رسالة إلى حزب الكنبة - تموت واقف ولا تعيش راكع

مطالب مليونية 9 سبتمبر و شعارها “تصحيح مسار الثورة” :
1. وضع جدول زمني لإجراء الانتخابات التشريعية والرئاسية وتسليم السلطة لإدارة مدنية منتخبة
2. الوقف الفوري للمحاكمات العسكرية بحق المدنيين وإلغاء جميع الأحكام العسكرية الصادرة بحقهم
3. الوقف الفوري لتصدير الغاز لإسرائيل وطرد السفير الإسرائيلي من القاهرة ومراجعة اتفاقية كامب ديفيد
4. , تطهر القضاء وضمان استقلال وتطهير مؤسسات الدولة وعلى رأسها الداخلية والجامعات
5. إقالة النائب العام
6. منع قيادات الحزب الوطني المنحل من ممارسة الحياة السياسية لمدة 5 سنوات على الأقل
7. العمل على استعادة الأمن والأمان بالشارع المصري.
8. القصاص العادل للشهداء وضمان حقوقهم وحقوق مصابي الثورة
9. محاكمة الرئيس المخلوع حسني مبارك وأولاده وحاشيته بتهمة الخيانة العظمى وتطبيق قانون الغدر
10. وإلغاء قانون تجريم التظاهرات والاعتصامات
11. التوقف عن اتهام الثوار بتعطيل عجلة الإنتاج
12. ضمان استقلال الأزهر على أن يكون اختيار شيخ الأزهر بالإنتخاب وليس بالتعيين.





بما اننا اموات ولاد اموات - تحب تموت فطيس فى قس..., posted with vodpod

انت من 99% و لا انت مع الشيخ وجدى غنيم ؟؟؟

اعلن المجلس العسكرى ان 99 % من الشعب المصرى موافق و راضى عن قراراته .. يا ترى انت مين ؟؟ 1 %         ولا 99

مصر فوق الكل

لا لإعتقال الدكتور عمرو أحمد موسى

بيان يخص : اعتقال الطبيب عمرو أحمد مرسي من محاكمة مبارك

عمرو مرسي طبيب الأسنان المصري وأحد أعضاء جمعية أطباء التحرير وعضو حركة 6 إبريل تم اختطافه اليوم ظهرًا من أمام مقر محاكمة مبارك، وذلك لدى قيامه بواجبه الوطني والمهني والإنساني في إسعاف أحد الأشخاص المصابين في الاحتكاكات التي جرت بين مؤيدي مبارك وأهالي شهداء الثورة والذي كان ملقى على الارض ويحتاج لمساعدة طبية عاجلة، وقد تعرّض الطبيب لضرب مبرّح من قوات الأمن واصابات شديدة وخلع في الكتف.
وقد اعتقل معه ما يقرب من عشرين فردا تم وضعهم في سيارة ترحيلات إلى مكان غير معروف، وبدون أية إجراءات رسمية أو بيان مكان اعتقاله أو تهمته لذويه أو لزملائه المتواجدين في نفس المكان.

إن هذا الحادث يمثل حلقة من مسلسل البطش بالوطنيين الثوار والانتقام المنظم منهم من قبل أجهزة الشرطة والأمن الوطني، والذي يكتسب رمزية غاية في الدلالة عندما يحدث في مكان محاكمة الرئيس المخلوع وأعوانه وقتلة المتظاهرين، والتي يراقب العالم أجمع أحداثها بدقة، وبأوامر وأمام أعين قوات الشرطة؛ إنما يعد مؤشرًا خطيرًا على استمرار البلطجة الأمنية السابقة للنظام البائد، وإهدار كرامة وحقوق المواطن المصري، وعدم تغيّر الشرطة في نهج اللامبالاة الكاملة بخطورة الجريمة التي حدثت ومكانها وتأثيرها على سمعة الوطن عالميا وكرامة المواطن.

ويطالب الموقعون على البيان وزارة الداخلية بالإعلان الفوري عن مكان أحتجاز الدكتور عمرو مرسي وأسماء من معه من مواطنين و النيابة التي تم تحويلهم إليها على الرأي العام المصري وبالطرق الرسمية وبشفافية كاملة وقانونية، وبيان أسباب احتجازهم مع توفير كامل الرعاية والعلاج الذي تتطلبه حالتهم الصحية، خصوصاً بعد تقارير شهود العيان المؤكدة لوقوع إصابات جسدية خطيرة وحرجة بين هؤلاء المختطفين أحدثتها قوات الأمن بأجسادهم أثناء القبض عليهم. وكذلك التوقيف الفوري لكل المشاركين في الاعتداء عليهم بإصدار الأوامر أو تنفيذها فورا لحين التحقيق في جريمتهم.
كما نطالب بالإفراج الفوري عن الدكتور عمرو مرسي حيث كان يؤدي واجبه المهني والإنساني والوطني، وعن كل من لم يرتكب أي فعل مخل بالقانون من المحتجزين.

