليل كافة العقبات التي تحول دون سرعة الفصل في هذه القضايا

٦- بث محاكمات المتهمين بقتل الثوار على محطات التليفزيون بثا مباشرا دون تعليق ذلك علي إذن القاضي أو أي جهة أخرى

٧- تكريم شهداء الثورة والمصابين ومساواتهم بشهداء الحرب وإعطائهم وسام الدولة

٨- إقالة وزير الداخلية والنائب العام لعدم قيامهما بواجبهما نحو دماء الشهداء وملاحقة قاتليهم

أخيرا، نؤكد أن مطالبنا ليست مستحيلة وليست مخالفة للقانون لأن أصل القانون هو إقامة العدل وأداء الحقوق ونحن فقط نطالب بحق دماء أبنائنا

أسر شهداء ومصابي ٢٥ يناير
٢٢-٧-٢٠١١


الخميس، 21 يوليو 2011

أحدث كارثة فى الاذاعة المصرية - هى لجنة الدراما





لجنة الدراما بالاذاعة تأمر بمواصلة سياسة الإلهاء:
 الشيشتاوى رئيس الاذاعة  ُمصر على تفعيل قوانين الفلول بكل حذافيرها ، بداية من تهميش دور الشباب و رفضه المستمر لتدعيم الثورة كما تنصل من ان تكون الاذاعة المصرية هى اذاعة الثورة كما طالبه ثوار ماسبيرو.. ليس هذا فحسب و انما قرر الابقاء على الفاسدين و المعروف فسادهم باوراق رسمية فى مناصبهم .. ليه يا شيشتاوى كدة ؟!!!!!!!!!!!  انتوا مش عايزين حتى تبيضوا وشكم ؟!!! يمكن يكون للتلوث متعة .. و عشان ما نجاوبش بالنيابة عن حد ح نسيب الاجابة للى جابوا الشيشتاوى من الاقليميات لرئاسة للاذاعة فى الفترة الحرجة دى



و لم تقف انجازات الشيشتاوى عند هذا الحد بل انه قام بتشكيل لجنة الدراما و قرر السير على نهج النظام الفاسد ، لذلك قرر استبعاد الشباب من لجان الدراما لتبقى الاذاعة المصرية رافعة راية التخلف يا ولدى .

ف ابعاد الشباب عن لجنة الدراما مش بس يوجد فجوة بين شباب المستمعين و الإذاعة لأنهم كان ممكن  يبقوا حلقة وصل بين الشباب المتواجد بكل محافظات مصر و المنتشرين على التويتر و الفيس بوك ، لأ ده كمان الشباب قادر على بث الحيوية فى الاذاعة التى اصبحت جثة هامدة بعد ان كانت كهلة غير قادرة  على مسايرة الجيل الجديد الذى فرر إلى الأنترنت و الفضائيات .. و الان تحاول كل مؤسسات الدولة التقرب من الشباب و التواصل معهم إلا الشيشتاوى و إذاعته و لجنة  الدراما التى شكلها بنفسه .

و كان تشكيل لجنة الدراما من كهول الاذاعة و كان اصغر رجال لجنة الدراما من شباب سن الستين او اقل بسنتين عشان نبقى ما بنكدبش على ربنا.. و ليسوا كهول فحسب و انما اصحاب أفكار عتيقة غير قابلة لمسايرة الأحداث و المتغيرات .. و أكتر  متمرد فى هذه اللجنة  يغشى  ان يهش الذباب عن وجهه فقد يكون هذا الذباب قريب فلان صاحب المركز الفلانى او نسيب علان شاغل المنصب العلانى ...

