الازهر هو منارة العلم رغم بلطجة السلفيين

و 

إللى مش عارف احنا بنقول كدة ليه يشوف البوست ده
http://la3ya3nyno.blogspot.com/2012/12/blog-post_24.html
 

-->

ثبتت الرؤية و مجلس الشعب فى تعداد الموتى عقبال الشورى و الدستور شخصيا

أصدرت المحكمة الإدارية العليا بمجلس الدولة، حكمها في قضية «حل مجلس الشعب»، ، وقالت في الحكم إن «مجلس الشعب الذي تم انتخابه عقب ثورة 25 يناير، قد زال وجوده بقوة القانون، وذلك في ضوء الحكم الصادر من المحكمة الدستورية العليا في 14 يونيو الماضي، والقاضي بعدم دستورية بعض مواد قانون مجلس الشعب الذي تكون هذا المجلس على أساس منها.

وقالت المحكمة الإدارية العليا في حيثيات حكمها، إنه «متى كانت الانتخابات التي أسفرت عن تكوين مجلس الشعب، قد أجريت بناءً على نصوص ثبت عدم دستوريتها، فإن مؤدى ذلك أن تكوين المجلس بكاملة يكون باطلاً منذ انتخابه، بما يترتب عليه زوال وجوده بقوة القانون اعتبارًا من تاريخ انتخابه دون حاجة لاتخاذ أي إجراء آخر.

-->

وأشارت المحكمة الإدارية العليا إلى أن «المحكمة الدستورية العليا تقوم وحدها بتحديد الآثار التي تترتب على الحكم بعدم دستورية نص في قانون أو لائحة، ومن ثم فلا اختصاص لأي جهة في هذه الحالة في تحديد الآثار مرة أخرى، على اعتبار أن هذه المحكمة (الدستورية العليا) تكون قد أعملت سلطتها في هذا الشأن، بحسبانها صاحبة الاختصاص الأصيل في تحديد مثل هذه الآثار، سواء كانت آثارًا مباشرة أو غير مباشرة.

وأكدت «الإدارية العليا» أن المحكمة الدستورية «بينت الآثار المترتبة على حكمها بعدم دستورية النصوص التي تكّون على أساس منها مجلس الشعب، بأن المجلس قد زال وجوده بقوة القانون نظرًا لبطلان تشكيله منذ انتخابه، وبالتالي لا يكون للمحكمة الإدارية العليا أي اختصاص في النظر فيما حددته المحكمة الدستورية العليا كآثار لحكمها، لما في القول بغير ذلك من تسليط لرقابة هيئة قضائية ذات استقلال وهي مجلس الدولة، على هيئة قضائية أخرى مستقلة هي المحكمة الدستورية العليا بالمخالفة للأحكام الدستورية وأحكام قانون المحكمة الدستورية، التي جعلت لأحكام هذه المحكمة حجية مطلقة في مواجهة كل سلطات الدولة

و احنا فى انتظار حل مجلس الشورى الذى لم ينتخبه إلا 7 % من الشعب ... و يقوم بمهما غي التى انتخب على أساسها ... كما ان هذا الدستور لا يعبر عن الشعب بعد ما تأكدنا ان إللى نزلوا الاستفتاء يمثلوا 68% ... و إللى يحب يعرف باقى اشكال التصويت يدخل هنا عشان يعرف ليه بنطالب باسقاط الدستور و ان شاء الله ح يسقط

كل انواع التزوير فى استفناء الاخوان - دستور باطل

فيلم وثائقى عن تزوير المرحلة الاولى من الاستفتاء على الدستور الباطل

.

 فنحن فى انتظار سقوط الدستور شخصيا ... و لازم يسقط لكم المخالفات إللى شابته و اولها التسويد السافر للبطاقات و التصويت الجماعى

ده تصويت جماعى و لا مش جماعى

ألف مبروك لمصر و عقبال ما يآخد المركز الأول و يبقى مكان بشار سوريا

ألف ألف مبروك ... ألف مبروك لمصر ، أخيرا مصر تدخل التاريخ و لآول مرة فى التاريخ ان بلد صاحبة حضارة تدخل التاريخ من الخلف و البركة فى الاخوان ... إللى قدروا يوجدوا لمصر مكانا فى مؤخرة التاريخ 


 فقد إحتل الرئيس محمد مرسى المركز الخامس فى قائمة مجلة فورين بوليسى لأسوأ رؤساء العالم لعام 2012، والتى شملت اثنين من الرؤساء العرب.