ونطالب وزارة العدل والمجلس القومي لحقوق الإنسان ونقابة الأطباء بالمسارعة في التحقيق في هذا الحادث وإطلاع الرأي العام بما تم بخصوصه.

كما يطالب الموقعون رئيس مجلس الوزراء بضرورة التدخل لوقف المسلسل الإنتقامي لرجال الشرطة بالثوار والتأكد من إلتزام وزارة الداخلية في عملها بمبادئ حقوق الإنسان وتوفير المعاملة الكريمة لكل مواطن مصري.
الاثنين 5 سبتمبر 2011
الموقعون على البيان

جمعية أطباء التحرير
حركة شباب 6 أبريل - الجبهة الديمقراطية
أطباء بلا حقوق
التجمع الوطني لحماية أسر شهداء الثورة
الجبهة القومية للعدالة و الديمقراطيةمركز النديم لتأهيل ضحايا العنف والتعذيب
حزب العمال الديمقراطي – تحت التأسيس

ادخل هنا للتضامن مع الدكتور عمرو أحمد موسى

كفايانا خنوع يا تربية المخلوع

رجب طيب اردوغان - اهلا بيك فى مصر
فأنت رجل مشرف

للى عايز يعرف يعنى ايه راجل دولة صاحب رؤية  يبص على سياسة اردوغان اللى شايل بلاده فوق كتافة و رافض يحطها فى الارض زى عبد الفتاح القصرى اللى بيحكم و يا ريته عارف يحكم ....خايب و مالوش كلمة و كل مرة كلمته تنزل الأرض و يقولك بكل فخر معلش ح تنزل المرة دى

سلام لنورمندى توو اللى بيبنى الجدار العازل عشان يحمى سفارة الصهاينة ، و لا يمكن يكون عنده رؤية  مش باينة دلوقتى و ح تظهر اول ما الجدار يخلص .. مش يمكن قصده اللى ما تقدرش ترميه فى البير ارمى عليه البير ؟؟؟ و  الفكيك بتاع الجدار  مش قادر يرمى اسرائيل فى البير فقرر يبنى البير حوليها 

و لحد ما تظهر عظمة الرؤية اللوزعية دى خلونا ندخل دنيا الفرسان مع اردوغان العظيم ، العظيم بجد ، عظمته حقيقية مش صينى و مالهاش ضمان زى بتاعة " القصرى " اللى بيحكم
اردوغان راجل عظيم بجد و التاريخ ح يكتب اسمه بالدهب لأنه راجل و الرجال قليل ، و لأنه شرف بلده و صان ماء وجه المنطقة كلها و المسلمين خاصة بدل ما احنا مفضوحين فى كل حتة باسم العلاقات الدبوماسية و معاهدة " معسكر ديفيد "

موقع على الفيس بوك اسمه انا الواحد فى المية - الموقع ده ظهر بعد ما أكد المجلس العسكرى ان 99% من الشعب راضى عنهم و عم سياستهم 

رسالة منى لكل واحد قاعد على كرسى أكبر منه ، أو قاعد على كرسى ما يستحقهوش ، أو فجأة لقى نفسه فوق كرسى و ما يعرفش مين إللى حدفه عليه و كل شوية يسمع  كلام مش فاهم معناه و هو :

1. مسؤل صاحب رؤية
2. وزير صاحب رؤية ساسية                                                                                                                                                              
3. قيادة لها استراتيجية
4. الوطن

 لكل واحد قاعد على كرسى مش بتاعه و مش عارف إيه يعنى الرؤية ،لأن الرؤية تقتصر عنده على رؤية شهر الصوم و خلاص صومنا رمضان و شفنا الرؤية و عيدنا كمان ، يبقى رؤية إيه إللى خوتنا بيها دى

