بشاير 25 يناير بدأت تهل

لانضمام لحركة مصرنا على الفيس بوك - اضغط هنا

دعت حركة مصرنا لعمل أطول سلسلة بشرية بشارع جمعة الدول العربية ، و زى ما انت شايف فى الفيديو  كدة خرج الشباب فى الصقيع و البرد عشان يقولوا مطالب الثورة و يرفعوا لافتات باهم انجازتها

و أعلنوا الخروج يوم 25 يناير لإستكمال مطالب و تأبين الشهداء .. إلا ان العسكرى رأى انه من الواجب الإحتفال بالثورة و جعل ظباه المشاركين بها من قوم نوط ، حيث قرر ان يكون يوم 25 يناير 2012 يوم لتنويط ظباط الجيش و منح هدايا للشعب المصرى

.. و هنا دشن نشطاء التويتر  هاشتاج جديد باسم scafgifts" ... قدروا من خلاله معرفة طبيعة الجوايز إللى ح يوزعها العسكرى على الشعب المصرى ابتهاجا بالثورة  .. فقد السيد / عتمان مسؤل المعنويات أن المجلس العسكري  سيقوم بتوزيع هدايا  من خلال طائرات هليكوبتر تحلق فوق 19 محافظة، احتفالا من المجلس العسكري بالذكري الأولي للثورة.

و الهدايا كما تم  رصدها من الكنترول - كنترول هدية المجلس طبعا :

1.  دبدوب علي شكل خالد عبد الله كل ماتدوس عليه يقول " يا واد يا مؤمن " .
2. مسدس خرز ودبدوب علي شكل العيسوي تدوس علي بطنه يقول إحنا ما عندناش قناصة أصلا.
3. عروسة علي شكل توفيق عكاشة لابسه كالسون بيكيني وعرايس على شكل مبارك تدوس على بطنها تطلع لسانها.
4. جزمة بتزمر كل ما تمشي بيها تقول “عسكر .. عسكر” ..
5.  سلسلة فضة عليها لعبة مكتوب عليها “آي لوف ماي سكاف “.
6. خبير استراتيجي تدوس على بطنه يصقف للمجلس العسكري.
7. بسكلتة إنتاج.. وسنادات هدية.
8. كوبون بنك_الحظ الحربي مكتوب عليه " حماتك تحبك أرسلت لك حوالة اذهب إلى س ٢٨ لتحصل عليها."
9. كوبونات مفاجأت بنك_الحظ_الحربي، تفتح الكارت ، تلاقي مكتوب به : " قمت بثورة والقاضي حبس الثوار ادفع 20 ألف جنيه كفالة واذهب للسجن فورا " 
10. ربطة جرجير لعكاشة الفل 
11. موسوعة " السلاسل الفضة في أصول الثورة المضادة".
12. السي دي الكامل لتمثيلية محاكمة المخلوع .
13.  كتاب " الشهيق و الزفير في جمال بدلة المشير.
14. مسدس بيضرب طلقات فوتوشوب بيموت الناس الفوتوشوب ..
15. طرف تالت لكل مواطن.
16. كارت جديد من بنك الحظ الحربى ، كل كارت مكتوب عليه قنبلة أو مطاطي أو خرطوش أو قنص أو طوبه أو سلاح ابيض …. أنت ونصيبك اختار أصابتك بنفسك
17. كرات لهب في كانزات.

و لما يجى معاد الغدا الشعب يتقدمله مدرعات بالباشاميل.. وصوابع زينب ومكتوب عليها الأصابع الخفية.

 الأغنية اللي هتبقي شغالة : قولوا لأمي متزعليش لو خربشتي ومكسبتيش .. قولولها معلش يا أمي معايا كوبون تاني متيأسيش

ـ و التونبلة ح تبقى على : فوارغ طلقات والي يعرف الطلقة الحية ياخد دفعة رشاش مكافأة

- و المسابقة ح تتلعب عن طريق الطيارات ، يوم 25 يناير الطيارات هترمي صور أعضاء المجلس كلهم واللي هيلاقي صورة المشير هيكسب مدرعة !!

