اسكندرية بتغرق و ح تكر معاها باقى المحافظات

السنة إللى فاتت كنت فى اسكندرية فى شهر  يناير ... و المشكلة كانت ف شارع 45 بالأسكندرية  و بس ، و كان وقت نوة ....  لكن اللى بيحصل السنة دى و بادئ و مع اواخر شهر اكتوبر و قبل اى نوة بيأكد ان اسكندرية ما فيهاش محافظ ، و لو فيها سباك كان عرف يحل مشكلتها إللى عمالة تتفاقم سنة عن التانية

ما ينفعش يبقى آخر طموحاتنا ان البلاعات فى بلادى تبقى سالكة ... بس عمالين يكذبوا و يقولوا ح يبنوا عاصمة ادارية جديدة ، ده انتو مش عارفين تحافظوا على الأماكن اللى الناس عايشين فيها

و لما المواطنين العالقين في الانفوشي  اشتكوا و ماحدش عبرهم بسبب تأخر العباره المتجهه الي الازاريطه مما اضطر بعض المواطنين المتذمرين الي استئجارلنشات وتكاتك بحريه خاصه

ا لحلول البديله : لو البلاليع مش حتسلك اصرفولنا قارب لكل مواطن عشان نروح اشغالنا .. وواحد يقدف ويبقى هو قبطان القارب يبقى كده قضينا على مشكلتين البطاله و المجارى

الكارثة و المشكلة مش بس فى الماية اللى مالية الشوارع و بوظت العربيات و أعاقت المرور و عطلت المصالح ، لكن لما الكهربا طالت اعمدة الانارة اللى اسلاكها مكشوفة و بدأت تصعق الناس ... فى سبعة ماتوا النهاردة يا مسيرى ، فى سبعة ماتوا يا سيسى

إسكندرية غرقت !!! ... والناس ماتت .!!!. والشرطه قلعت يا مسيرى !

إسكندرية زمان كانت في الشتا بتبقى تحفة بجد الشوارع كانت بتلمع والمشي فيها متعة .. لما بشوف الصور دلوقتي بتحسر والله

و كده أول يوم شتا ، فما بالكم بالأيام والشهور الجايه؟ الوضع كارثي والله بس مصر مشغوله للأسف بحاجات تانيه كتير أهم ومحافظ اسكندريه كذلك مش فاضي عشان بيركب تكييف في الترام..
القبض على الاطفال اللي معاهم بلالين صفرا أهم، والقبض على شباب الجامعات أهم، وزيادة المرتبات الصفوة أهم ، بناء الأسوار والأبراج حوالين أقسام الشرطه  أهم 

صورة الراجل اللي كان ماشي على سور البحر والمايه حواليه من هنا ومن هنا مبتضحكش، وصورة العربيات اللي المايه واصله لحد سقفها مبتضحكش، وفيديو الراجل اللي كان بيعدّي الناس من رصيف لرصيف تاني عشان مينزلوش في المايه مقابل جنيه واحد للفرد مبيضحكش، فيديو القوارب اللي الناس بتركبها عشان تتنقل بيها في الشوارع مبتضحكش، الحاجات دي الطبيعي انها تجيبلنا اكتئاب..

لو الحال فضل على نفس الشكل مش بس اسكندرية اللى ح تغرق ، ده المركب كله إللى ح تغرق، المركب  ح تغرق والله.

و اخيرا لحد ما الحكومة تتحرك ، سواء تحل المشكلة او تتحل هى نفسها

يهمنى أقول  لكل واحد يا جماعة. انشر النصيحة دى لكل اهالينا اصحاب العربيات اللى غرقت وحتى الميكروباصات والتكاتك اللى فاتحة بيوت....

لما الموتور ينزل تحت المية وهو مطفى ويقعد شوية غرقان بيتملا ميه جواه. هو كده لسه سليم لكن لو دورت الموتور وهو فيه ميه قبل ما تفضيها حتكسره ويحتاج عمره موتور! لازم ميكانيكى يساعدك او حد فاهم.

