الخطاب الميكس فيه كل شئ و العكس

لأنى مش من الأخوان فانا أطيع الله عن طريق إعمال العقل كما أمرنى ... و لا اعطل عقلى كما هو حال جماعة السمع و الطاعة .

و إعمال العقل فرض عليا مقاطعة  الانتخابات لأنى متأكدة انها المسرحية مكتوبة و مش ح اقبل اكون كومبارس مكمل لسيناريو موضوع سلفا .

و انتهت الحكاية بفوز مرسى ... و نزل مرسى الميدان ... و عشان ما أشككش فى حد لأنى ما أعرفش النوايا .. لكن لاحظت ان خطاب مرسى يحمل المعنى و ضده .... فقد اقسم ان المدنيين المحاكمون عسكريا فى رقبته – مع انى متعقدة من كلمة برقبتى دى عشان دى إللى قالها شفيق ايام موقعة الجمل لكن ما علينا ، مش دى موضوعنا... لكن موضوعنا انه إزاى مرسى يقول المحاكمين عسكريا دول فى رقبتى و فى نفس الوقت قال انه ح يبدأ بعمر عبد الرحمن المحبوس فى امريكا ... و هو حضرتك لك سلطان علي امريكا  ... ثم يعنى الثوار إللى وصلوك للكرسى ح تسبهم يخلصوا مدة الحكم عليهم و تقعد  فى مباحثات مع أمريكا عشان عمر عبد الرحمن .... دى مش مفهومة ، و ح نسبها للتوضيح

الحاجة التانية :

مرسى قال سنمحى اى كلمة تعنى التبعية .. هل ده  معناه " باى باى ماما أمريكا" ... و ح تخلى الجيش ما يخدش المعونة ... طيب ما حضرتك ما عندكش أى صلاحيات على العسكر  ... و ما هى حدود الغاء التبعية إللى كل المصريين نفسهم انها تتلغى ... و ح تلغى التبعية دى قبل الافراج عن عمر عبد الرحمن و لا بعدها ؟؟؟

... و لا ده كلام للاستهلاك المحلى ... مجرد كلام م اللى بيعجب السذج و بيبهر بتوع السمع و الطاعة .

الحاجة التالتة :

قولت ان الشعب مصدر الشرعية والسلطة التي تعلو على الجميع ... و مع ذلك روخت تقسم فى الدستورية ... ما توحد اتجاهك يا منتخب .... يا تخليك مع الشرعية إللى حضرتك مقتنع بيها و تطلب مساندة الشعب ضد الاعلان الدستورى المكمل ... يا ما تقولش للناس كلام معسول – و لا ده كلام مقصود به السيطرة على العامة و تغيبهم لتمرير امور قادمة ؟؟

الحاجة الرابعة :

الخطاب اتقال فيه " لن افرط فى أى شئ من صلاحية رئيس الجمهورية " ... مع انك وافقت على الاعلان الدستورى المكمل ... و الدليل انك رحت تقول القسم امام اعضاء المحكمة الدستورية

الحاجة الخامسة :

روحت قابلت قيادات الداخلية بترحاب و ابتسام رغم علمك ان منهم قاتل الشهداء و مع ذلك قبلت مصافحتهم ... و فى نفس الوقت وقفت فى الميدان تقول حق الشهداء فى رقبتى

... وقلت باعلى صوتك " انا باتكلم و الجيش سامعنى و الشرطة سمعانى "

الكلام كله له معنايين و كل معنى محتاج تفسير و توضيح و كل كلامة متبوعة بتصرفات منك تؤيدها .


يا ترى الخطاب ده يندرج تحت بند : دهاء الشراقوة و لا مكر أهل الريف ... ولا لعب الاخوان إللى بيلعبوا على كل الأطراف ... و لا فن السياسة إللى بينتهى بكلام دون افعال

نحن فى انتظار الأيام لتثبت لنا حقيقة النوايا التى خفيت علينا الآن ... و نعرف ان كانت الصورة إللى رسمها كارلوس حقيقية و لا مجرد افتراء