 وجاء ترتيب القائمة كالآتى:
 1- السوري بشار الأسد
. 2- رئيس كوريا الشمالية كيم يونج أون
. 3- رئيس دولة روسيا البيضاء ألكسندر لوكاشينكو
. 4- الرئيس الرواندي بول كاجام
. 5- الرئيس المصري محمد مرسي.

 و قد حقق الدكتور مرسي هذا الإنجاز التاريخي في وقت قياسي "أقل من ستة أشهر" و الله و عملوها الرجالة و دعوتنا له أن يأخذ موقع  بشار دون ان تمر مصر بما تمر به سوريا ... إزاى ؟؟؟ دى محتاجة معجزة لا يقدر عليها إلا الله -->

مبروك على إللى قالوا نعم للدستور - مافيش قانون ح يحميكو و ح نبدأ عصر البلطجة

و بدأت مصر  بالسقوط فى بئر سبع .... اسمعوا الشيخ إللى اقنعكو تقولوا نعم للدستور .. قلت نعم يا حبيبى منك له عشان تدخل الجنة ... شوفوا الفيديو عشان تعرفوا الشيخ ح يدخلكوا الجنة  من أى باب ، باب من مات غريقا او محروقا فهو شهيد ... و طبعا الشهداء فى الجنة  


برهامى قاعد يناقش مسودة الدستور مع لجنة كبار العلماء الغير موجودين في التأسيسيه و بيقول كـــــلاااااام خـــــطـــــيـــــر جـــــدااااا ... ح يفعل قانون الحسبة ... يعنى ح يبقى كل واحد من المصريين عنده شهادة ميلاد و شهادة و فاة و بينهم شهادة كفر تسمح لشيوخ السلفية باهدار دمك .. و التفريق بينك و بين مراتك و بينك و بين ولادك ... و تبقى مجرد كلب عند شيوخ مأجورين يعملوا لحساب إللى يدفع ، تكون السعودية مرة ، قطر مرة تانية ، اسرائيل كل المرات ألف مبروك ضياع دولة القانون....... --> لاحظوا مين قاعد فى الفيديو و تاريخ المؤتمر الموجود ...   الفيديو مسجل بتاريخ : 22-11-2012 و هو إجتماع سري بحزب النور بقيادة/ ياسر برهامي و  باقى قيادات السلفيين للتأمر علي الدستورية والأزهر والقضاء والأقباط والإعلام والصحافة وتحريف بنود القانون والدستور بعد الموافقة عليها والمراقبة الشرعية على النشر بالصحف وإقالة شيخ الأزهر .... مبروك عليكو الضياع يا بتوع نعم ... ادخلوا الجنة بقلب جامد

عايزين تعرفوا ح يفسروا القرآن  إزاى ؟؟؟
 شوفوا الفيديو ده

انصار حازئ ابو سماعين خدوا علقة سخنة فى اسكندرية - اسكندرية بلد الأبطال و الثوار الأحرار

و منين نبتدى حكاية العلقة إللى خدوها المتأسلمين

نبدأها لما السلفيين و الاخوان عاملوا نفسهم مش شايفين و لا سامعين و لا مستعدين يدافعوا عن حرمة المساجد لما اقتحمتها البيادات ايام المجلس العسكرى   .... إللى عاملين زعلانيين أوى ما طلعلهمش حس ايامها ليه ؟؟؟
  يمكن عشان المحلاوى قعد فى الجامع طول النهار و الثوار فضلوا ملطوعين برة مستنينه عشان يقولوله يا عم الشيخ ما يحصش تتكلم فى السياسة على المنبر عشان بتفسد علينا صلاتنا  ... لكن الاشاعات بتقول ان فى ناس تانية كانت عايزة كارت من المحلاوى عشان تهاجر للمحلة بعد استقلال المحلة عن حكم الاخوان

________________

سؤال غريب : هو المحلاوى قاعد فى اسكندرية ليه ، مش المفروض دلوقتى يبقى فى المحلة ولا هو خايف يرجع عشان المحلة اتطهرت و مافيهاش اخوان

لأ دى المشكلة مش فى التمثيلية إللى عملها المحلاوى و حكاية انه اتحاصر فى المسجد و طلع كل ده عشان يكسبوا تعاطف المصريين و يخلوهم يقولوا "نعم" على دستور باطل