و ختام اليوم ح ينتهى بتشيع جثمان الشرفاء حسب الخطة الموضوعة و هى : ارمي الكوبونات من الطيارات، ناس كتيرة هتوطي تجيبها، اللي هيفضلو واقفين وباينين هم الثوار والأحرار، تقوم القناصة تنشهم

و السؤال إللى ح يرجع بيه كل مصرى لو رضيوا بالكبونات او بالاحتفالات و نسيوا الثورة : " يا ترى لو خربشنا كوبونات العسكر هيرجعولنا عيون حرارة أو حياة الشيخ عماد أو مينا أو كل الشهداء

الحلقة 26 من مسلسل الحاجة ايفون - بوحدة الصف تنجح الثورة و تحقق مطالبها

الحلقة تدور حول فرض القيد على حرية التعبير ، مما دفع الصحفيين اللجوء للأعمدة البيضاء اعتراضا على الرقيب العسكرى .. و تتصاعد أحداث الحلقة ليتسبب تكميم الأفواه فى اتحاد قوى الشعب على مختلف توجهاتهم ، من عمال ، صحفيين ، مهندسين ، محامين ، طلاب ، مسلمين ، مسيحيين .. التصاعد بيحصل إزاى ؟؟ تقدروا تسمعوا الحلقة و تعرفوا


مسلسل الحاجة ايفون  للمخرج أيمن عبد الرحمن - تأليف سمر العزب - بطولة منال سلامة - ايهاب فهمى - انعام الجرتلى - فايق عزب - سميرة عبد العزيز  

مركز عين لحرية الاعلام يدين صمت اعلامى ماسبيرو

اندهشت بشدة من حالة الصمت الرهيب التى تسود ماسبيرو خاصة بعد ترقية أدمن صفحة " آسفين يا مخلوع " لمنصب قيادى هام بالمبنى  .. و هذا الشعورتضاعف  بعد ظهور البيان الآخير لمركز عين و إللى عنوانه " صمت ابناء ماسبيرو.. رضا.. ام غضب مكتوم "

 للتواصل مع مركز عين لحرية الاعلام - اضغط هنا -

بيان مركز عين لحرية الاعلام :

منذ شهور طويله وعقب الثورة فى يناير ساد مبنى التليفزيون مظاهرات عنيفه بين مطالب بتطهير جهاز الاعلام الرسمى واقالة قيادات المبنى من ابناء امن الدوله والحزب الوطنى، وإعادة صياغة السياسة الاعلامية للإعلام الرسمى بما يتناسب وما بعد 25 يناير.

كان الجزء الأكبر لهذه المظاهرات يسعى إلى إقامة عدالة اجتماعية بين الإعلاميين فى مبنى ماسبيرو... وكان السعى لتحقيق العدالة الاجتماعيه هدفا لجميع الإعلاميين.

فماذا تحقق من هذه الاهداف.. ليخيم الصمت على ماسبيرو... وأين  كل من كان ينادى بالعدالة الاجتماعيه ـ الحد الأدنى للمطالب ـ لا شئ تحقق.. وبخاصة فى القطاع الإقليمى وقطاع الإذاعه اللذان يحصلان على أجور تساوى 40% و 20 % من أجور قطاع التليفزيون وبعض قنوات قطاع المتخصصة وقطاع الإخبار.

اما عن السياسة الإعلامية فحدث ولا حرج، فقد استمرت سياسة مهاجمة الثورة والثوار.. ومن يسير فى ركب الثورة والثوار من الباقيين من شرفاء المبنى يتم تحويلهم إلى التحقيقات القانونية بغرض الارهاب والتخويف، والأمثلة عديدة فى القناة الثالثه وفى اذاعة راديو مصر بقطاع الأخبار وفى اذاعة الشباب والرياضه بالاذاعه المصرية... وبدلا من الارتماء فى احضان الحزب المنحل اصبحت الولايه الآن للمجلس العسكرى.

