وقفة للافراج عن علاء عبد الفتاح المظلوم فى سجون الشامخ ابو شمخة

منى سيف وسناء سيف وسارة الشريف الآن أمام قصر القبة في وقفة للمطالبة بالحرية لعلاء عبد الفتاح وحمادة نوبي ووليد السمري , 22  ىخرين المحكوم عليهم بالسجن ١٥ سنة و١٠٠ ألف جنيه غرامة و٥ سنوات مراقبة 

قالت منى سيف :

التحايل في أبدع صوره
علاء و نوبي و وائل محبوسين جوة معهد أمناء طرة, لم يتم اعلامهم بالحكم, و الحراسة اللي عليهم بيدعوا ان مافيش حكم
ليه؟
لأن لو في حكم غيابي و هم هناك و القاضي لسة هناك و الرول لسة شغال بالقانون يلغي اللي عمله و يجدولهم لاخر الرول و يكمل اجراءات محاكمتهم عادي.
بس القاضي عايز يحكم عليهم غيابي من غير مرافعات و مواجهة شهود, و في نفس الوقت عايز يضمن انهم يتحبسوا وقتي

فيخطفوهم في المعهد, و يبقوا عليهم ساعات كتير لحد اما القاضي يخلص و يمشي, و اما يمشي يعلموهم بالحكم و يبقوا محبوسين رسمي, و نبتدي بقى نمشي في اعادة اجراءات المحاكمة, و تحديد جلسة لهم بس كل ده يحصل و هم محبوسين!!

و هو ده قضاء بلدنا, و دي قوانيين بلدنا

 _______________________________________

أعوان حسنى مبارك فى إفساد ونهب مصر ،،،،،براءه
قيادات الشرطة وقتل المتظاهرين ،،،،،،،براءه
حسنى مبارك باع احتياطى غاز مصر ،،،،،،،،براءه

اختلاس وسرقه فى أموال قصور الرياسه ٣ سنوات فى انتظار نتيجه الاستئناف 

غرق عباره فى عهد مبارك ووفاه اكثر الف شخص وصاحب العباره ممدوح اسماعيل أخد براءه ثم سجن ٧ سنوات تحت ضغط شعبى وتم تهريبه الى خارج مصر بواسطه أعوان مبارك

علاء عبد الفتاح تظاهر واحتجاج غير مسلح. ١٥ سنه سجن

عمار يا مصر ونشكر القضاء الشامخ وقيادات مصر المحترمين وإعلامه العظيم
سؤال اخير حد يعرف حاجه عن قناص العيون راح فين ؟

احنا نحب نطمن عليه