من خبرتنا فى السفارى لما العربيات بتعدى فى الميه لازم الموتور يفضل داير وعمة الهوا فوق المية متنزلش. لو العمة كمان غرقت حيخش ميه وينطفى. اوعى تدوره لغاية ما تفضيه والا البيلات تنكسر وممكن تطق من وش السلندر لو اتغصبت عالدوارة.
ممكن تفضى الموتور ببلوار من فتحة البوجيهات لكن برضه لازم واحد فاهم معاك.

المصري لم يقاطع الانتخابات بل قاطع ......

مصطفى السلماوى كتب يقول :

المصري لم يقاطع الانتخابات بل قاطع

1- بل قاطع كل الذين شوهوا ثورته
2- وقاطع الذين رفعوا معدل الفقر ب ١,٢٪ الي ٢٦,٢٪
3- وقاطع الذين اوصلوا حجم الاحتياطي النقدي الي مليار دولار وبقية ال ١٥ مليار ودائع لو سحبت لانهار الاقتصاد كله
4- وقاطع الذي استهانوا بكرامتنا فحبسوا وقتلوا ولفقوا وبرأوا واتهموا وتجاوزوا في الظلم المدى
5- وقاطع الذين ظنوا ان الوطن يبنيه اعلاما كاذبا ديدنه تصريحات كاذبة

https://www.facebook.com/iammostafa/posts/10153693796064859
6- وقاطع الذين تركوه فريسة للفقر والظلم واطلق العنان للكبار ليسرقوا ما تبقى من قوته
7- وقاطع الذين اهانوه في تفكيره ..ولم يحترموا عقليته ، وطاردوه حتي التفتيش في عقله

8- وقاطع الذين فشلوا في ادارة عملته والمحافظة علي قيمتها وسمحوا بفاتورة استيراد مستفزة ليملأوا بطونهم وكروشهم
9- وقاطع الذين ظنوا ان الجهل المتفشي من تعليم مازال ردىء قادر علي قيادة الناس فاذ بالناس تدوي صفعاتها علي وجوههم

10- وليس آخرا ...وقاطع الذين استهانوا فعينوا وزيرا لا يعرف النحو والاملاء واخر وصف الشعب بالعبيد وثالث جاء ليعيد صفقات التعاون من الصهاينة
الشعب ابتلع المرارة ، وظل صابرا صابرا
حتي حانت لحظة اختباره فصفع كل ما مضي بصمته وكان صمته سيفا لا مثيل له

 https://www.facebook.com/iammostafa

الراجل اللى ورا عمر سيلمان يقترح حلول أمنية للقضاء على المظاهرات

 نشكرك ابداعك
و ابداع من اختارك للمخابرات

‎Posted by ‎الملك أحا - مؤسس مصر‎ on‎ 5 سبتمبر، 2015

واضح ان ملفات محلب ح تتفتح مع ملف وزير الزراعة

رغم ان محلب ما استقلش بعد فضيحة رشوة وزير الزراعة اللى جرت معاه تسعة من حكومة محلب إلا ان سؤال الصحفى التونسى لازم يجبره على الاستقالة

انسحب رئيس الوزراء، إبراهيم محلب، والوفد المرافق له من اللقاء الإعلامي الذي تم تنظيمه بالشراكة مع رئيس الحكومة التونسية، الحبيب الصيد، بدار الضيافة بقرطاج، «بسبب سؤال حول تورطه في قضية فساد، وذلك على خلفية إقالة وزير الزراعة المصري».