امال الحكاية طلعت إيه سببها ؟؟

سببها ابو زلومة ، عفوا أبو حزومة ، قصدى حزومة ... إللى قال للاسكندرنية احنا ح نوريكم ان مافيكوش رجالة .. و حشد انصاره للذهاب إلى الاسكندرية لتعذيب شعبها

و طلع يوسف زيدان الأديب السكندرى المعروف و  وجه رسالة لحازئ أبو اسماعيل قاله فيها  :

بمناسبة حالة الترقّب التى تسود الإسكندرية ، انتظاراً لما سوف يسفر عنه مجيئ أتباعك " حازمون " لنصرة الشبخ المحلاوى ، بعد ساعات . أحيطك علماً بالآتى : منزل الشيخ المحلاوى و مسجد القائد إبراهيم الذى يخطب فيه ، كلاهما فى قلب الإسكندرية ، و ليسا فى أطرافها أو العشوائيات التى التصقت بها فى زمن مبارك ، حيث يتمركز السلفيون . و بالتالى فإن "اللعب" اليوم سيكون فى "الإسكندرية" الحقيقية ، و على بُعد خطوات من منزل "خالد سعيد" و بقية الأحياء الموجودة منذ الزمن السكندرى الأول . و أهل الإسكندرية ، إن كنت لا تعلم ، هم أشد المصريين عنفاً وأحرّهم مزاجاً عند اللزوم ، منذ أيام البطالمة إلى أيامنا الحالية . و الرأى عندى أن تمنع أتباعك عما ينوون عليه اليوم ، لأنه إذا حدث صدامٌ ، فسوف يُراق دمٌ كثيرٌ لغير وجه الله . . فتتدبّر الأمر قبل فوات الأوان ، و تذكّر معى قوله تعالى " لن يُجيرنى من الله أحد "

حتى المواطنة العادية قرفت من المتأسلمين و قررت ضربهم بالطوب

شوفوا الست العجوزه دي اللي مش قادرة تصلب طولها دى إللى المتأسلمين بيقولوا عليها من الميليشيات المسلحة الدموية الإرهابية اللي عمالة يا عيني تطارد ملائكة الإخوان والحازمون !

امتى عبيد المرشد وعبدة العجل هيفهموا إن الشعب المصري هو اللى مبقاش طايقهم ؟؟
الناس اللي مالهاش في أى حاجة في الدنيا وماكانتش بتنزل من بيوتها بقت بتنزل عشان تحارب إرهاب الإخوان والحازمون في كل مكان .. والصورة دي أبلغ دليل على الكلام ده.

و ماحدش يقولى إيه إللى ودى اهالى اسكندرية عند القائد ابراهيم ... السؤال الصح : إيه إللى سفر المتأسلمين اسكندرية ؟؟  ... هو المحلاوى ح يهاجر مع المتأسلمين .. ما ح يفضل مرمى فى اسكندرية و اهالى اسكندرية إللى ح تحميه
_________________________

 المتأسلمين بلا مخ و لا بصيرة و لا ضمير 

و بدأت المعركة لما انصار ابو اسماعيل بدأوا يهتفون فى محيط جامع القائد ابراهيم:

خيبر خيبر يا يهود ... جيش محمد سوف يعود .
______________________
ربنا يشفى .. دول هبل بجد ... يهود مين يا واد منك له ... دول الاسكندرنية مسلمين مصريين ، دول إللى انتوا منعتوهم يصلوا فى المساجد اول ما وصلتوا ... و لآنهم خافوا على دينهم  الأسلام و لحرصهم على وطنهم - مصر- و لحبهم لبلدهم اسكندرية قرروا يرنوا حازمون او حازئون علقة سخنة 

و نزل أهل إسكندريه للشوارع في كليوباتر وسيدي جابر وغيط العنب وكرموز يجروا في الشارع ورا السلفيين و الاخوان المتأسلمين
...  

 و بعد ما الاسكندرنية الجدعان رنوا حازئون و الاخوان الفاسدين علقة سخنة  قرروا حرق اي عربيه عليها اسم حزب النور و بدأ السلفيين يجروا فى الشوارع زى المجانين  من هياج اهالي اسكندرية إللى حصروهم فى كل حتة ... و بدأ الاهالي يعملوا كماين في كل حته عشان يصطادوا الاخوان والسلفيين

كنت متأكدة ان اول شئ ح يهزم المتأسلمين هو جو اسكندرية - مطر و رزاز بحر و امواج تعبر الشارع ... جو لا يتحمله إلا الاسكندرنية الرجالة
مش كلاب الاخوان و حلاليف حازئ ابو زلومة