نيجى بقى لطريقة قراءة النصوص الدرامية من عناصر كهول لجنة الدراما .. بيقروا بطريقتين .. و كل طريقة بتختلف على حسب انت جاى من أى سكة : 

اولا : المسلسلات القادمة من وكلات السمنة و الزيت لا تعرض على لجنة الدراما لكن تنزل بيزتها و سمنتها من العلبة مباشرة إلى استوديو الهوا ؛ و من الاستوديو إلى ودن المستمع المسكين  .. ح تسألنى مين وكالات السمنة و الزيت ؟؟ ح أقولك الوكالات الإعلانية .. ف من حق الوكلات دى انها تقول إللى هى عيزاه فى الاذاعة المصرية بدون قيد او شرط ، تستخدم الفاظ خادشة ، حوار منحط ، موضوع بذئ مش مهم .. دى وكالات ح تدخل فلوس للاذاعة و لازم نشيلها على راسنا ، حد يكره ان راسه تبقى كلها زيت .. ان شا الله المسلسلات دى تشتم فى المجلس الأعلى لفريق زمباوى لكرة القدم .. و يوقعونا فى مشاكل مع زمباوى .. مش مهم .. لأن الشعار المرفوع الآن فى الاذاعة ، انه لا حياة بدون سمنة .. و سمنى تجدنى ــ على وزن أبجنى تجدنى ــ

الطريقة التانية التى تتبعها لجنة القراءة و هى الخاصة بالأعمال الدرامية التى تنتجها الإذاعة  :
1.   ح ندفع ملاليم لأى حد عايز يشتغل فى الإذاعة المصرية خصوصا لو كنت شاب .. و لأن الشباب هدفه أنبل و اسمى و مش هامه المادة فما بيهمهوش المدفوع
2.   الاعمال الدرامية التى تقوى الشعور بالثورة و تساهم فى المطالبة بالحق و تساعد على رجوع الحق لأصحابه مرفوضة .. لكن عايزين تهزروا و تهرتولوا مافيش مانع .. فشعار لجنة الدراما بالاذعة ادينى فى الهياف و انا اجبك يا فننس ــ بيدلعوا الفن ــ


و عشان ما نقولش كلام مرسل نديكم مثال حى : قرر السيد / محمد مرعى البالغ من العمر 76 سنة عرقلة احد النصوص الذى ينتصر لأسر الشهداء و ينتصر للشهيد.. ضاربا بعرض الحائط كل القرارات المساندة للشهيد .. و ده ليه لأن السيد "مرعى"  تلميذ اذاعة صوت العرب اللى اتعودت على نظام القمع فى الستينات .. السيد " مرعى " من بتوع " مصر وقعت 20 طيارة ، لأ وقعنا 200 طيارة " ـــ و بعدين نكتشف ان طيرانا هو اللى انضرب فى 67 .. بنفس المنطق " مرعى " أدى اوامره بأن ماحدش يجيب سيرة  الطماطم المسرطنة اللى الصهاينة بتبيعها فى السوق المصرى ..

و ده المسمع إللى السيد / محمد مرعى شايف انه خطر على بيع الطماطم فى البلد

أحمد
 طنط



أحمد 
طنط

: طنط أنا تعبان و الله ، و مش قادر أفكر فى أى حاجة
: الطماطم  إللى عجبتك دى داخله مصر متهربة ، الصهاينة مغرقين بيها السوق .. عارف ليه ؟ لأنها طماطم مسرطنه .. تعرف ان المصريين بيتقال عليهم  خير أجناد الأرض .. أصل أنا بأحب الحديث إللى قاله الرسول
: صلى الله عليه و سلم
: وصى علينا و قال على المصريين خير أجناد الأرض" .. تفتكر يا أحمد خير أجناد ممكن تضيع مجهودها و طاقتها فى حب بنت .. أنا مش عايزة أغتابها و  اجيب سيرة حد.. لكن ينفع خير اجناد الأرض تآكل طماطم مسرطنة أو ترتبط و تتجوز من اشخاص مسرطنة


 تفتكروا يقصد إيه السيد / مرعى انه يخبى موضوع الطماطم المسرطنة إللى كل وسائل الإعلام اتكلمت عنه .. يمكن يكون الراجل قصده يزود عدد الشهداء فى مصر لأنه شغال من الباطن تبع نظام تنظيم الاسرة . . و لأن الإجابة مش عندنا فاحنا بنحول السؤال للسادة إللى جابوا " مرعى" عضو فى لجنة الدراما

فى حلقة تانية مإللى بيعرقلها مرعى بتحكى إن "بطل المسلسل بيتخانق مع أحد حراس الأمن فى نوادى احدى النقابات " .. هنا اترفز جدا مرعى و طلب من مخرج العمل تغير هذه المسامع لأنها بتسئ للأمن العام .. و هو مش عايز توتر مع الداخلية .. تفهمه ان حارس النقابة مش تابع للداخلية و ده يقولك لأ ، انتوا بتحاولوا تضللونا . . و راسه و ألف راس تانية من بتوع الفلول ان الحارس ده رمز للداخلية .