وحسب موقع راديو «موزايك» التونسي، فإن «الإعلامي بقناة الزيتونة، مقداد الماجري، قد توجه بالسؤال إلى رئيس الوزراء المصري الذي غادر دار الضيافة دون الرد بأي كلمة ولكن بعض أفراد الوفد المرافق له عبروا عن استيائهم مما اعتبروه تدخلا في شأن داخلي يخص مصر.«

ووفق فيديو بثته إذاعة «شمس إف إم»، كان نص السؤال الموجه لمحلب: «اليوم وزير الزراعة يستقيل بعد اتهامات بالفساد وحضرتك متهم رئيسي أيضا في قضية فساد تعرف بقضية القصور الرئاسية وتلاعب في الأموال العامة...»، إلا أن محلب لم يكمل الاستماع إلى السؤال وانسحب من المؤتمر ومعه الوفد المرافق له.

الأمير اضعف من ان يخاطر احد أبناء النظام بالأمن القومى من أجل الاطاحة به

ليا زميل بيقولى مش ممكن يكون اللى حصل فى ماسبيرو ده تخريب متعمد لأن الكهرباء فى ماسبيرو مش محطوطة على نفس المخرج ـ بفتح الميم ـ و لا لها نفس المدخل ... لكن اللى حصل ده ناتج عن سوء صيانة و فساد فى المبنى

______________

رديت عليه و قولتله كلامك بيأكد انها مؤامرة بطيئة الحركة لدرجة 

ان ماحدش يلاحظها ... و اللى قام بقطع الكهرباء عن ماسبيرو 

لابد ان يكون مهندس أو مجموعة مهندسين معاهم خرائط 

الكهرباء 

فى المبنى ، و استطاعوا من خلال هذه الخرائط معرفة النقاط 

التى يمكن من خلالها تعطيل كهرب المبنى كله فى نفس الوقت رغم ان

المدخل مش واحد و المخرج مش وحيد .

كما انهم استطاعوا معرفة اماكن تعطيل كل مولدات ماسبيرو فى 

نفس الوقت 

و رغم ان المبنى مراقب بالكاميرات و ينتشر به افراد الأمن و المخابرات فهذا ما يؤكد ان من قام بهذا العمل حركته متاحة داخل ماسبيرو دون أى شك

.....  فهذا لا يعنى ان العقل المدبر لابد ان يكون من ابناء ماسبيرو 

... لكن اليد الخفية التى شلت كهرباء المبنى هم من ابناء ماسبيرو 

أصل الحاجة اللى ما يعرفهاش غير أهل ماسبيرو ان اى حاجة فى المبنى ممكن تحصل بالرشوة .... كلمة السر اللى بتفتح كل ابواب ماسبيرو " الرشوة "

لكن الاشاعة اللى مطلعها الأمير ان محلب استغل سلطاته عشان 

يشل شبكة الكهرباء فى ماسبيرو ... أحب اقول للأمير و اتباعه : 

انت اضعف من نملة عشان محلب يخاطر بمركزه و بالأمن 

القومى للبلاد - من وجه نظر النظام و ابناءه - و يخاطر بالسيسى 

نفسه عشان يطيح بيك ايها العصام الامير"

 و معروف ان الفسدة لا يأتون إلا بمن هم على شاكلتهم ... و 

طبعا 

كلنا عارفين من اتى " بعصام الأمير " ... و طبعا ممكن نتخيل 

ملفه شكله ايه .... فملف الأمير قادر على الاطاحة به مش  عمل 

عبقرى زى شل كهرباء مبنى عريق زى ماسبيرو 

لكن  من قام بقطع الكهرباء عن ماسبيرو يريد ان يرسل رسالة 

واضحة  هدفها :

- التأكيد على ضعف النظام 

ـ يوضح ان ظلم  النظام و الفاشية التى يسير فى اتجاها قاربت على 

الانتهاء برحيله

اعتقد ان الرسالة المبعوثة من قطع كهرباء ماسبيرو تعنى

الآتى :

النهاردة قطعوا الكهربا عن ‫#‏ماسبيرو .. بكرة ح يبثوا البيان الاول للثورة و اعلان الانقلاب على النظام الحالى ... خلوا الفاشية و الظلم ينفعكوا 

"