يا ريت المسؤل ده اللى سعده زمانه و خلاه عايش ايام اردوغان يذاكر مواقف اردوغان عشان يعرف يعنى ايه كرامة الوطن و كرامة المواطن .. يا ريت القائد إللى مسمى نفسه قائد و لا مسمينه قائد الفرقة النحاسية يقعد يذاكر رؤية أردوغان عشان يعرف ان المجتمع الدولى ما بيعترفش بالدول الضعيفة إللى ماشية جمب الحيط ، لأنهم بعد شوية ح يحطوه جوة الحيط و هو حى

كفايانا خنوع يا تربية المخلوع

و يعنى إيه كوك زيرو : يعنى جنودنا تنضرب بالنار فى سينا .... و  اردوغان يطرد السفير الصهيونى ابن اللذين

و لولا انى مصرية حتى النخاع و ما يعجبنيش غير ان المصرى هو إللى يحكمنا عشان كدة خلعنا المخلوع لما إتأكدنا انه صهيونى ... خلعناه لما اكتشفنا لأنه مش مصرى حتى و لو معاه بطاقة متزور فيها انه مصرى ..... لولا كدة كنت قلت معلش يا تركيا ممكن نستلف اردوغان منكم 4 سنين بس

يا ريت السادة البلاليص يتعلموا الكرامة ؛ و لو مكسلين يبصوا على تركيا ، يقدروا يبصوا على الشعب المصرى صاحب الكرامة و يتعلموا منه .. شوفوا شعبنا الكريم بيحتفل إزاى بأردوغان بعد ما طرد السفير الصهيونى و بعد اسطول الحرية و معاه حراسة كمان

مرحبا بك رجب طيب اردوغان في مصر بلدك الثاني

و بعد ان اعلنت الاذاعة التركية خبر اعتزام اردغان زيارة مصر يوم 12 سبتمبر ظهر الموقع ده  

حملة لأستقبال رئيس الوزراء التركي رجب أردوغان بالورود عند زيارته للقاهرة

لكن اللى ما عندهمش كرامة و بيتمحكوا فى أى حاجة و بيتمسحوا فى أى أسباب باقولهم عيب عليكم ، بقيتوا اضحوكة و فضايحكم بقت مكشوفة و ريحتكم بقت لا تطاق

الحلقة 15 من الحاجة ايفون - اطردوا الفلول من حياتكم السياسية و الاجتماعية

أحمد انهزم بشدة لأن والده رفض زواجه من فتاة سيئة السمعة تنتمى للحزبالواطى ... فشلت كل الجهود فى اخراج أحمد من حالة الإكتئاب التى سيطرت عليه .. فلم يهتم بالطائرة الحربية التى أفزعت سكان المعادى ، لم يهتم بالحالة النفسية لطنط ايفون التى فقد ابنها ، حتى اعتصام 8 يوليو لم يخرجه من حالته النفسية لأنه غير شعاره إللى كان الدستور .. الشئ الوحيد الذى أعاد أحمد للحياة هو " حق الشهيد " ... افتكر أدهم إللى كان واقف جمبه فى الاعتصامات و المظاهرات و سقط شهيد يوم موقعة الجمل




الحلقة 15 من مسلسل الحاجة ايفون - احذروا الفلول..., posted with vodpod

الحلقة 16 من مسلسل الحاجة ايفون - حق الشهيد

1st collector for الحلقة 16 من مسلسل الحاجة ايفون - حق الشهيد
Follow my videos on vodpod

أحمد انهزم بشدة لأن والده رفض زواجه من فتاة سيئة السمعة تنتمى للحزب الواطى ... فشلت كل الجهود فى اخراج أحمد من حالة الإكتئاب التى سيطرت عليه .. فلم يهتم بالطائرة الحربية التى أفزعت سكان المعادى ، لم يهتم بالحالة النفسية لطنط ايفون التى فقد ابنها ، حتى اعتصام 8 يوليو لم يخرجه من حالته النفسية لأنه غير شعاره إللى كان الدستور .. الشئ الوحيد الذى أعاد أحمد للحياة هو " حق الشهيد " ... افتكر أدهم إللى كان واقف جمبه فى الاعتصامات و المظاهرات و سقط شهيد يوم موقعة الجمل

و عشان كدة احنا خلعناه - ألحان عمار الشريعى

لا أختراه و لا بيعناه - فجأة فوق راسنا لقيناه - 
و إللى مش عارف قصدى يفتح التلاجة و يآكل حتة جبنة يمكن مخة يسخن و يعرف الحل 


La vache qui rit
مرسومة على كل علبة 
La vache qui rit
الأول افتكرناه بيضحك لينا - اتاريه بيضحك علينا
و عشان كدة احنا خلعناه