الحلقة 31 من الحاجة ايفون - حقيقة ما حدث ف شارع محمد محمود

لستمر الضرب بالخرطوش و بغاز يسبب الشلل لمدة اسبوع ... و رغم ذلك تحامل الشباب و اصروا على عدم وصول افراد الداخلية للميدان ... و اصيب احمد بخرطوش .. و تطورت الاحداث بشكل دفع مصطفى لتطليق زينب

مسلسل الحاجة ايفون اخراج أيمن عبد الرحمن – تأليف سمر العزب – بطولة انعام الجرتلى – سميرة عبد العزيز  - منال سلامة – ايهاب فهمى – فايق عزب

Publicite Afrique

ارجوكم ما تنسوش أهم أحداث سنة و نص ثورة

من امبارح وانا عايز اقول شوية نقط  تعبانى
----------------------------------
1-كل الانجازات اللى حصلت فى السنة ونص اللى فاتوا لو اعتبرناها انجازات كانت بسبب احكام قضائية من اول حل المجلسين وحل الحزب الوطنى وانت ماشى
2-ايام المخلوع اتحل المجلس مرتين بسبب حكم المحكمة الدستورية
3- طول السنة ونص اللى فاتوا كانت القرارات التشريعية فى ايد المجلس العسكرى وماشفتش حد من الاخوان اعترض
4-قرارات المحكمة الدستورية كلنا كنا متوقعنها ومن زمان مش حاجه جديده
5- جزء من اعتراضنا على دستور 71 هو الصلاحيات المطلقة لرئيس الجمهورية وانه رئيس كل حاجه فى مصر
6- خريطة الطريق السودا اللى فشختنا دى اللى شارك فيها بجزء كبير هما الاخوان المسلمين اللى قعدوا مع عمر سليمان من يوم 4 فبراير واللى رفضوا ينزلوا الميدان من ابريل 2011
7- انا مش فاهم يعنى ايه حكم يطلع لصالحى يبقى قضاء نزيه مايطلعش لصلحى يبقى فاسد
8- الاخوان ارتضوا نتيجة المرحلة الاولى من انتخابات الرياسة اللى طلعت مرسى الاول وماقلوش ان فى تزوير وماطعنوش على اى نتيجه ( اللجنه هى هى فى المرحلة التانية)
9- ماشفتش المرشد ولا مرسى بيقول لصفوت حجازى عيب اللى بتقوله ده لما اعلن فى المحلة ان الاخوان هما حماس وان مصر جزء من الخلافه اللى عاصمتها القدس
--------------
اللى الاخوان بيمارسوه اليومين دول دعاره سياسة 
انا ضدها لانها مش لصالح الوطن... وان كنت بكره شفيق فانا بكره الاخوان زيه بالظبط
لانها جماعة نفعية ميكافلية لاقصى درجة....
ياريت مانتسحبش فى معركتهم ونركز مع معركتنا احنا
الدستور
الدستور العادل لدولة مدنية حديثه تنادى بالحرية والعدالة الاجتماعية

ايمن عبد الرحمن – مخرج بماسبيرو

African affiliation program

http://sakya-songs.blogspot.com/

فضيحة جديدة لتلفزيون احمد أنيس - ماسبيرو سابقا

http://sakya-songs.blogspot.com/

http://el7adsa-incident.blogspot.com/

بيان جبهة الإبداع المصرية حول تشكيل الجمعية التأسيسية للدستور في ضوء المعايير الجديدة

دعت " جبهة الإبداع المصري "  لاجتماع طارئ لبحث الموقف من المشاركة في  الجمعية التأسيسية لصياغة الدستور المصري  بعد الاعتراضات الواسعة لتأسيسها في ظل سيطرة تيارات الإسلام السياسية عليها .
و انتهت الجبهة – بإجماع أعضاءها الممثلون لـ كافة الاتحادات و النقابات و الجمعيات و الائتلافات الأدبية و الثقافية و الفنية – إلى القرار التالي :