و بتهيقلى بالشكل ده ممكن السيد محمد مرعى يترقى و يبقى مستشار وزير الاعلام لشئون الفلول .. و الله الموفق

معلومة خاصة للفاهمين فى الدراما : المشكلة و الكارثة ان السيد محمد مرعى رافض ان كل شخصية تتكلم بلسان حالها و عايز كل الشخصيات تتكلم كأنها ملايكة من السما و ما نعملش إلى اعتبارات لفوراق اجتماعية و لا سنية و أدبية و لا أى حاجة عندما تتحدث الشخصية.. و ده فى الدراما ما ينفعش ، ما تبقاش دراما تبقى برنامج ، و برنامج أهبل كمان .. و بنفس المنطق الراجل ده حارب الكثير من المواهب و دفع بمن لا يملكون أى مواهب و الدليل الجوايز إللى كان بيدعمها فى كل المهرجانات إللى كان مسؤل عنها من عشرين سنة و لحد السنة إللى فاتت .. و المستندات موجودة فى مكتب رئيس الاذاعة و فى مكتب الأمين العام لمهرجان الاعلام العربى و فى مكتب وزير الاعلام

رسالة إلى السيد / مرعى ، ابشر ، لديك مؤهلات رئيس قطاع الإذاعة .. نوعدك بالمنصب بس بعد اعادة الهيكلة .. دمر كما يحلو لك يا مرعى

و كفاية ان الاذاعة بتنتج مسلسل لعمرو عبد السميع " يبقى إزاى ح تحط جمبها أى حاجة بتتكلم عن الثورة .. ده حتى السفرة يبقى شكلها بايخ .. كلوا كلوا من غير هنا و لا شفا لكل إللى استحل فلوس المصريين للانفاق على الفلول   

الثلاثاء، 19 يوليو 2011

الحلقة 10 من مسلسل الحاجة ايفون - لاااااااااااااااااااااااااااااااااا للفوضى ep10




النهاردة الحلقة مختلفة تمام .. ليه ؟ لأنها بتتكلم عن دولة القانون .. تبدأ الحكاية من بيت زينب التى طلب منها زوجها مقاطعة بنت اختها عبير و عدم الاتصال بها بأى شكل من الأشكال .. و لكن عبير تلجأ لخالتها و تطلب منها ان تقضى عندها يومين لأنها على خلاف مع زوجها . و لا تجد زينب مكان امين تترك فيه عبير غير بيت صديقتها و جارتها ايفون .. و يعرف زوج عبير مكانها و يقرر الانتقام منها لأنها رفعت قضية خلع و قبل الحكم فيها خطبت لرجل آخر .. و بدأت المعركة  ... لكن ح تنتهى لصالح مين اسمع الحلقة
مسلسل الحاجة ايفون للمخرج ايمن عبد الرحمن تأليف سمر العزب بطولة ايهاب فهمى - منال سلامة - انعام الجرتلى - سميرة عبد العزيز - فايق عزب