اما على مستوى القيادات.. فلقد جاءت كل التغييرات مخيبة للآمال..وظلت تخرج من معين أمن الدوله والحزب الوطنى... وكان الاختيار الأكثر صدمه هو تعيين ثروت مكى عضو أمانة الاعلام فى الحزب الوطنى رئيسا للاتحاد بل والمد له بعد سن المعاش... هذا بالاضافه للاختيارات الغريبة لرؤوساء القطاعات الذين يدينون بولائهم للنظام السابق بل ويتمتعون بقلة الكفاءة الادارية والمهنية على السواء.

ومع تولى اللواء أحمد أنيس وزارة الاعلام أصبح ماسبيرو جزءا من إدارة الشئون المعنوية وناطقا بلسان حال المجلس العسكرى، وظلت قياداته كما هى بل تأتى التوقعات بتغييرات أسوء من سابقيها .

ومن هنا يبقى السؤال هل يرضى ابناء ماسبيرو بما يحدث داخل المبنى أم أن الغضب المكتوم سينفجر فى وجه هؤلاء الذين ارتموا فى أحضان الثورة المضاده والتى يقودها المجلس العسكرى وبقايا النظام السابق.

رسالة أحد اعلامى ماسبيرو إلى مركز عين لحرية الاعلام

مركز عين لحرية الإعلام

عزة هلال احدى ضحايا الجيش تطالب بمحاكمة المجلس العسكرى

إلى الذين اعتادوا تزوير التاريخ و طمس الحقائق و نشر الأكاذيب ، احب أقولكم هأوأو أو أو ... عليكم واحد .. خلاص الكلام ده مش ح يحصل تانى ... و بعد ما تتحاكمو مرة ، ح تتحاكمو الف مرة مع ظهور جيل جديد يريد أن يقتصل ممن ظلم ابيه و ظلم أمه ، لمجرد انهم خرجوا يطالبون بحق شعب مصر فى الحرية و الكرامة و العدالة و الانسانية 

يا ايها القتلة المجرمون ح تعملوا ايه لما تفنى الاجساد ، و تبقى البلاد غير البلاد .. و التاريخ تكتبه الذاكرة الرقمية حيث تكون كل آرائنا وكلماتنا بل وأصواتنا وصورنا وفيديوهاتنا مسجلة فى ذاكرة دجيتال يتحكم بها الكومبيوتر .. ح تكولوى التاريخ الراقمى للمحاكمة العسكرية .. فكروا فى تصرفتكم شوية ... مدام انتو مش مصدقين بوجود رب للعالمين و لا يوم حساب يرد حق المظلوم

يا ترى كل واحد أجرم فى حق مصر و فى حق شعب مصر ح يواجه ولاده إزاى و احفاده بأى وش  ... زمان كانت سيرة البنى آدم بتموت بموته ، لكن مع الديجيتال  مافيش موت إلا بموت الكرة الارضية كلها . 

بعد ما الحقيقة بقت بتتسجل صوت صورة ، مش فاضل غير ان الناس تعرف الحقيقة قبل فوات الآوان … زمان كانت الحقيقة بتتزور ، و دلوقتى مش ح ينفع ابدا ، لكن ممكن تتأخر و تأخير ظهور الحقيقة ممكن يغير كتير .. عشان كدة إللى يعرف حاجة لازم يقولها و ما يخبيش .. لأننا فى سباق مع الزمن و مع الديكتاتور

التخويف سلاح كل ديكتاتور - و الخوف ما بيهزمش غير العبيد - و الثورة ح تنتصر

الخوف خلاص قال للمصريين انا مش قادر عليكم و مضطر أسيبكم ... كل الناس فرحت إلا العبيد و الفلول و الخدامين ، قالوا إزاى ده احنا اتعودنا نآخد بالكرباج و نخاف من الحاكم

الخوف قال بعد 25 يناير إللى فات ما بقاليش عيش فى بلدكم ، ده انتوا شبابكم ما عندهمش حاجة يخافوا منها و لا يخافوا عليهم ، و لا هما طمعانيين فى منصب و لا فلوس و لا حتى محتاجين رضا الحاكم .