1.   رفض الصيغة و المعايير التي تم بناء عليها تشكيل ( الجمعية التأسيسية للدستور ) و مقاطعة المشاركة فيها و اعتبارها كياناً غير شرعي و اللجوء للقضاء لوقف عملها مع الإعداد لفعاليات تصعيدية تجعل كافة وسائل رفضها مفتوحة أمام المبدع المصري في الشارع .
و يأتي هذا القرار للأسباب التالية :
أولاً : لا فرق على الإطلاق بين أسباب رفض تأسيسية الدستور في تشكيلها الأول و الأخير فكلاهما يعبر عن استئثار قوى الإسلام السياسي بصياغة الدستور المصري القادم و ما حدث من تغيير يصب في خانة الشكل لا المضمون و يعتبر المشاركين فيه مجرد ديكور يمنح الشرعية لدستور تتم كتابته في مكتب المرشد العام للإخوان بعد اعتماده من مجلس شورى جماعته لا الشعب المصري و هو ما يعني ليس فقط العودة لاستبداد دستور 1971 بل يتجاوز ذلك إلى دسترة الاستبداد باسم الدين و يفتح باب وصاية الجماعات الدينية على مصر كلها .



ثانياً : كما ضمنت جماعات الإسلام السياسي أغلبية في البرلمان بغرفتيه سعت لضمان فرض إرادتها على تأسيسية الدستور عبر امتلاكها لأغلبيتها قبل حتى أن تبدأ أعمالها سواء بأعضاء أحزابها أو نقاباتها أو المتعاطفين معها و هو ما يعني سيطرتها المبدئية على نسبة الاعتماد البالغة 57% من إجمالي أعضاءها . و من ثَم فإن أي معارضة داخلية للكتلة الباقية بفرض أنها واحدة سيؤدي في النهاية إلى مجرد إضفاء الشرعية على دستور تؤكد الشواهد أنه جاهز و موجود بمكتب المرشد .
ثالثاً : إذا كان مجلس الشعب الحالي مطعون في شرعيته و قد يصدر أي حكم بحله و حال حدوث ذلك – و وفق القانون – فإن ما اتخذه من قرارات و ما شرعه من قوانين يظل سارياً فيكون الأولى هو تأسيس الدستور يكون الأولى تأجيله لحين الفصل في شرعية المجلس و انتخاباته و ليس تأزيم الوضع الحالي بصياغة دستور تحت وصاية المطعون في شرعيته .
رابعاً : تمثل معايير المشاركة في تأسيسية الدستور جوراً حقيقياً على حقوق العمال و الفلاحين الذين تقل نسبة تمثيلهم عن النسبة التي حصل عليها حزب واحد مثل الحرية و العدالة – الإخوان المسلمين – وفي ذات الوقت هناك مشاركة لأحزاب تعلم الأغلبية البرلمانية أنها لا تمثل إلا شخوصها و في المقابل فإن نسبة مشاركة كنائس مصر الثلاث تم تمثيلها بـ ( 4 أشخاص ) فقط و هو ما يعطي دلالة لطبيعة المشاركة التي يسعى الإخوان إليها .

http://sakya-songs.blogspot.com/

خامساً : يبقى اللجوء للقضاء هو الحل المنطقي و الطبيعي طالما أن هيمنة تيارات الإسلام السياسي على الواقع المصري تصر على الالتفاف حول أحكامه الرافضة لسعي هذه التيارات لفرض إرادتها على المستقبل و الانفراد بصياغة مستقبل وطن نحيا فيه جميعا وهو ما يدفع الواقع المصري إلى العودة لبداية الأزمة .
و أخيراً ... فإن إقصاء مبدعي مصر أدباءً و مثقفين و فنانين يعبر عن إرادة حقيقية من قوي الإسلام السياسي لتهميش دور الوعي المصري و اسكات صوت الأمل فيه و وأد ضميره الحي و صبغ الوطن بلون واحد لا يرى إلا ذاته و لا يسمع إلا صوته بل و يُشرع لقراراته معتبراً أنه صوت الحقيقة الوحيد ومالك الحق الإلاهي المطلق ... و هو ما يرفضه المبع المصري جملة و تفصيلاً ... بل و أيضاً سنعمل على مواجهته بكافة الوسائل الممكنة حتى و إن كان الثمن اعتصاماً مفتوحاً و إضراباً عن الطعام على أسوار مجلس الشعب حتى يكتب الله لوطننا الحرية أو نموت و نحن رافعين راية الحرية و ما أكرمها من حياة مرفوعة الرأس أو شهادة مثلها .
عاشت مصر و ثورتها... مرفوعة الراية ... واعية الضمير
جبهة الإبداع المصري
القاهرة 9 يونيو 2012