الجمعة، 15 يوليو 2011

سينما حقوق الإنسان فى مهرجان العراق السينمائى


سينما  حقوق الأنسان
قسم جديد
في مهرجان بغداد السينمائي الدولي

مما لاشك فيه ان قضايا حقوق الأنسان كانت وماتزال شغلا شاغلا في الحياة اليومية في العالم العربي وفي خارجه .
ولقد قدم ربيع التغيير الذي عشنا ومانزال نعيش فصوله  صورة انسان عربي حر انتفض لكرامته وحريته وحقه في الحياة وان يكون له صوت وكلمة في حاضر ومستقبل بلاده .
ولأن الحديث عن حقوق الأنسان الأساسية التي اقرتها الأديان والشرائع السماوية واقرها الأعلان العالمي لحقوق الأنسان ظل حديثا محرما وممنوعا تحت ظل اجهزة القمع والدكتاتوريات وانظمة الأستبداد لهذا صار من واجب السينما والسينمائيين ان يأخذوا دورهم في استخدام الفيلم اداة للتعبير تلك الحقائق .
ولهذا كله فقد استحدث مهرجان بغداد السينمائي الدولي وابتداءا من دورته الثالثة التي ستقام للمدة من 3 ولغاية 6 تشرين الأول اكتوبر قسما خاصا لأفلام حقوق الأنسان تحت اسم "صورة انسان" وهو قسم مفتوح لعرض الأفلام التي تتصدى لقضايا الحريات الأساسية والدفاع عن المظلومين والمضطهدين في كل انحاء العالم ولهذا فأن ادارة المهرجان تدعو كافة السينمائيين في العراق والعالم العربي وخارجه الى تقديم اعمالهم الأبداعية من افلام روائية طويلة ووثائقية وقصيرة وافلام تحريك للمشاركة في هذه التظاهرة الأبداعية الأبداعية العالمية .
وستمنح جائزة لأفضل فيلم مشارك في هذا القسم .
ويسر ادارة المهرجان ان تعلن ان العديد من  طلبات المشاركة قد وصلتها حتى الآن من عدد من بلدان العالم للمشاركة في قسم صورة انسان..
وتخطط ادارة المهرجان ان يكون قسم صورة انسان فضاءا للحوار والرأي فضلا عن عروض الأفلام التي تعنى بحقوق الأنسان .




لكافة المراسلات والأسئلة والأستفسارات : email;






الثلاثاء، 12 يوليو 2011

الحلقة 9 من مسلسل الحاجة ايفون - لا لأمريكا




تدور أحداث هذه الحلقة حول رانيا  و التى يحاول ان يستوقفها أمين شرطة لكنها ترفض ان تقف معتقدة انه يريد رشوة .. هنا تتصاعد الأحداث و يتبعها الظابط و يسحب العربية على القسم و رانيا ترى انه سيلفق لها عدة قضايا .. هنا تقرر اللجوء اللى سفارة امريكا و لا يتصدى لها إلا ايفون امها ... ايفون هى من منعت رانيا للجوء الى امريكا لأن مصر هى الاجدر على حل مشاكل ابناءها وحدها و ليست بحاجة لأمريكا و اى بلد تانى عمرها من عمر احفاد مصر ام الدنيا
مسلسل الحاجة ايفون - تأليف سمر العزب - اخراج ايمن عبد الرحمن - بطولة فايق عزب - منال سلامة - ايهاب فهمى - انعام الجرتلى - سميرة عبد العزيز

الأحد، 3 يوليو 2011

من أجل لؤى نجاتى

نداء من طاهر نجاتى أخو الناشط لؤى نجاتى :
هو  محتاج كل شاهد كان مع لؤي عشان يشهد في النيابه ..... لو تعرف حد تقدر تكلم طاهر على النمرة دى 
 0110559110


السبت، 2 يوليو 2011

الحلقة 8 من مسلسل الحاجة ايفون - خطة البلطجية -








تدور احداث حلقة النهاردة حول رغبة زينب فى عمل تحقيق صحفى عن البلطجية .. و لكن ايفون تخاف على صديقتها و جارتها زينب الصحفية المشهورة  ، و تقرر ايقاف هذا التحقيق و منع وصول البلطجى لزينب ، و فجأة  يتصل أحد هؤلاء البلطجية بايفون و يهددها ، و هنا تتصاعد الأحداث إلى ان تكتشف ايفون ان بواب عمارتها من فصيلة البلطجية الذين ساهموا فى تزوير الانتخابات سابقا .. يا ترى ايفون و زينب ح يعملوا معاه إيه ؟ اسمعوا الحلقة و قولنا رايكمو التهديد اللى وصل ليفون أخرته ح توصل لفين ؟؟
مسلسل الحاجة ايفون تأليف سمر العزب - اخراج أيمن عبد الرحمن بطولة ايهاب فهمى - منال سلامة - انعام الجرتلى - سميرة عبد العزيز - فايق عزب

yahoo search

Custom Search