-->

و إليكم صور حرق اسطول الاحتلال الاخوانى و السلفى

حرق اتوبيس تابع للأخوان في منطقة الازاريطة الان

 و ده فيديو توديع انصار حازئ ابو زلومة و اصدقاءه من الاخوان الفاسدين ... و إللى اللقاء مع علقة جديدة يخدها حازئ شخصيا إللى قالك انا ما قدرتش اروح اسكندرية عشان الشاحن ضاع 

و ح تكتشف قريب التمثلية البايخة إللى عملها المحلاوى ... و لو هو كان عرف انه على حق و اتحاصر فى المسجد كان هرب من اسكندرية لكن هو عارف هو عامل إيه عشان كدة ح يخطب عادى فى الجامع لأن ماحدش اتعرضله ، ده مسلسل من تأليف و تمثيل الاخوان 

و لأن كرامة أى اسكندرانى خط أحمر احب أقول للوكلاء النيابة إللى افرجوا على المتهم "عرفة " بتاع حازئون  ، الاسكندرية تهدى هذا اليوم إلى وكلاء النيابة و بتقولهم ما تخافوش من ارهاب عصابة حازئ ابو اسماعين ، و إللى يثبت عليه الادانة حاكموه و 
اسجنوه و لو تطلب الأمر لأعتقاله اعتقلوه

فلا تخشون فى الحق لومة لائم
يا وكلاء النيابة : لا تخافون إلا الله
و لا تطيعوا النائم العام و لا الرياسة إذا طلبوا منكم ان تحيدوا عن طريق الحق 

فيلم وثائقى عن تزوير الاستفتاء فى مصر - كل ده و جابوا 56 % يا خراشى

-->

الاحلى من التزوير ده كله كلام الغرياني «قبل الاستفتاء»:
 قال ايه ... قال ان موافقة على الدستور بنسبة 51% من الشعب  يعنى الفشل ولابد من تجاوز نسبة الـ80%

لكن طبعا ما وضحش ان كان 80 % دول بالتزوير و لا مشفى ... على العموم مش ده الموضوع 

الموضوع انه الغريانى أعلن  دستور الأخوان فاشل

 ولأن الاخوان محترفى كذب احب اقولهم يرجعوا لموقع «صدى البلد» بتاريخ 7 أغسطس 2012 «قبل الاستفتاء» ح يلاقوا تصريح حسام الغريانى رئيس الجمعية التأسيسية لوضع الدستور ملعلع 

 و ده نص تصريحات الغريانى على موقع «صدى البلد»: 

- قال المستشار حسام الغريانى رئيس الجمعية التأسيسية لوضع
 الدستور إن الجمعية تعد دستور لمصر وليس لحزب او جمعية او طائفة او فئة بعينها. وأضاف، خلال الجلسة العامة التى عقدتها الجمعية اليوم، أن الدستور له معالم فهو لا يتماثل مع خطط الاحزاب والجمعيات ولوائحها، مشيرا إلى ان هناك لجان فى الجمعية تعمل كأنها تعد برامج احزاب او وزارات فالبرامج تتغير و لكن الدساتير لا تتغير. وقال “يجب ان نقدم للشعب فى الاستفتاء دستور يوافق عليه بالاجماع و لو وافق عليه الشعب بنسبة تتجاوز الـ 80 % فسنكون نجحنا و لو جاءت النسبة 51 % نكون فشلنا وسيحتاج هذا الدستور لتعديل قريب”. 

 وقال “الغريانى” إن هذا الدستور سيوضع به أمورا لم تتناولها الدساتير السابقة. ولفت الى أن الدستور سيكون به مواد تعالج تعديله، مضيفا “اقترح عليكم ان يكون تعديل الدستور بطريقة صعبة و ليس سهلا على اى حكومة او اغلبية، او ان يأتى احد لديه امل لطائفة او فريق او فئة يريد وضعه فى الدستور .

المسودة النهائية لدستور الاخوان - دستور مصر اللى رفضه الشعب

المسودة النهائية للدستور 2012 

--> قولوا لأ لدستور قسم الشعب المصرى 
قولوا لأ دستور ما بيراعيش الفقرا 
قولوا لأ لدستور مكتوب لفئة واحدة من الشعب
 قولوا لأ لدستور بيقتل المصريين 
قولوا لأ للدستور يجعل رئيس الجمهورية فوق الشعب 
قولوا لأ لدستور يضيع حقوق الشعب
قولوا لأ لدستور يفرق بين المصريين