و فضل العبيد يتحايلوا على الخوف عشان يرضى يخليه شوية ، و الخوف من رعبه يشد نفسه و يحاول يهرب ... و العبيد تصر على استمرار الخوف و فى محاولة منهم لاقناع الخوف بالبقاء فى البلد ، اكدوله و حلفوله انهم ح يزودوا جرعة الكذب ، و ح يفهموا كل الناس أهمية الخوف من كل حاجة و أى حاجة ... ح نخوف الأم من ولادها ، ح نخوف الناس من الحق ، ح نخوف النهاردة من بكرة إللى جاى ، ح نخوف المظلوم من إللى بيجبله حقه 

و بمناسبة المظلوم و الظالم تعالى نشوف شوية حاجات متعلقة بمنظمات حقوق الانسان فى مصر 

و عشان نعرف الحقيقة لازم نجيب الموضوع من الأول و نعرف منظمات حقوق الانسان بتصرف على مين ؟؟


و ده سبب وجيه للتقارير الأمنية الخاصة بمنظمات حقوق الانسان



و للى مش عارف حقيقة منظمات حقوق الانسان نرجع نقوله


منظمات حقوق الانسان بتساعدك فساعدها



و بعد كل إللى عرفناه مافيش مبرر للخوف من منظمات حقوق الإنسان مهما حاول الخوف انه يخوفنا

 و الخوف قرر يجرى و يسيب المواطن فى هدوءه عشان يتمتع بانسانيته ... اصل المواطن العادى أكتشف ان الدولة بتآخد منح من نفس الجهات إللى منظمات حقوق الانسان بتأخد منها و بدؤا يسألوا وزيرة التضامن افجتماعى فين الفلوس إللى خدتيها من المجتمع الدولى ؟؟

صرفتيها فى إيه ؟؟؟

و اتقلب السحر على الساحر ، و الخوف إللى كان بيرعب المواطن بقى بيرعب إللى فوق شجرك يا لمونة

و أدولف هتلر قالك إيه  

إذا أردت السيطرة على الناس .. اخبرهم أنهم معرضون للخطر، ثم حذرهم أن أمنهم تحت التهديد، ثم خوّن معارضيك وشكك في ولائهم ووطنيتهم"

محاكمة المخلوع مش ح تم إلا بقضاء ثورى

مافيش تعارض بين القضاء العادل و القضاء الثورى ، لكن الفرق أفضل لصالح مصر لأن القضاء الثورى  ح يختار شخصيات ليس لديها أى حساسية فى الحكم على المخلوع ، و لا بيفكروا فى الأيام الخوالى إللى جمعتهم مع بعض ، و الفساد إللى اتستروا عليه ... ف المحكمة الثورية ح تيجى بقضاة اكثر نزاهه و عدالة ، لا يعانى  أى حد منهم من مشاكل جلدية و  لا يعانى من أى ارتكارية و لا طفح جلدى لما المخلوع يبرقله و يفكره انه زمان كان بيبوس تراب رجليه


و عشان كدة لازم نحصر  أهم المشاكل إللى بتواجه محاكمة المخلوع : 










و الأسئلة إللى بتواجه محاكمة المخلوع هى :





و أغرب حاجة حصلت فى محاكمة المخلوع هى : 



و للى مش عارف كواليس المحاكمة إللى كانت بتاريخ 28 يقدر يسمعها معانا 





و بداية المحاكمات بتقول :

African ad platform

سر الخوف من 25 يناير القادم

سر الخوف من 25 يناير القادم
- Watch more Videos at Vodpod.

الاشتراكيين الثوريين يريدون هدم دولة الفساد
- Watch more Videos at Vodpod.

سر الخوف من الاشتراكيين الثوريين
- Watch more Videos at Vodpod.